“Tou Lau Muʼa ʼi Muʼa ʼo Hatatou Manukinuki”

KO TE palalau ʼaia neʼe fai e te tagata mai Niusila ʼo ʼuhiga mo Te Tule Leʼo, te nusipepa ʼaē ʼe koutou lolotoga lau. ʼO ʼuhiga mo te alatike neʼe talanoa ki te saliote ʼa te ʼAtua ʼi selo ʼaē ʼe fakamatalatala ʼi te kapite 1 ʼo Esekiele, neʼe tohi fēnei e te tagata ʼaia:

“Ko te ʼu manu maʼuʼuli ʼaia e fā, peʼe ko te ʼu kelupimi, ʼe ʼi ai tonatou ʼu pakakau e fā pea mo tonatou ʼu fofoga e fā. ʼE ʼi ai te fofoga ʼo te laione, ʼo fakahā ʼaki ai te faitotonu ʼa Sehova; te fofoga ʼo te vitulo, ʼe fakatātā ki te mālohi ʼo te ʼAtua; te fofoga ʼo te akuila, ʼe faka ʼuhigaʼi ʼaki tona poto; pea mo te fofogaʼi tagata, ʼe fakatā ki te ʼofa ʼa Sehova.

“ ʼI taku lau liuliuga, neʼe malave ʼaupito ʼi toku loto. Neʼe hali toku ʼu loʼimata, ko te ʼu loʼimata ʼo te fiafia. Ko taku ʼu manatu ʼi te temi ʼaia, ‘ ʼE ko he meʼa fakaofoofo pea mo lelei ia kia Sehova!’ Mo ʼau pe la ʼe ʼau punamaʼuli ʼo ʼuhiga mo te ʼu meʼa foʼou ʼaē ʼe ʼau logoʼi ʼi toku loto ʼo ʼuhiga mo te Sehova ʼAtua ʼaia ʼaē neʼe ʼau kataʼi lolotoga ni ʼu taʼu e loaloaga, ʼi taku kei nofo ʼaē ʼi te mālama ʼaenī. ʼE ʼau ʼui ‘mālo’ ki te kau Fakamoʼoni ʼa Sehova, pea kia nātou ʼaē ʼe hage ko ʼau, ʼe ʼau ʼui atu, ‘Tou lau muʼa ʼi muʼa ʼo hatatou manukinuki.’ ”