Haggaazuwan Kaseegaappe Qara Gidiyoogaa​—Dichchaa Bessennaageeta Geeshsha Maxaafaa Xannaꞌissiyoogaa Aggiyoogaa

HEGEE AYBISSI KOSHSHII?: Yihoowa sunttaa xeesiya asatu xallay attana. (Roo 10:13, 14) Gidoppe attin, asa ubbay Geeshsha Maxaafaa xannaꞌanawu eeno giidi Yihoowa maaraadan deꞌanawu koyennaagee qoncce. Hegaa gishshawu alꞌꞌo haggaazo wodiyaa loytti goꞌettidi bantta deꞌuwan laamettidi tumuppe Yihoowa ufayssanawu baaxetiya asata demmidi maaddanawu koyoos. Nuuni etawu gidiya wodiyaa goꞌettidi Geeshsha Maxaafaa xannaꞌissin eti koshshiya dichchaa bessana xayikko eta xannaꞌissiyoogaa aggidi Yihooway baakkonne ba dirijjitiyaakko shiishshiyoogeeta maaddiyoogee keehi koshshees. (Yoh 6:44) SHin laamettidi “merinaa de7uwaassi” wozanay simmido asa gidiyoogaa bessikko, zaaridi A xannaꞌissiyoogaa doommana danddayoos.—Oos 13:48.

HEGAADAN OOTTANA DANDDAYIYO OGETA:

• Tumatettaa eraa demmanawu eti koyido gishshawu xannꞌiyaageeta galata.—1Xim 2:4

• Tamaaridobaa oosuwan peeshshiyoogee keehi koshshiyoogaa qonccissada yoota.—Luq 6:46-49

• Yesuusi zeriya bitanaiyaabaa yootido leemisuwaa ashkketettan yootada, tamaaridobaa I oosuwan peeshshennaadan aybi diggiyaakko oychcha.—Maa 13:18-23

• Xannaꞌissiyoogaa ne aggiyoogee aybissakkonne hiillan awu qonccissa

• I sinttappe dichchaa bessiyoo wode xinaatiyaa doommanaashin A zaarettada oychchiyoogaa aggennaagaa yoota

BIIDUWAA BEꞌI SIMMIDI KAALLIYA OYSHATUYYO ZAARUWAA IMMITE:

• Xannaꞌiyaagee ayyaanaaban dichchaa bessennaagaa qonccissiyaabaa ha haasayaappe ay akeekidetii?

• Xannaꞌiyaagee tamaaridobaa nashshidi ba deꞌuwan laamettiyoogee ay keena koshshiyaakko hassayanaadan aassiyaagee waati maaddidee?

• Xannaꞌiyaagee sinttappe issi issiban laamettin xinaatiyaa zaaridi doommanaadan aassiyaagee hanotaa waati giigissidee?