Ko Te ʼu Fono Gāue ʼo Malesio
Vāhaʼa ʼe kamata ʼi te 1 malesio
Katiko 9
15 mn: Ko te ʼu logo ki te kokelekasio pea mo te ʼu Tonu ʼo te Minisitelio ʼo te Puleʼaga. Fakasiosioʼi te kupu ʼaē “Te ʼu tohi foʼou ʼe maʼu ʼi te temi nei”, pasina 6. Fakahā te ʼu manatu ʼe ʼaoga tāfito ki te kokelekasio. Fakahāhā ia te ʼu puani ʼe ʼaoga ʼo te ʼu Logo faka teokalatike; fakahā ko Sehova ʼe ina tapuaki tana ʼu kaugana ʼi te ʼu fenua kehekehe ʼo te kele. Kapau ʼe ʼaoga, fakamatala he ʼu faʼifaʼitaki ʼi totatou telituale.
15 mn: “Ke tou haga tala: ‘Haʼu!’ ” ʼO fai ʼaki he ʼu fehuʼi pea mo he ʼu tali. Lolotoga te fakasiosio ʼo te palakalafe 4, ko he kau faka mafola neʼe teuteu lelei, ʼe ina fakahā anai te ʼu puani tāfito ʼo te ʼu palakalafe 6 ki te 10 ʼo te kapite 42 ʼo te tohi Révélation: dénouement, ʼe palalau ai kia Fakahā 21:4-6.
15 mn: “Ke tau tatatou aga ʼi te fai faka mafola.” Akonaki mo fai he ʼu kiʼi fehuʼi kia nātou ʼi te fono. Ko he ʼu faʼifaʼitaki nounou e lua ʼaki te fakasiosio ʼo te ʼu palakalafe 3 ki te 5. Moʼo fakatā ʼo te faʼahi ʼe hinoʼi mai ʼi te ʼu palakalafe 4 pea mo te 5, ko te ʼu kau faka mafola e lua, ko he tahi kua matumatuʼa pea mo he tūpulaga, ʼe nā kaugā faka mafola ʼo mulimuli ki te ʼu manatu ʼo te alatike. Fakahā te maʼuhiga ʼaē ke maʼu te fiafia ʼi te minisitelio logope la he faʼahiga fua ʼe tou maʼu.
Katiko 114 pea mo te faikole fakaʼosi.
Vāhaʼa ʼe kamata ʼi te 8 malesio
Katiko 128
5 mn: Ko te ʼu logo ki te kokelekasio. Fakahāhā peʼe ko te toko fia neʼe tohi ki te pionie vaeluaʼi temi ki ʼapelili neʼe kua tali ki te faʼahi ʼaia. Fakaloto mālohiʼi nātou ʼaē ʼe fia pionie ke nātou foaki fakatavili tanatou pepa.
20 mn: “ ʼE feala koa hatatou gāue ʼo lahi age moʼo fakavikiviki ʼo Sehova?” ʼO fai ʼaki he ʼu fehuʼi pea mo he ʼu tali; ʼu palakalafe 1 ki te 10.
20 mn: Tou tokoni ki te hahaʼi ʼaē ʼe nātou ako te Tohi-Tapu mo tatou. Fai palalau mo nātou ʼaē ʼi te fono; fakahā te maʼuhiga ʼo foaki ki te kau ako Tohi-Tapu he tokoni ʼo makehe age ʼi te ako pe ʼaē ʼe fai (1 Tes. 2:8). ʼE tonu ke lahi age he temi ke feala ai he fakatupu ia nātou he holi loloto ʼonātou ʼolo ki te ʼu fono pea mo kau ki ai. Tou fakamahino ki te hahaʼi pe koteā te ʼu fakatahi faka silikosikilipisio, te ʼu fakatahi makehe e ʼaho tahi pea mo te ʼu fakatahi faka tisitilike; ʼe tou fakaōvi anai nātou ki te kautahi pea mo te famili faka malamanei ʼo te ʼu tēhina. Tou fakahā age kia nātou pe ʼe feafeaʼi te palalau ki te kāiga ʼaki te fagono faigamalie ʼo te ʼu meʼa ʼe nātou ako. Ko te kau ako ʼo te Tohi-Tapu ʼaē ʼe nātou maʼuliʼi te ʼu meʼa ʼe tuʼu ʼi te tohi Notre ministère, pasina 99, pea mo fia kau ki te minisitelio ʼe ʼaoga ke tokoniʼi nātou ke nātou liliu ko he ʼu kau faka mafola mole heʼeki papitema. ʼE maʼuhiga ke fakaʼaogaʼi he temi lolotoga pea mo te fakaʼosi ʼo te ako moʼo faigaʼi ke nātou holi ʼo foaki ia nātou kia Sehova pea ke nātou papitema. Faʼifaʼitaki: ko he kau faka mafola ʼe ina tokoniʼi he tahi kei ako ʼo ʼuhiga mo te fagonogono faigamalie. ʼE ina fili ʼi te tohi Mauli Heegata he manatu ʼe ʼaoga ke fakaʼaogaʼi ʼi te fagonogono faigamalie pea ina ʼui age: “ ʼE lelei anai te fakahā ʼo te manatu ʼaenī ki niʼihi ʼi tou famili peʼe ko niʼihi ʼi tou vāhaʼa fale. ʼE feala anai ke ke ʼui age neʼe ke maʼu ʼi te Tohi-Tapu he meʼa maʼuhiga neʼe mole heʼeki ke ʼiloʼi.” Fakaloto mālohiʼi te kau faka mafola ke nātou tokoniʼi te kau ako, pea ke nātou haga tokaga maʼu kia nātou ʼi tonatou ʼosi papitema.
Katiko 123 pea mo te faikole fakaʼosi.
Vāhaʼa ʼe kamata ʼi te 15 malesio
Katiko 72
10 mn: Ko te ʼu logo ki te kokelekasio; palalau ʼo ʼuhiga mo te falā; fakamālo ʼo ʼuhiga mo te ʼu meʼa ʼofa. Fakatokagaʼi te kupu “Ko he logo faka malamanei” ʼi lalo ʼo te pasina ʼaenī. Fakaloto mālohiʼi nātou ʼi te fono ke nātou tohi te kupu ʼo te akonaki makehe ʼi te ʼaho 28 ʼo malesio pea mo fakaafe te hahaʼi ʼe lotolelei kiai.
15 mn: “Tou tokoni kia nātou fuli ʼaē ʼe fia logo.” Akonaki mo fai he ʼu fehuʼi kia nātou ʼi te fono. Kapau ʼe fealagia te temi, lau te ʼu vaega neʼe fakatuʼu mai ki te faʼahi ʼaia. Fakahāhā pe ʼe feafeaʼi te fakaʼaogaʼi ʼo te ʼu manatu ʼi te palakalafe 3. Fakahā te maʼuhiga ʼo te taupau ʼo te fia logo ʼa te hahaʼi neʼe hoki ʼomai ki te fono.
20 mn: “ ʼE feala koa hatatou gāue ʼo lahi age moʼo fakavikiviki ʼo Sehova? ” Palakalafe 11 ki te 22; ʼo fai ʼaki he ʼu fehuʼi pea mo he ʼu tali.
Katiko 32 pea mo te faikole fakaʼosi.
Vāhaʼa ʼe kamata ʼi te 22 malesio
Katiko 66
10 mn: Ko te ʼu logo ki te kokelekasio. Ko te ʼu tali ki ʼa kotou ʼu fehuʼi. Fakaloto mālohiʼi nātou ʼi te fono ke nātou fakatuʼutuʼu ke lahi tanatou kau ki te minisitelio ʼi ʼapelili.
20 mn: Tou tokaga ki te hahaʼi matutuʼa. Fai palalau pea mo te ʼu fehuʼi ʼe fai ʼe he ʼu tēhina e lua. ʼI te fakatahi faka tisitilike “Hahaʼi toʼo mālama”, ʼi te ʼahotapu uhu, ko he ʼu akonaki neʼe kupu fēnei “Ke tou fetokagaʼaki kia tatou ʼi loto ʼo te ʼapi faka kilisitiano”. Ko tona faʼahi fakaʼosi, “Ke tou tokaga ki te hahaʼi matutuʼa”, neʼe fakamanatuʼi mai ko te hahaʼi matutuʼa ʼe nātou maʼuhiga ʼi te famili pea mo te kokelekasio (Taag. 16:31). Ko te faʼahi fea ʼaē ʼe tou tokoni ai kia nātou? Ko te maʼua ʼuluaki ʼaia ʼa te famili (1 Tim. 5:3, 4, 8, 16). ʼE ʼaoga ki ai te faʼa kātaki pea mo manavaʼofa. Ki te ʼu fānau pea mo te ʼu mokopuna ʼaē kua lalahi, ʼe ko te faʼahiga fakahā ʼaia ʼo tanatou fakafetaʼi ki te ʼu taʼu fonu ʼi te ʼofa, te gāue pea mo te fakasiosio ʼaē neʼe foaki e tanatou ʼu mātuʼa pea mo tanatou ʼu kui (w87 1/6 13-18). Ko te kokelekasio ʼe feala foki tana tokoni ki te hahaʼi matutuʼa. ʼE feala hatatou tokoniʼi niʼihi ke nātou maʼu he tokoni mai te puleʼaga fakatagata. Tou fakaafe ia nātou ki te ʼu meʼa kai peʼe ki te ʼu fakatahi mo te ʼu kaumeʼa (Lom. 12:13). Tou tokoni kia nātou ʼi te fai faka mafola. Tou ʼave nātou ki te ʼu fono pea mo te ʼu fakatahi. Tou tokoni ki te fai ʼo tanatou ʼu fakatau peʼe ko te fakamaʼa ʼo tonatou ʼapi (w87 1/6 4-7). Ke tou fakaʼapaʼapa tuʼumaʼu kia nātou (1 Tim. 5:1, 2). Fakafehuʼi he tokotahi peʼe toko lua ʼe ko he ʼu faʼifaʼitaki lelei ʼi te hahaʼi matutuʼa. Fakahā te ʼu tapuakina ʼe nātou maʼu mai te ʼofa ʼo tonatou famili pea mo te kokelekasio.
15 mn: Ko he tagata ʼāfea ʼe fai palalau mo he toko tolu peʼe toko fā kau faka mafola neʼe pionie vaeluaʼi temi ʼi ʼapelili pe neʼe pionie ʼi he temi ki muʼa atu. Koteā ʼaē neʼe uga ai ke nātou pionie? Koteā te ʼu fakatuʼutuʼu neʼe nātou fai ki ʼapelili? Koteā te ʼu tapuakina neʼe nātou maʼu ʼi te gāue pionie vaeluaʼi temi? Fakaloto mālohiʼi nātou ʼe fakatuʼutuʼu ke nātou pionie vaeluaʼi temi ʼi te māhina ka haʼu ke nātou ʼolo ʼo tohi hanatou pepa pea ke nātou foaki fakatavili.
Katiko 172 pea mo te faikole fakaʼosi.
Vāhaʼa ʼe kamata ʼi te 29 malesio
Katiko 105
10 mn: Ko te ʼu logo ki te kokelekasio. Fakaloto mālohiʼi te ʼu kau faka mafola ke nātou fakaafe ki te ʼaho Fakamanatu te hahaʼi ʼaē ʼe lotolelei pea mo nātou ʼaē ʼe nātou ako te Tohi-Tapu. Ke tou fakaʼaogaʼi lelei te ʼu pepa fakaafe. Tou tohi fakalelei ʼi te ʼu pepa fakaafe te hola pea mo te faʼahi ʼe fai ai te toʼotoʼoga.
25 mn: “Tou fakamanatu te mate ʼaē ʼe ina foaki ia te ʼamanaki ki te maʼuli heʼegata.” ʼO fai e te taupau pelesita; ʼo fai ʼaki he ʼu fehuʼi pea mo he ʼu tali. Fakahā ai mo te ʼu manatu ʼo te alatike “Te ʼu teuteu ki te ʼaho Fakamanatu”. Faʼifaʼitaki ʼi te ʼosi ʼo te palakalafe 5: ko he kau faka mafola ʼe ina fakaafe he tahi ʼe ako. ʼE ina fakamahino age pe ko te ʼu vaega fea ʼaē ʼe hinoʼi mai ke lau ʼi te temi ʼo te ʼaho 1 ki te ʼaho 6 ʼo ʼapelili, ʼosi ʼaia pea ina ʼui age ki ai ʼe feala hana haʼu ʼo ʼave ia kiai.
10 mn: Tou fakahā Te Tule Leʼo ʼi ʼapelili. Fakahāhā he ʼu manatu peʼe ko he ʼu meʼa tāfito ʼe feala tatatou palalau ki ai lolotoga te māhina. Ke tou fakatavili ʼi te temi fuli ʼo taki nātou ke nātou fakasiosio te ʼu manatu ʼo te ʼu nusipepa.
Katiko 87 pea mo te faikole fakaʼosi.