How To Study

Try to Learn More Things About Jehovah

When we de read Bible, we fit do research to learn more things about wetin we de read. But we no want do research just to know plenty things from Bible. We want learn more about Jehovah better-better character wey go make us love-am more-more. To fit do this one, we fit ask ourself say, ‘Wetin this place wey I de read de teach me about Jehovah?’

For example, you fit try to see how Jehovah don show say e get love, deep sense, power, and e de judge well. But you fit still learn about plenty other better-better character wey Jehovah get. If you want do this one, where you go check?

Go check Watch Tower Publications Index, for the topic “Jehovah,” you go see small topic wey be “Qualities by Name.” For there, you go see more than 50 different better-better character wey Jehovah get. Try do research about the character wey concern wetin you de read from Bible. (If you get Research Guide for Jehovah’s Witnesses, find the topic “Jehovah God” and check the small topic wey be “Jehovah’s Qualities.”)