Science People Talk Say the Time Wey Humans Go Destroy Theirself Don Near Pass Before—Wetin Bible talk?

For January 24, 2023, science people move the timea wey humans go destroy theirself make e near midnight well-well. For their mind, this one mean say the end of the world don near.

‘This time wey science people don set wey represent wetin humans de do to destroy theirself, move near midnight well-well. Them move the time on Tuesday because of the things wey de happen like war for Ukraine, fear of dangerous things wey people de use fight war and weather wey de change.’—AFP International Text Wire.
‘One group of science people from different part of the country warn say, human being fit destroy theirself now pass as e be before.’—The Guardian.

Na true say human being life and our world go soon end? We suppose to de fear wetin go happen for future? Wetin Bible talk?

Wetin go happen for future

As Bible talk, “the earth go remain forever” and people go dey wey “go stay inside forever.” (Ecclesiastes 1:4; Psalm 37:29) So humans no go destroy the earth or make-am be like place wey people no go fit stay.

But Bible talk something about the end. For example, e talk say, “the world . . . don de go.”—1 John 2:17.

To know wetin Bible mean when e talk about the end of the world, read the article “Is the World Coming to an End? What Is the Apocalypse?”
To know wetin Bible talk about the timing of the things wey de happen for this world, read the article “When Will the World End?”

De put mind for good things

Bible fit help you de think about good things even with the wahala wey de happen for the world. How?

Bible de give us better advice wey fit help us everyday. (2 Timothy 3:16, 17) For example, read the article “How to Control Worry” to see how Bible fit help you de put mind for better things even though problem plenty for this world.
Bible gives us better hope about the future wey we fit trust. (Romans 15:4) E tell us exactly wetin we fit expect now and for future, and this one de help us get strong mind to fit stand well even with the things wey de happen for this world.

If you want gain more from Bible, we de invite you to try our free Bible study program with teacher today.

a ‘The time wey them don set wey humans go destroy theirself na time wey de warn people about how human being don almost destroy this world finish with dangerous things wey them de use their hand make. Na something wey de remind us of the things wey we must fix, if we go continue to survive for this earth.’—Bulletin of the Atomic Scientists.