Watchtower TANAKIʼAGA TOHI ʼI TE NETI
Watchtower
TANAKIʼAGA TOHI ʼI TE NETI
Faka'uvea
  • TOHI-TAPU
  • TOHI
  • FONO
  • km 3/93 p. 1
  • Ke Tou Haga Tala: “Haʼu!”

Aucune vidéo n'est disponible pour cette sélection.

Il y a eu un problème lors du chargement de la vidéo.

  • Ke Tou Haga Tala: “Haʼu!”
  • Te Minisitelio ʼo Te Puleʼaga—1993
  • He Tahi ʼu Alatike
  • Tou Kalagaʼi ‘Te ʼu Palalau ʼo Te Lea Faka Polofeta’
    Te Minisitelio ʼo Te Puleʼaga—1995
  • Tou Fagonogono Te Logo Fakaloto Fiafia ʼo Te Tohi Fakahā
    Te Minisitelio ʼo Te Puleʼaga—1994
  • Tohi Fakahā: Tona ʼu Misitelio Kua Hā
    Te Minisitelio ʼo Te Puleʼaga—1992
  • Te Fakahā—Kua Ovi Mai Tona Ikuʼaga!
    Te Minisitelio ʼo Te Puleʼaga—2010
Hoko Atu
Te Minisitelio ʼo Te Puleʼaga—1993
km 3/93 p. 1

Ke Tou Haga Tala: “Haʼu!”

1 Ko te sakilifisio faitotogi ʼo Sesu ʼe mole ko he fakatuʼutuʼu fakatalakitupua koa ia ʼa Sehova? Ko meʼa fuli ʼe ʼaoga ke ʼiloʼi ai e te hahaʼi te fīmālie moʼoni ʼe fakatafito ia ki te sakilifisio ʼaia (Soane 3:16). Kae, tokosiʼi nātou ʼaē neʼe aʼu ʼo ʼiloʼi te moʼoni ʼaia pea mo nātou mulimuli ki ai. Kae, ʼuhi ko tana tokaga fonu ʼi te ʼofa ki te malamanei, neʼe fai e te ʼAtua te ʼu fakatuʼutuʼu ke feala ai te faka mafola ʼo te logo lelei ʼi te ʼu faʼahi fuli. ʼAki tona ʼAlo, ko Sesu Kilisito, ʼe ina foaki ki te hahaʼi fuli te fealagia ke nātou fiafia pea ke ia nātou te falala ki te maʼuli heʼegata. — Soane 17:3.

2 Lolotoga te ʼu taʼu ʼe lauʼi afe, neʼe mole heʼeki hā lelei ia ia ʼaē ka ina toe totogi anai te malamanei mai te agahala pea mo te mate. Neʼe ko he “misitelio tapu” ʼo kaku ki te haʼu ʼa Sesu Kilisito pea neʼe ina ‘fakamālamaʼi te maʼuli pea mo te heʼe popo ʼaki te logo lelei’. (Lom. 16:25; 2 Tim. 1:10.) ʼI te ʼuluaki sēkulō, ko te ʼu tisipulo ʼa Sesu neʼe nātou fakatahi ʼo fakahāhā te logo lelei. Kae, ʼe ia tatou he pilivilesio lahi ʼaē ko te faka mafola ʼo te logo lelei ʼaia. Ka tou faka mafola te logo ʼo te Puleʼaga, ʼe tou gāue tahi mo Sehova, mo Sesu Kilisito, pea mo te ʼu tēhina ʼo Kilisito ʼaē ʼe nātou fakaafe te hahaʼi ʼo te ʼu ʼaluʼaga kehekehe ʼo fēnei: ‘ ʼOmai! (...) Koutou toʼo te vai ʼo te maʼuli, ʼe mole totogi.’ — Fkhā. 22:17.

3 Kae, ʼe mole fagono fuli anai te hahaʼi ki te logo lelei. Tokosiʼi ʼe fia logo kiai. Ko ʼihi ʼe nātou fakafisi ki te ʼu kaugana ʼa te ʼAtua ʼaē ʼe ʼomai ʼo fakaafe nātou ke nātou maʼu he fua lelei mai te ʼu vai fakatupu fiafia ʼo te moʼoni. Logope la te meʼa ʼaia, ʼaki te mālohi ʼe haʼu mai ia Sehova ʼe hoholo atu pe tatatou fakahoko te gāue ʼaia. ʼE tou ʼiloʼi ko tatatou fakatavili ʼo fakahāhā ia te moʼoni pea mo tokoni kia nātou fuli ʼe fagono mai ʼe fiafia ai Sehova pea ʼe tou maʼu ai tona ʼofa.

4 ʼI malesio, ʼe tou fakaloto mālohiʼi anai nātou ʼaē ʼe nātou kumi te moʼoni ke nātou lau te tohi Révélation: dénouement pea ke nātou fakafiafia ki te ʼamanaki ʼe ina foaki mai. ʼAki te faʼahi ʼaia, ʼe nātou maʼu ai anai te ʼu tapuakina lahi. Ko te tohi Fakahā ʼe palalau foki ki te temi ka haʼu, ki tonatou maʼuli ka haʼu ʼo feiā aipe mo tatou. Ko ʼihi ia ʼaho nei ko te ʼu kaugana ʼa Sehova neʼe nātou fia fai ki te moʼoni ʼi te ʼosi pe ʼo tanatou lau he tohi ʼa te Sosiete ʼe fakamahino ai te tohi Fakahā. Ohage ko tatatou akoʼi te ʼu faʼahiga meʼa fuli ʼo te tohi Révélation: dénouement, ʼe tou mahino ai ki tona maʼuhiga ʼaē ki te hahaʼi fakamalotoloto ʼaē ʼe holi ki te moʼoni. Ka ʼe tou felāveʼi mo nātou ʼi te fai faka mafola, tou faiga ʼo fakahā age kia nātou te maʼuhiga ʼo te tohi ʼaia ʼo fakatokagaʼi nātou ki he puani e tahi peʼe lua ʼe ʼaoga. ʼE feala foki ke tou fakahā age ʼe ina fakamahino fakaleleiʼi te ʼu lea faka polofeta ʼe hoko ʼi te ʼuafulu sēkulō; ohage la, ko te fakatātā ʼo te lele fakaofoofo ʼa te kau heka hōsi, ʼaē ʼe tuʼu ʼi te kapite ono ʼo te tohi Fakahā.

5 ʼI te temi ʼaē ʼe tou teuteu ai ki te toʼotoʼoga ʼo te ʼaho Fakamanatu ʼo te mate ʼo Kilisito, ʼi te ʼaho 6 ʼo ʼapelili, ʼe ʼaoga ia ke palalau ki te ʼu fakatuʼutuʼu fonu ʼi te ʼofa neʼe fai e Sehova maʼa te malamanei. Peʼe fili e te hahaʼi ke nātou fagono mai peʼe kailoa, ke tou haga fai totatou maʼua neʼe tuku mai e te ʼAtua, ʼaē ko te fai ʼo te fakaafe fakaloto mālohi ʼaenī kia nātou fuli ʼe loto ki ai: ‘ ʼOmai! (...) Koutou toʼo te vai ʼo te maʼuli, ʼe mole totogi.’

    Te ʼu Tohi Fakaʼuvea (1978-2025)
    Mavae
    Hu Ki Loto
    • Faka'uvea
    • Vaevae
    • Préférences
    • Copyright © 2025 Watch Tower Bible and Tract Society of Pennsylvania
    • Conditions d’utilisation
    • Règles de confidentialité
    • Paramètres de confidentialité
    • JW.ORG
    • Hu Ki Loto
    Vaevae