Te ʼu Tonu

◼ Te ʼu tohi ʼe fakaʼaogaʼi ʼi sepetepeli: E Feala Keke Mauli O Heegata Ite Palatiso Ite Kele. ʼOketopeli: Apone ki te ʼu nusipepa ʼaē Koutou ʼaʼala! mo Te Tule Leʼo peʼe L’humanité à la recherche de Dieu. Novepeli: Ko te Tohi-Tapu Les Saintes Écritures du monde nouveau mo te tohi La Bible — Parole de Dieu ou des hommes? Tesepeli: Le plus grand homme de tous les temps. NOTA: Ko te ʼu kokelekasio ʼaē ʼe ʼaoga kia nātou te ʼu tohi ʼaia ʼo ʼuhiga mo te fai faka mafola ʼe tonu ke nātou tohi ʼi tanatou pepa fakaʼui (S-14). Koutou fakalelei ʼo kole te ʼu tohi ʼaē ʼe ʼaoga ki te tufa ʼo ʼoketopeli.

◼ Ko te tagata taupau pelesitā peʼe ko he tahi neʼe ina hinoʼi ʼe ina fakasiosio anai te falā ʼo te kokelekasio ʼi te ʼaho 1 ʼo sepetepeli peʼe ʼi he temi ki muli age. Fakahā ki te kokelekasio mokā kua ʼosi fai te faʼahi ʼaia.

◼ Ko te kau faka mafola ʼaē ʼe nātou fakatuʼutuʼu ke nātou pionie vaeluaʼi temi ʼi ʼoketopeli ʼe tonu ke nātou foaki fakatomuʼa tanatou pepa tohi ki te pionie. ʼE faka fealagia anai ki te ʼu tagata ʼāfea ke nātou fai he ʼu fakatuʼutuʼu ʼo ʼuhiga mo te ʼu tohi pea mo telituale.

◼ Ko te ʼu tagata ʼāfea ʼe nātou manatuʼi ʼo mulimuli ki te ʼu fakatotonu ʼaē ʼe tuʼu ʼi Te Tule Leʼo ʼo te ʼaho 15 ʼo ʼapelili 1991 ʼi te ʼu pasina 21 ki te 23 ʼo ʼuhiga mo he tahi neʼe fakamavae peʼe neʼe mavae ʼi tona loto tokotahi, ʼe feala hona toe fakahū ki te kokelekasio.

◼ Kua tā e te Sosiete ʼi te temi nei te ʼu volumes reliés ʼo Te Tule Leʼo ʼo te ʼu taʼu 1970 ki te 1979 ʼi te lea fakapilitānia, pea ʼe maʼu tuʼumaʼu. Ko ʼaē ʼe fia fai ki te ʼu volumes reliés ʼaia ʼe tonu anai ke ina fakaʼui ʼi te kokelekasio. Koutou manatuʼi ko te ʼu volumes reliés ʼe kau ʼi te ʼu alatike ʼaē ʼe fai ʼi te kole makehe.