Find Fine-Fine Lessons for Bible Wey You Fit Use

When we de read Bible, we fit learn fine-fine lessons, if we do research. But how we fit gain more when we do research?

Find other things about the story wey you de read for Bible. For example, check who write the story, who e write-am to and when e write-am. Which other things happen before and after the story wey you de read?

Think about lessons wey you fit learn. You fit do this one when you do research to find answer to questions like: How the people wey dey the story feel? Which character them get? Why I suppose copy their good example or run from their bad example?

Use wetin you learn when you de preach or when you dey with other people. This one go show say you get sense as Bible talk, when e talk say: “Anybody with sense go put heart for this things.”—Ps. 107:43

• See wetin you fit do: See how the part for our midweek meeting, wey be Fine-Fine lesson From Bible, show us how we fit use wetin we learn. For this part, we get questions wey we fit ask ourself, things wey we fit think deep about and pictures wey we fit learn from.