How Them Kill Many People for Europe—Wetin Bible Talk?

For January 27, 2023, for different country of the whole world, them go remember how them kill plenty people for Europe many years ago. This wicked things wey happen for more than 75 years now, fit make person de wonder say why God allow this kind killing to happen.

• To find out wetin Bible talk, read the article “Why They Kill Plenty People for Europe? And Why God No Stop-Am?”

Jew people suffer well-well as this thing happen to them. The people wey do this bad thing, really arrange-am and plan-am well to kill millions of people. Them still suffer other group of people and kill them for the time wey them kill plenty people for Europe. Some of them na Jehovah Witness people wey them suffer because of wetin them believe from the Bible.

• To know more, read the article “What Happened to Jehovah’s Witnesses During the Time of the Holocaust?”

“Hope and correct future”

Many people de fear say this kind thing fit happen again. We really happy say Bible help us see say, for future this kind thing no go happen again.

• “I really know wetin I get for mind for wuna, na to give wuna peace, no be problem, to give wuna hope and correct future.”—Jeremiah 29:11.a

This hope go come true when Jehovah end evil and all the bad things wey don happen. E go soon:

• Destroy people wey de do bad things to other people.—Proverbs 2:22.

• Heal people wey don really suffer.—Revelation 21:4.

• Bring people wey don die back to life again for this earth.—John 5:28, 29.

You fit trust the hope wey de make person mind come down wey Bible de give. To learn why, we de invite you to try our free Bible study program with teacher.