How We Fit Use Tract Preach?

Since January 2018, the front page of our Life and Preaching Meeting Workbook, get example wey we fit use preach every month. They don encourage us say make we no just de give people our books but make we really use Bible preach. To help publishers adjust their preaching style, we de watch videos every month wey de show how we fit use only Bible preach. So, this one mean say we no go give people our books when we de preach from house to house? No! For example, we fit use tract start preaching with person wey we meet. We fit use this example for down when we want use any of the tract:

1. Ask the question and answers for the front page.

2. Show the person the answer from Bible wey dey the top of the second page. If the person get time, read and talk about some things wey they write inside the tract.

3. Give the householder the tract, and encourage the person to read the rest for e free time.

4. Before you go, show the person the back of the tract where they write “Think About This Question,” and tell-am say wuna go find the answer for Bible when you come again.

When you come back, talk about the answer and ask another question wey you go answer when you come again. You fit choose question from our website or from Good News brochure wey dey the back of the tract. If you choose question from Good News brochure, show the person the brochure or any other book for our Teaching Toolbox wey we de use study Bible with people, and talk small about-am.