Ko Te ʼu Fono Gāue ʼo ʼApelili
Vahaʼa ʼe kamata ʼi te 6 ʼapelili
Katiko 186
12 mn: Ko te ʼu logo ki te kokelekasio pea mo te ʼu Tonu ʼo te Minisitelio ʼo te Puleʼaga. “Ko ʼapelili ko he māhina makehe koa kia koutou? ” Fakahā te maʼuhiga ʼo te ʼavage fakavilivili ʼo te ʼu kole ki te gāue pionie vaeluaʼi temi. Fakaloto mālohiʼi te kau faka mafola ke nātou ʼolo ʼo fai faka mafola ʼi te afiafi pea mo fakahā te ʼu fakatuʼutuʼu neʼe fai ki te fahaʼi ʼaia. Fakahā te hola pea mo te fahaʼi ʼe fai ai te Fakamanatu.
15 mn: “Tou fakahā te logo lelei ʼaki te tokoni ʼa Te Tule Leʼo.” ʼO faiʼaki he ʼu fehuʼi pea mo he ʼu tali. Fakaloto mālohiʼi te kau faka mafola ke nātou fai he fakatuʼutuʼu ʼo tahi fai hanatou apone ʼi te māhina ko ʼapelili.
18 mn: “Tatatou fakafetaʼi ki te mate ʼo Kilisito.” Akonaki mo he faʼifaʼitaki ʼi te ʼosi ʼo te palakalafe 9: ko he tagata faka mafola ʼe ina fakaafe he tahi ʼe ako faka tohi-tapu ki te ʼaho Fakamanatu.
Katiko 208 pea mo te faikole fakaʼosi.
Vahaʼa ʼe kamata ʼi te 13 ʼapelili
Katiko 209
10 mn: Ko te ʼu logo ki te kokelekasio. Ko te ʼu tali ki ʼa kotou ʼu fehuʼi.
15 mn: “Ko te ʼuluaki ʼaʼahi fakapotopoto.” ʼO fai ʼaki he ʼu fehuʼi pea mo he ʼu tali. Fai he faʼifaʼitaki ʼi te ʼosi ʼo te palakalafe 6: ko he tagata faka mafola ʼe ina fakahāhā he ako faka tohi-tapu ʼi tona ʼapi pea ʼe ina fakahā pe ʼe feafeaʼi tatatou fai te fahaʼi ʼaia ʼo fakaʼaogaʼi te kiʼi pepa lotu Une vie paisible dans un monde nouveau.
20 mn: Tou fakahā Te Tule Leʼo ʼi te ʼu ʼapi. Ko he tagata faka mafola ʼe fai palalau mo he tahi ʼo mulimuli ki te fakatuʼutuʼu ʼi te palakalafe 4 ʼo te alatike “He ʼuluaki ʼaʼahi fakapotopoto”. ʼE ina fakaʼaogaʼi te ʼu manatu tāfito ʼo ʼuhiga mo te faikole ʼe tuʼu ʼi Te Tule Leʼo ʼo te ʼaho 15 ʼo ʼapelili 1992. ʼE fakahāhā e te tagata faka mafola te apone pea ʼe ina tuku age he faka fealagia kia ia ʼaē ʼe palalau mo ia ke ina fakakaukauʼi pe ʼe holi ia ʼo apone.ʼE fakamahino age e te tagata faka mafola ki ai: “Ko te apone ki Te Tule Leʼo ʼe faka fealagia ai kia koutou ke koutou maʼu tuʼumaʼu te ʼu tali tāfito ki te ʼu fehuʼi faka tohi-tapu ʼe koutou fia ʼiloʼi. ʼE mātou foaki atu te apone ʼaenī ko tona totogi fakaʼofa ko te 1 000 F.” Neʼe ina tali te fahaʼi ʼaia. ʼI te ʼosi ʼo te faʼifaʼitaki, ko te tēhina ʼaē ʼe ina fai ia te fahaʼi ʼaia ʼe ina tokoniʼi nātou fuli ʼi te fono ke nātou fai hanatou fakatuʼutuʼu ke lahi te hahaʼi ʼe nātou apone lolotoga te māhina ko ʼapelili.
Katiko 87 pea mo te faikole fakaʼosi.
Vahaʼa ʼe kamata ʼi te 20 ʼapelili
Katiko 195
10 mn: Ko te ʼu logo ki te kokelekasio. Palalau ʼo ʼuhiga mo te falā. Fakamālo ki te ʼu meʼa ʼofa neʼe fai ki te Sosiete pea mo te kokelekasio.
15 mn: Fakasiosio ʼo te alatike “Antichrist” ʼi te tohi Comment raisonner, ʼi te ʼu pasina 34 ki te 36. Koteā koa te ʼuhiga ʼo te kupu ʼaē ko te “antichrist”? ʼE ko he tokotahi koa pe ʼe ko he tokolahi? ʼE hā ʼi te temi fea te antichrist, pea ʼe fakatatau ia kia ai? Ko he faʼifaʼitaki nounou: ko he tagata faka mafola ʼe fai palalau mo he tahi ʼe tui ka neʼe fai age he fakatokaga kia ia ʼo ʼuhiga mo te kau Fakamoʼoni ʼa Sehova.
20 mn: “Ke ia tatou te mālohi fakalaumālie, tou nonofo maʼa mo gāue kia Sehova.” Fakasiosio ʼo te pepa ʼe piki tahi ki te Minisitelio ʼo te Puleʼaga ʼo faiʼaki he ʼu fehuʼi pea mo he ʼu tali. Ko te tagata ʼāfea ʼaē ka ina fai te fahaʼi ʼaia ʼe ina fai anai he ʼu fehuʼi moʼo fakahā te ʼu manatu tāfito ki te kokelekasio. Fakahā tāfito te fakatuʼutuʼu ʼaē ʼi te palakalafe 7 ʼe tokoni ai ki te mālohi fakalaumālie.
Katiko 197 pea mo te faikole fakaʼosi.
Vahaʼa ʼe kamata ʼi te 27 ʼapelili
Katiko 169
10 mn: Ko te ʼu logo ʼo ʼuhiga mo te kokelekasio. Logo faka teokalatike. Palalau ʼo ʼuhiga mo te meʼa neʼe fakaʼiloga ʼaki ai te ʼaho Fakamanatu. Ko te tokofia koa neʼe ʼomai ki te ʼaho ʼaia? Koteā koa te ʼu fakatuʼutuʼu neʼe fai moʼo kamata ai he ʼu ako faka tohi-tapu? Ko te taupau ki te gāue ʼe ina fai anai he ʼu fakatuʼutuʼu ke fai ai ni ʼaʼahi kia nātou ʼaē neʼe ʼomai ki te ʼaho Fakamanatu kae mole heʼeki nātou ako ʼi te temi nei.
20 mn: “Tou fakaʼaogaʼi te tohi Comment raisonner ʼi te ʼu toe ʼaʼahi.” Fai ʼaki he ʼu fehuʼi pea mo he ʼu tali. Ko te ʼu faʼifaʼitaki e lua neʼe teuteuʼi lelei, ʼo mulimuli ki te ʼu manatu ʼi te ʼu palakalafe 3 pea mo 4.
15 mn: Fehuʼi kia nātou ʼaē neʼe pionie vaeluaʼi temi ʼi malesio pe ʼe ʼi ʼapelili ke nātou palalau ki tonatou selevisi. Koteā koa te ʼu sakilifisio neʼe nātou fai, pea neʼe feafeaʼi ʼi tanatou manatu te tapuakina e Sehova ʼo tanatou faiga? Neʼe kamata koa hanatou ako faka tohi-tapu ʼi tanatou gāue lelei lolotoga te māhina ʼaia? Ko te ʼu tali ʼe tonu ke teuteuʼi lelei. Fakaloto mālohiʼi ia tatou takitokotahi ki te pionie vaeluaʼi temi ʼi te ʼu māhina ka haʼu.
Katiko 93 pea mo te faikole fakaʼosi.