Ko Te Toe Ta ʼo Te ʼu Volumes Reliés ʼo Te Tule Leʼo
1 Ko he tagata lautohi ʼo Te Tule Leʼo neʼe ina ʼui fēnei ko te ʼu nusipepa ʼaia neʼe nātou foaki age ki ai he mālama ʼo lahi mo ʼaoga moʼoni ʼi te ʼu taʼu e ono ʼaē neʼe nofo ai ʼi te univelesitē. ʼE tautau fakahā mai e te kau lautohi fakamalotoloto tanatou fakamālo ʼi te ʼosi ʼo tanatou lau pe he ʼu numelo ʼo te ʼu nusipepa ʼaia. Ko he pilivilesio te foaki tuʼumaʼu ʼo tatatou ʼu nusipepa ki te hahaʼi ʼaē ʼe nātou leleiʼia!
2 Tokolahi ia nātou ʼaē ʼe fia logo ki te moʼoni mole heʼeki faʼa fualoa kua nātou tali hanatou ako faka tohi-tapu ʼi tonatou ʼapi. Ko tanatou tuputupu fakalaumālie ki muʼa ʼe toe makehe ia mokā ʼe tou foaki age te ʼu faʼahiga meʼa ʼe ʼaoga ke tuputupu tanatou mālama faka tohi-tapu.
3 Ko te Kumiʼaga ʼo te ʼu tohi 1950-1985 ʼe ko he meʼa gāue fakatalakitupua moʼo fai ʼo he ʼu kumi faka tohi-tapu. Kae ʼe tokolahi te kau faka mafola pea mo te kau ako faka tohi-tapu ʼe mole nātou maʼu te ʼu volumes reliés ʼo Te Tule Leʼo ʼaē ʼe tuʼu ʼi te Kumiʼaga. He koʼe ʼe mole tou fakahā age kia nātou he collection katoa ʼo te ʼu taʼu 1962 ki te 1974? ʼE feala hatatou fakatokagaʼi age kua vave tanatou maʼu te ʼu volumes reliés ʼo te ʼu taʼu 1951 ki te 1961 pea, ʼi he kiʼi temi ki muli, te ʼu taʼu 1975 ki te 1984 ʼe toe maʼu anai. ʼO feala anai foki ke nātou toe maʼu hanatou collection katoa ʼo te ʼu volumes reliés ʼo Te Tule Leʼo ʼo te taʼu 1951 ki te 1984. ʼE feala anai ke ina maʼu ʼi tana tanakiʼaga tohi tokotahi te ʼu volumes reliés e 42 ʼo Te Tule Leʼo mo he kumiʼaga ʼaoga moʼo kumi ai he tali totonu ki ʼatatou fehuʼi faka tohi-tapu fuli!
4 Tou manatuʼi foki ʼatatou fānau. ʼE ʼi ai koa hanatou tanakiʼaga tohi faka teokalatike takitokotahi? Kapau kei nātou liliki, ʼe nātou fai koa he ʼu kumi ʼi te Kumiʼaga ke nātou maʼu ai he ʼu tonu faka tohi-tapu ki tonatou ʼu faigataʼaʼia ʼi te ʼu ʼaho fuli? ʼE mole fakatuʼutuʼu e te Sosiete ke taupau te ʼu volumes reliés ʼaē neʼe toe ta. ʼE nātou maʼu anai koa te ʼu volumes reliés ʼaē neʼe toe ta ʼi he temi atu ki muli? ʼE moʼoni ʼe lagi ʼi ai ʼihi ia nātou ʼe ʼi ai anai honatou ʼu pilivilesio ʼi te kokelekasio faka kilisitiano; ko he tanakiʼaga tohi feiā ʼe ko he tokoni lelei kia nātou. He koʼe ʼe mole foaki age kia nātou ohage ko he meʼa ʼofa he collecton katoa ʼo te ʼu volumes reliés ʼo Te Tule Leʼo? ʼE ko te meʼa ʼofa ʼaia ʼe lahi age ʼe feala ke tou fai ki tatatou ʼu fānau ke nātou tuputupu ai ʼi te poto pea mo te mahino lelei. Tou faigaʼi ke faigafua te maʼu e te hahaʼi fuli te ʼu aulo fakalaumālie ʼaē neʼe tuku mai kia tatou e te kautahi ʼa Sehova.