Te ʼu Tonu

◼ Tufa ʼo sanualio: Te ʼu kaupepa lalahi e lua. Fepualio: E Feala Keke Mauli O Heegata Ite Palatiso Ite Kele. Malesio: La Révélation: le grand dénouement est proche! ʼApelili mo maio: Ko te apone ki Te Tule Leʼo. FAKATOKAGA: Koutou fakasiosio te ʼu totogi ʼe fakatuʼutuʼu mai ʼo ʼuhiga mo te ʼu faʼahiga tufa ʼi te lisi ʼo te ʼu Tohi (S-15-F).

◼ ʼO kamata ʼi fepualio, peʼe ko te ʼaho 7 ʼo malesio pe ki muli atu, ko te ʼu taupau faka silikosikilipisio ʼe nātou fai anai he akonaki foʼou ki te hahaʼi ko tona kupu “Tou sio ki te kau tūpulaga ohage ko te sio ʼa Sehova kia nātou”.

◼ Ko te akonaki makehe ʼaē ʼe fakatuʼutuʼu ki te temi ʼo te ʼaho Fakamanatu ʼe fai anai ʼi te malamanei katoa ʼi te ʼahotapu, ʼaho 28 ʼo malesio 1993. Ko tona kupu “Ko te ʼu meʼa fakamataku ʼo te kele: koteā te manatu ki te ʼu faʼahiga meʼa ʼaia?” ʼE fai anai he pepa ʼo fakatuʼu ai te akonaki ʼaia. Ko te ʼu kokelekasio ʼaē ʼe ʼaʼahi e te taupau faka silikosikilipisio peʼe fai tanatou fakatahi faka silikosikilipisio pe ko tanatou fakatahi makehe ʼaho tahi ʼe nātou fakalogo anai ki te akonaki makehe ʼaia ʼi te vāhaʼa ki muli mai. ʼE mole he kokelekasio ʼe ina polokalamaʼi te akonaki ʼaia ia muʼa ʼo te ʼaho 28 ʼo malesio.

◼ ʼO kamata ʼi te ʼaho 1 ʼo sanualio 1993 ʼe hā anai Te Minisitelio ʼo te Puleʼaga ʼi te lea faka lifou. Fakahā tona lahi ʼi takotou tohi ki te ʼu tohi (S-14-F).

◼ Ko ia ʼaē ʼe fakatokaga ki te ʼu tohi ʼe ina fakaʼaogaʼi anai te pepa ʼe ʼaoga (S-14-F) moʼo fai ʼo te commande ki te ʼu volumes reliés neʼe toe tā e te Sosiete. ʼE feala ke toe maʼu e te ʼu tēhina te ʼu volumes reliés ʼo te ʼu taʼu: 1951 ki te 1984. Kae, ʼe maʼu ʼi te temi nei te ʼu volumes reliés ʼo te ʼu taʼu 1988 ki te 1991.