ʼE talanoa anai ia te alatike ʼaeni ki ʼihi tupuʼaga ʼae ʼe ui ai e te tokolahi ko te kau Fakamoʼoni ʼa Sehova ʼe natou maʼu ia te moʼoni. Pea ʼe tou toe vakaʼi ai pe ko ʼe ʼe tui papau ia te kau Fakamoʼoni ʼe natou maʼu ia te moʼoni.

▪ Tou Tauhi Agatonu Ki Te ʼAtua Logo La Te Lahiʼo Te ʼu Mamahi

ʼE tou felaveʼi fuli mo te ʼu mamahi koteʼuhi ʼe tou maʼuʼuli ʼi te malama ʼa Satana. Ohage la ko te ʼohofiʼi fakahagatonu peʼe fakakakā ʼo tatatou tui. ʼE tokoni mai anai ia te alatike ʼaeni ke tou iloʼi ia te ʼu faiga ʼa Satana, ke ina fakavaivaiʼi ia tatatou tui pea ke tou teuteu ki tana ʼu ʼohofi.

▪ ʼU Matuʼā—Kotou Liliu Ko Ni Tauhi Ovi Ki ʼAkotou Fanau

Ko te maʼua ʼo te ʼu matuʼā ke natou taupau ʼanatou fanau ʼi te moʼoni. (Efeso 6:4) ʼE talanoa anai ia te alatike ʼaeni kia aluʼaga ʼe tolu ʼe feala ai ki te ʼu matuʼā ke natou liliu ko ni tauhi ovi mo tokoni ki ʼanatou fanau ke natou ʼoʼofa kia Sehova.

▪ ʼE Pulihi Anai Ia Te Fili Fakamuli, Te Mate

Ko te mate pea mo te ʼu meʼa fuli ʼae ʼe ina taki ki ai, ʼe fakatupu mamahi ʼaupito. He ko ʼe koa ʼe mamate ia te hahaʼi? ʼE pulihi feafeaʼi anai ia ‘te fili fakamuli, ia te mate’? (1 Kolinito 15:26) Kotou vakaʼi ʼona tali koteʼuhi ʼe fakamaʼuhigaʼi ai ia te faitotonu ʼa Sehova, mo tona poto kaʼe tafitō ia tona ʼofa.

▪ Kotou Manatuʼi Ia Natou ʼAe ʼe Gaue ʼi Te Selevisi Temi Katoa

ʼI te temi muʼa ʼo toe feia pe ki te temi nei, tokolahi te ʼu kaugana ʼa Sehova neʼe natou gaue malohi ʼi te selevisi temi katoa. Kaʼe ʼe tou manatuʼi feafeaʼi anai ia tanatou “gaue agatonu” pea mo tanatou “gaue ʼi te ofa”?—1 Tesalonika 1:3.

TE TAKAFI: ʼE fakaha e te ʼu tehina ʼe toko lua ia te logo lelei ʼo te Tohi-Tapu ki te tagata gelu ʼi Negombo, ʼi te potu uesite ʼo Sri Lanka

SRI LANKA

ʼE NATOU TOKO

20 860 000

KO KAU FAIFAKAMAFOLA ʼE TOKO

5 600

KO PIONIE KATOA ʼE TOKO

641