Wetin You Fit Do to De Happy Even When Things No De Go Well​—Wetin Bible Talk?

We no go fit control everything wey de happen to us, especially now wey wetin we no expect fit just happen. Many times, we de happy no be because of how things be for us, but na the way we de fell about our condition de make us happy. Bible talk say even with the problem wey people wey de happy de face, ‘them de always enjoy their life.’ (Proverbs 15:​15, Good News Translation) Wetin we fit do to de happy more-more? See some advice wey Bible give wey fit help you.

Manage problem wey fit make you worry

Bible talk say: “Na the worry-wory for inside the heart of person de make the person sad, but na good word de make the person de happy.”​—Proverbs 12:⁠25.

• Bible fit help you make you no de over worry. To fit know how you fit do this one, read the article wey the title na “What the Bible Says About Anxiety.” (For English.)

Wetin you fit do to stop to feel say you dey alone

Bible talk say: “Real friend de show love all the time and na brother wey you fit trust when problem dey.”​—Proverbs 17:⁠17.

• Bible get better advice wey fit help you get tight friendship with other people and this one fit help you stop to feel say you dey alone. Read the article wey the title na “To Make Friends Fit Help You Stop to Feel Say You Dey Alone​—How Bible Fit Help.”

Make your love for God and your neighbor strong more-more

Bible talk say: “You must love Jehovah your God with all your heart and with all your soul and with all your mind. . . . You must love your neighbor as yourself.”a​—Matthew 22:​37-39.

• Prayer fit make our friendship with God strong more-more. To learn more, read the article wey the title na “Does God Hear Our Prayers?” (For English.)

• To show say we love other people, we go treat them the way Jesus advice say make we treat them. Learn more from the article wey the title na “What Is the Golden Rule?” (For English.)

You no think say e go good to learn more about how Bible fit help you to de happy for this time wey things hard? To fit do this one, we go happy if you accept our free Bible study program.