Ko Tamatou Fai Fakaafe

Neʼe matou fiafia ʼi te fai palalau mo koutou ʼi te ʼu pāsina ʼo te kaupepa lahi ʼaenī. ʼE matou fakaʼamu neʼe kotou fiafia ʼi takotou maʼu ia he tahi age ʼu mahino ʼo ʼuhiga mo te kau Fakamoʼoni ʼa Sehova. Kotou tali tamatou fakaafe ke kotou ʼomai ʼo sisio ki tomatou Fale ʼo Te Puleʼaga. ʼE kotou sisio ai anai ki te faʼahiga fakaʼaluʼalu ʼo tamatou ʼu fono, pea mo feafeaʼi tamatou faiga ʼaē ke matou vaevae ki te hahaʼi ia te logo lelei ʼo he palatiso ʼi te kele ʼi te takitaki ʼo te Puleʼaga ʼo Kilisito.

Neʼe ko te fakapapau ʼaia ʼa te ʼAtua. “Ohagē ko tana fakapapau mai, ʼe tou talitali ki te ʼu lagi foʼou pea mo te kele foʼou ʼaē ʼe tonu ke nofo ai te faitotonu.” (2 Petelo 3:13) Kua fakalaka te ʼu lauʼi sēkulō. Kua ovi mai ia te fakaʼosi ʼo tatatou talitali. ʼE fakamoʼoni kiai ia te ʼu meʼa ʼaē ʼe hoko ʼi te mālamanei.

Neʼe ʼui fēnei e te ʼapositolo ko Paulo: “Tou fetokagaʼaki ke tou uga ia tātou ki te ʼofa pea mo te ʼu gāue matalelei, ʼo mole tou tuku tatatou ʼu fakatahi . . . tāfito lā heʼe kua kotou sisio ki te fakaovi mai ʼo te ʼaho.” (Hepeleo 10:24, 25) ʼE matou fakaafe atu koutou ke kotou mulimuli ki te tokoni ʼa Paulo ʼo kotou fakatahi mo mātou ʼi tamatou ʼu fono.