ʼE Feafeaʼi Hakotou Lava Fakahā Ia Takotou Agatonu ʼAē Kiā Sehova?

Kotou lagolago ki te ʼAtua. 1 Petelo 5:6-9

Kotou tōkakaga naʼa kotou kau ki te ʼu agaʼi fenua ʼaē ʼe mole ʼalutahi mo te Tohi-Tapu. ʼE tonu ke kotou lototoʼa moʼo fai te faʼahi ʼaia.

ʼE mole tonu ke kotou kau ki te ʼu meʼa fakapolitike ʼo te ʼu puleʼaga fakatagata, heʼe mole lagolago te ʼu fakatuʼutuʼu ʼaia kiā Sehova pea mo tona Puleʼaga.

Kotou fai te tonu ʼaē ʼe lelei—kotou fakalogo ki te ʼAtua. Mateo 7:24, 25

Kotou fakatahi ki te kau Fakamoʼoni ʼa Sehova heʼe natou tokoni atu anai kiā koutou ke kotou fakaovi ki te ʼAtua.

Kotou haga ako ʼo ʼuhiga mo te ʼAtua pea mo kotou tokaga ʼo fakalogo ki tana ʼu fakatotonu.

ʼI te temi ʼaē kua mālohi ai ia takotou tui, ʼe tonu leva ke kotou foaki ia tokotou maʼuli kiā Sehova pea mo kotou papitema.—Mateo 28:19.

Kotou fakalogo ki te ʼAtua. Kotou lau te Tohi-Tapu pea mo kole ki te kau Fakamoʼoni ʼa Sehova ke natou fakamahino atu. Koia kotou maʼuliʼi te ʼu meʼa ʼaē neʼe kotou ako. Kapau ʼe kotou fai te faʼahi ʼaia, pea ʼe kotou māʼuʼuli anai ʼo heʼegata.—Pesalemo 37:29.