Fakahāhā Te ʼu Faʼahiga Aga ʼa Sehova
1 “Fakahāhā ki te hahaʼi fuli tana ʼu faʼahiga aga. Fakahā te meʼa ʼaenī: ko tona huafa kua hikihiki ki ʼoluga (...), he neʼe ko tana aga ʼe ko he faʼahiga aga fakatalakitupua.” (Is. 12:4, 5). ʼE feafeaʼi ānai takotou muliʼi te tokoni ʼaia? Kapau ʼe tou fakakaukau ʼo ʼuhiga mo te ʼu aga ʼa Sehova kia tatou, tatau aipe kia tatou fuli pe ʼe kia tatou takitokotahi, ko totatou loto ʼe ina ʼeke koa tatou ke tou palalau ki te hahaʼi ʼo ʼuhiga mo ia? Kua ʼosi ki ai taʼu e 73 neʼe fakamavae mai e Sehova tana hahaʼi mai Papiloni. Talu mai te taʼu 1919, neʼe fakatuʼutuʼu ai te kautahi moʼoni, pea neʼe kua hoholo ia ʼi te malamanei katoa. Neʼe fai e Sehova te ʼu meʼa ʼo lahi age ia ʼi tatatou ʼu falala. ʼE feafeaʼi ānai takotou fakahā ʼo takotou fakafetaʼi ki te taki, mo te taupau pea mo te ʼu tapuakina ʼa Sehova? ʼE feala koa ha kotou fakahā mālohi tana ʼu faʼahiga aga pea mo hikihiki tona huafa ki ʼoluga?
2 Ko te ʼaho ʼo te Fakamanatu ʼe fakamanatu mai kia tatou te ʼofa ʼo te ʼAtua ʼaē ʼe tonu ai ke ia tatou te loto fakafetaʼi heʼe gata. Ko ʼapelili ko te māhina lelei ia ke fakahā ai tatatou fakafetaʼi ʼo tou pionie vaeluaʼi temi. Pea, kapau ʼe tou pionie vaeluaʼi temi lolotoga ʼo te ʼaʼahi tatou e te tagata taupau faka silikosikilipisio, ʼe tou maʼu ānai he ʼu lelei takimuʼa mai tana ʼu tokoni pea mo te ʼu faʼahiga meʼa ʼe ina fakahā mai kia tatou ʼi te minisitelio.
3 ʼE ko he meʼa lelei ia mokā ʼe pionie vaeluaʼi temi he kaugā fai faka mafola. Ko he polokalama lelei ʼe fealagia ai ke tahi maʼu tona kau fagona ki te fai faka mafola, pea ko te ʼu tuagaʼane ʼaē ʼe ʼi ai tanatou ʼu fānau ʼe feala hanatou fetokoniʼaki. Tokolahi neʼe nātou fakasiosio, ʼaki he polokalama lelei, ʼe feala ai ke maʼu te ʼu hola ʼaē e 60. ʼE tonu ke fai te ʼu hola e lua ʼi te ʼaho, pe ʼe ʼi te vahaʼa ko te ʼu hola e 15 ʼi te minisitelio. Ko ʼihi pionie vaeluaʼi temi ʼe nātou fai te hola e tahi pe ʼe lua ia muʼa ʼo tanatou gāue, pea ʼe fuafualoa atu leva tanatou fai faka mafola ʼi te fakaʼosi ʼo te vahaʼa.
4 Kapau ʼe mole feala ha kotou pionie vaeluaʼi temi, ʼe lagi feala ānai takotou fakatuputupu takotou fai faka mafola. ʼE feala ānai ke koutou tokoni ki te kau pionie mo kapau ʼe koutou tokoni ki tonatou ʼave haʼele pe ʼe ko te ʼolo ʼo fai faka mafola mo nātou. Ko Sehova ʼe sio ʼifo ia ki takotou faiga mālohi moʼo fakahā ʼo tona huafa pea mo tana ʼu faʼahiga aga, logope takotou faiga, ʼe ina fakapale ānai koutou. — Mal. 3:16.