Xoossaa Kawotettay Sinttappe Ay Oottanee?

Geeshsha Maxaafay yootiyoobaa

Xoossaa Kawotettay asaa kawotetta ubbaa xayssidi kumetta saꞌaa haarana. (Daaneela 2:44; Ajjuutaa 16:14) Hegaappe simmin, Xoossaa Kawotettay . . .

• Bantta xallaa siiqiyoogan nuna qohiyaabaa oottiya iita asata xayssana. “Iitati biittaappe xoqollettana.”—Leemiso 2:22.

• Ola ubbaa xayssana. “[Xoossay] sa7aa gaxaa gakkanaassi de7iya olaa teqqees.”—Mazamure 46:9.

• Asay saꞌan ishalidinne woppu giidi deꞌanaadan oottana. “Asi ubbi ba woiniyaa turaa kuwaaninne balasiyaa kuwan woppu giidi uttana; ai asinne eta yashissenna.”—Mikiyaasa 4:4.

• Saꞌaa gannate oottana. “Bazzoinne mela biittai ufaittana; bazzoi ufaissaa poocu giiddi, ciishshaa ciyyana.”—Isiyaasa 35:1.

• Ubba asawu ufayssiya loꞌꞌo oosoy deꞌana. “[Xoossay] dooridoogeeti bantta adussa wodiyau bantta kushiyaa oosuwan ufaittana. Eti coo daafurokkona.”—Isiyaasa 65:21-23.

• Harggiya xayssana. “[Yan] de7iya ooninne, ‘Taani harggais’ yaagenna.”—Isiyaasa 33:24.

• Cimatettaa xayssana. “A bollai yelagana; a yelagatettaa wolqqaikka ayyo simmana.”—Iyyooba 33:25.

• Hayqqidaageeta denttana. “Duufuwan de7iyaageeti [Yesuusa] cenggurssaa siyiyo wodee yees. Siyidi eti duufuwaappe gaxi kiyana.”—Yohaannisa 5:28, 29.