SHAAHO 1

Xoossay Yootiyoobaa Waatidi Siyana Danddayiyoo?

Xoossay Geeshsha Maxaafaa baggaara ba qofaa nuuyyo yootees. 2 Ximootiyoosa 3:16

Yihooway ba araatan saluwan uttidi asay Geeshsha Maxaafaa xaafanaadan ayyaanan denttettiis

Tumu Xoossay issi dumma maxaafan ba qofaa xaafanaadan issi issi asata denttettiis. He maxaafay Geeshsha Maxaafaa. Neeni eranaadan Xoossay koyiyo keehi koshshiya qofay an dees.

Nuuyyo keehi loꞌꞌo gididabaa Xoossay erees; qassi i aadhida eratetta ubbau pultto. I yootiyoobaa siyiyoogan neeni tumuppe aadhida erancha gidaasa.—Leemiso 1:5.

Daro doonan de’iya Geeshsha Maxaafaa; issi bitanee ba doonan Geeshsha Maxaafaa nabbabees

Xoossay saꞌan deꞌiya ubbay Geeshsha Maxaafaa nabbabanaadan koyees. Ha wodiyan Geeshsha Maxaafay daro qaalan dees.

Neeni Xoossay yootiyoobaa siyana koyikko, Geeshsha Maxaafaa nabbabananne akeekana koshshees.

Ubbasan deꞌiya asay siyiiddi deꞌees. Maatiyoosa 28:19

Issi Yihoowa Markkay xiqisiyaa issi bitaniyawu nabbabidi, aara Geeshsha Maxaafaa xanna’ees

Neeni Geeshsha Maxaafaa akeekanaadan Yihoowa Markkati maaddana danddayoosona.

Saꞌa ubban eti Xoossaabaa tumaa tamaarissoosona.

Yihoowa Markkatu SHiiquwaa Addaraashan shiiqiyo shiiquwaa

Neeni he timirttiyau miishsha qanxxana koshshenna. Ne heeran deꞌiya, Yihoowa Markkatu Kawotettaa Addaraashankka Xoossaabaa tamaarana danddayaasa.