Ko Te ʼu Fono Gāue ʼo Malesio
Vahaʼa ʼe kamata ʼi te 2 malesio
Katiko 139
10 mn: Ko te ʼu logo ki te kokelekasio pea mo te ʼu Tonu ʼo te Minisitelio ʼo te Puleʼaga ʼe ʼaoga ki te kokelekasio. Fakahā pe ʼe feafeaʼi te fakaʼaogaʼi ʼi te moeaki te ʼu alatike tāfito ʼo te ʼu nusipepa fakamuli.
20 mn: “Tohi Fakahā: tona ʼu misitelio kua hā.” ʼE faiʼaki he ʼu fehuʼi pea mo he ʼu tali. Fakahā tāfito pe ʼe feafeaʼi te fakahā ʼo te tohi Révélation: dénouement ke ʼalu tahi mo te hahaʼi ʼi tokotou telituale. Fakatuʼutuʼu fakatomuʼa he ʼu faʼifaʼitaki nounou ʼo ʼuhiga mo te faigaʼi ʼaē ʼo te ʼu tali ki te ʼu fehuʼi neʼe kua tou māhani ki ai. Kapau ʼe ʼui mai e he tahi: “ ʼE mātou lotu”, ʼe feala te fehuʼi fakapotopoto age ki ai: “Neʼe kua koutou palalau koa ʼi tokotou ʼēkelesia ki te tohi Fakahā?” Lau te tohi Fakahā 1:3. ʼE feala ke koutou fai te fehuʼi ʼaenī: “Koteā te manatu ʼo tokotou ’Ēkelesia ʼo ʼuhiga mo te tohi Fakahā?”
15 mn: “Te ʼu ʼuluaki palalau ke ʼekenaki ai he felōgoʼi.” Fai palalau ʼa he tagata ʼāfea ʼe faiva pea mo te ʼu pionie ʼe lua pe ʼe tolu pe ʼe ko niʼihi ʼi te kau Fakamoʼoni ʼa Sehova. Koutou vakaʼi te ʼu faʼahiga ʼuluaki palalau ʼe ʼaoga ki tokotou telituale.
Katiko 15 pea mo te faikole fakaʼosi.
Vahaʼa ʼe kamata ʼi te 9 malesio
Katiko 101
10 mn: Ko te ʼu logo ki te kokelekasio. Tokoniʼi nātou ʼaē ʼe fia pionie vaeluaʼi temi ʼi ʼapelili ke nātou fai hanatou kole ʼo tohi ki he pepa pea ke nātou ʼave kia ia ʼe fakasiosio ia te fahaʼi ʼaia.
15 mn: “ ʼAʼahi fakavilivili nātou ʼaē ʼe fia logo.” ʼO faiʼaki he ʼu fehuʼi pea mo he ʼu tali.
20 mn: “Koteā te palalau moʼo taupau ʼo te fia mahino?” Fai he ʼu faʼifaʼitaki e lua pe ʼe tolu neʼe teuteuʼi fakalelei. ʼI te ʼosi ʼo he faʼifaʼitaki, fehuʼi kia nātou ʼi te fono pe koʼe ʼe ʼaoga te palalau ʼaia moʼo fakahoko ʼo te fia mahino.
Katiko 19 pea mo te faikole fakaʼosi.
Vahaʼa ʼe kamata ʼi te 16 malesio
Katiko 197
10 mn: Ko te ʼu logo ki te kokelekasio. Palalau ʼo ʼuhiga mo te falā pea mo te fakamālo ʼa te Sosiete ʼo ʼuhiga mo te meʼa ʼofa. Fakamālo kia nātou fuli ʼi te fono ʼi tanatou muliʼi te manatu tāfito ia Teutalonome 16:17.
15 mn: “Fakahāhā te ʼu faʼahiga aga ʼa Sehova.” ʼO faiʼaki he ʼu fehuʼi pea mo he ʼu tali. Tokoniʼi fakafiafia te kau fai faka mafola ke nātou gāue fakatahi ʼo nātou faka ʼuhigaʼi ia ʼapelili ko te māhina makehe ʼo ʼuhiga mo te gāue ʼaia.
20 mn: “Ko te polokalama foʼou ki te faʼu ʼo te ʼu Fale ʼo te Puleʼaga.” ʼO faiʼaki he ʼu fehuʼi mo he ʼu tali ʼo te ʼu palakalafe 1 ki te 20. Fakamālo kia nātou fuli ʼi te fono ʼi tonatou manavaʼofa ʼo foaki he falā moʼo tokoni ki te faʼu fale pea mo te tokoni ʼanatou ki te Sosiete ʼo ʼuhiga mo te ʼu Fale ʼo te Puleʼaga.
Katiko 123 pea mo te faikole fakaʼosi.
Vahaʼa ʼe kamata ʼi te 23 malesio
Katiko 193
1O mn: Ko te ʼu logo ki te kokelekasio. Logo faka teokalatike. Tokoniʼi te kau fai faka mafola ke nātou pionie vaeluaʼi temi ʼi ʼapelili. Palalau ki te ʼu fakatuʼutuʼu ʼe fai moʼo fakaafe ʼo te hahaʼi ki te akonaki makehe ʼi te ʼaho 5 ʼo ʼapelili pea mo te fakahaʼele ki muʼa ʼo te gāue ʼi te māhina ʼaia.
15 mn: Fai palalau ʼa he tagata ʼāfea mo he tokolua pe e tokotolu ia nātou ʼaē ʼi te kau faka mafola ʼe pionie vaeluaʼi temi ānai ʼi ʼapelili pe neʼe ko te ʼu māhina kua hili. Fakamahino pe koteā te meʼa neʼe ʼekenaki ai nātou ke nātou pionie, te ʼu fakatuʼutuʼu neʼe nātou fai ki ʼapelili, he ʼu faʼahiga meʼa neʼe nātou maʼuliʼi ʼi te pionie vaeluaʼi temi. Fakahā te ʼu higoa ʼonatou ʼaē kua ʼosi tohi ki te pionie vaeluaʼi temi ki ʼapelili.
20 mn: “Ko te polokalama foʼou ki te faʼu ʼo te ʼu Fale ʼo te Puleʼaga.” ʼO faiʼaki he ʼu fehuʼi pea mo he ʼu tali ʼo te ʼu palakalafe 21 ki te 33. Fakamahino lelei te maʼuhiga ʼo te felōgoʼi mo te Komite faʼu fale ʼo te kolo ʼaia, ia muʼa ʼo te fakatuʼutuʼu ʼo he Fale ʼo te Puleʼaga. Tokoniʼi nātou fuli ʼi te fono ke nātou mahino ki te maʼuhiga ʼo te fakaʼaogaʼi fakapotopoto ʼo te ʼu meʼa ʼofa ʼaki ni ʼu fakatau neʼe fakakaukauʼi, ʼaki ni ʼu fale mole faigataʼa fau pea mo he fakahoahoa falā totonu.
Katiko 213 pea mo te faikole fakaʼosi.
Vahaʼa ʼe kamata ʼi te 30 malesio
Katiko 209
8 mn: Ko te ʼu logo ki te kokelekasio. Fakahā te fai apone ki te Tule Leʼo ʼi ʼapelili pea mo maio. Kapau ʼe mole fia apone he tahi, ʼe feala takotou fakahā age ki ai he ʼu nusipepa e lua pea mo he kaupepa.
12 mn: “Ke koutou haga fai te meʼa ʼaenī moʼo fakamanatu kia te ʼau.” Akonaki ʼa te taupau pelesita ʼo faiʼaki te tali ʼanatou ʼaē ʼi te fono. Fakahā ai mo te ʼu manatu ʼi te ‘encadré’.
15 mn: Fakasiosio te alatike “Culte des ancêtres” ʼi te tohi Comment raisonner, pasina 81 ki te 84. Logope te ʼui ʼa ʼihi ʼi Occident ʼe mole lahi ia nātou ʼaē ʼe ʼatolasio ki tonatou ʼu kui, kae lahi tona fai ʼi te sosiete ʼaenī ko te fakaʼapaʼapa ki te kau mate. Ko ʼihi ʼe tauhi mo ʼatolasio kia nātou ohage pe kei nātou maʼuʼuli. Ko te ʼu fakatātā, pe ko te ʼu paki, ko te fakamanatu tuʼumaʼu ʼaia ʼo te ʼu hahaʼi ʼaē neʼe logona. Ko he faʼifaʼitaki ʼe fai e he tau tāmai. Ko te tagata ʼe ina toʼo te tohi Comment raisonner, pasina 82. ʼO ina fakahā te ʼu manatu ʼe tuʼu ʼi te ʼuluaki kupu ʼo fakahā ki tana tamasiʼi te tuʼutāmaki ʼaē ʼo te ʼu ʼata fakamataku ʼe fakahā ai te ʼu meʼa fakatemonio, pe ʼe ko te manatu ʼaē ko te kau mate ʼe nātou tuʼuake ānai ʼo gaoʼi koviʼi ia nātou ʼaē ʼe kei maʼuʼuli. ʼE ina fakahā te ʼuhiga ʼo te kau mate pea mo te falala ki te fakatuʼuake, pea mo fakahā ai pe koteā tatatou mahino ʼo uhiga mo te kau mate. Ko te tamasiʼi ʼe ina fakahā te meʼa ka ina fai moʼo fakamamaʼo mai te ʼu faʼahiga meʼa ʼe hā ai te meʼa fakatemonio.
10 mn: Te ʼu faʼifaʼitaki ʼo ʼuhiga mo te fai faka mafola ʼaki te fakahā ʼaē ʼo te tohi Révélation: dénouement ʼi malesio. ʼO fakaʼapaʼapa ki te temi, fakaafe te kau fai faka mafola ke nātou fakamatala mai he ʼu fakahā neʼe kua ʼosi fili.
Katiko 72 pea mo te faikole fakaʼosi.