4 | Puipui Tau ʼAmanaki

HE KOʼE ʼE MAʼUHIGA

Ko te hoha ʼuhi ko te aluʼaga ʼo te malamanei ʼe fua kovi ki te maʼuli malolo pea mo te loto. Tokolahi ʼe tau mo te ʼu mamahi ʼaia ʼe mole toe feala tanatou falala ki he ʼamanaki lelei. Kotea ʼae ʼe natou fai?

• Ko ʼihi ʼe mole fia manatu ki te ka haʼu.

• Ko ʼihi ʼe natou hola ki te kava peʼe ko te toloke.

• Ko ʼihi leva ʼe natou manatu ʼe lelei age pe te mate. ʼO natou ui: “Kotea te ʼuhiga ʼo te hoko atu te maʼuli?”

Ko Meʼa ʼe Tonu Ke Iloʼi

• Ko ʼihi fihifihia ʼe fakatemi pe. ʼE feala pe ke fakasiʼisiʼi peʼe puli ʼosi.

• Tatau aipe pe ʼe mole fetogi te aluʼaga ʼaia, kae ʼe feala pe ke tou katakiʼi.

• ʼE foaki mai e te Tohi-Tapu he ʼamanaki lelei, ko he fakatokatoka ʼo talu ai ʼo te ʼu fihifihia ʼo te malamanei.

Ko Meʼa ʼe Tonu Ke Fai Nei

ʼE ui ʼi te Tohi-Tapu: “ ʼAua naʼa kotou tuʼania ki te apogipogi, koteʼuhi ʼe toe ʼi ai anai mo ʼona tuʼania. ʼE feʼauga pe te ʼaho takitahi mo ʼona fihifihia.”—Mateo 6:34.

ʼEi ʼe tahi feʼauga pe te ʼaho mo ʼona fihifihia. Koia ʼaua te tuku ʼo ʼokotou tuʼania ki te apogipogi ke ina taʼofi te fai ʼo ʼokotou ʼu maʼua ʼo te ʼaho.

Ko te tuʼania ki he ʼu meʼa ʼe feala ke hoko ʼe ʼasili ai takita hoha pea mo puli ai te ʼamanaki ki he maʼuli lelei.

ʼE Foaki e Te Tohi-Tapu He ʼAmanaki Moʼoni

Ko te tagata faipesalemo neʼe ina fai te kole ʼaeni ki te ʼAtua: “Ko tau folafola ko he malama taki i oku vae, pea ko he malama i toku ala.” (Pesalemo 119:105) Ko te fakaʼuhiga totonu ʼaia ʼo te Folafola ʼa te ʼAtua. Tou fakamahino:

Ka fakapoʼuli, ʼe tokoni te malama ke tou iloʼi totatou haʼeleʼaga. ʼO toe feia mo te Tohi-Tapu, ʼe maʼu ai te poto ʼaoga ke tokoni mai moka ʼe tonu ke tou fai he ʼu tonu faigataʼa.

ʼE inaina e te malama tokita ala pea mo ke sio mamaʼo ki te ala. ʼO toe feia pe mo te Tohi-Tapu, ʼe ina fakaha ia aluʼaga ka hoko ʼi te ka haʼu.