Proverbs 3:5, 6—“No Depend on the Things Wey You Know”

“Trust Jehovah with all your heart, and no trust the things wey you know. Remember-am for all the things wey you de do, and e go make your road dey straight.”—Proverbs 3:​5, 6, New World Translation.

“Trust the LORD with all your heart and no depend on the things wey you know. Put yourself under-am for anything wey you de do and e go make your road straight.”​—Proverbs 3:​5, 6, New International Version.

Wetin Proverbs 3:​5, 6 mean?

When we want make important decision, make we turn to Jehovaha for help instead for us to make the decision on our own.

“Trust Jehovah with all your heart.” We de show say we trust God when we do things the way Jehovah want. We need to trust God finish, with all our heart. Sometimes, when Bible de talk about heart, e de talk about who we really be for inside. For example, e de talk about the way person de feel, wetin de move-am do wetin e de do, wetin e de think, and im character. So, to trust Jehovah with all our heart no mean say we go just follow how we de feel to do things. Instead, e mean say we go decide to do things the way Jehovah want because we dey sure say Jehovah know wetin better pass for us as e be say na im create us.​—Romans 12:1.

“No trust the things wey you know.” We need to trust God because we no dey perfect and so sometimes, the way we de reason no de correct. If we de follow only wetin we know and how we de feel when we want make decision, we fit make decision wey go be like say na good decision, but wey we go later regret. (Proverbs 14:12; Jeremiah 17:9) God get sense pass us by far. (Isaiah 55:​8, 9) When we de do things the way Jehovah want, we go dey happy.​—Psalm 1:​1-3; Proverbs 2:​6-9; 16:20.

“Remember-am for all the things wey you de do.” For everything wey we de do for our life and for every important decision wey we want make, make we think about wetin God want. We de do this one when we de pray to God make e guide us and when we de do wetin e talk for Bible.​—Psalm 25:4; 2 Timothy 3:​16, 17.

“E go make your road dey straight.” God de make our road straight as e de help us live our life the way e want. (Proverbs 11:5) This one de help us no enter problem and we go dey happy.​—Psalm 19:​7, 8; Isaiah 48:​17, 18.

Things wey dey around Proverbs 3:5, 6

For Bible, the book of Proverbs get plenty advice wey fit help us happy for life and live the way God want. Them write chapter 1-9 as advice wey papa de give im son wey e love. Chapter 3 talk about wetin person de gain if e value and follow the advice wey Jehovah de give.​—Proverbs 3:​13-26.