Ko Te ʼu Fono Gāue ʼo Sepetepeli
Vāhaʼa ʼe kamata ʼi te 6 sepetepeli
Katiko 164
10 mn: Ko te ʼu logo ki te kokelekasio pea mo te ʼu Tonu ʼo te Minisitelio ʼo te Puleʼaga.
20 mn: Fakaloto mālohiʼi takotou fānau ki te faleako. Akonaki ʼo fai ai te ʼu fakafehuʼi pea mo te faʼifaʼitaki. Ko te kau tūpulaga kilisitiano ia ʼaho nei ʼe tau mo te ʼu ʼaluʼaga e tokolahi te kau faka mafola ʼi te kokelekasio ʼe mole nātou ʼiloʼi pe la hona fakakaukauʼi. ʼE tonu ke ʼiloʼi lelei e te ʼu mātuʼa te ʼu faigataʼaʼia ʼaia ke feala ai hanatou fakaloto mālohiʼi ʼo tanatou fānau ke nātou tauʼi te ʼu ʼahiʼahiʼi ʼo tanatou agatonu. Fakafehuʼi he ʼu tūpulaga e tolu ʼe kehekehe tonatou taʼu. Koteā te ʼu faʼahiga faigataʼaʼia ʼe tau mo nātou ʼi te faleako ʼi te ʼaho fuli? Koteā koa te ʼu tokoni ʼaē moʼo taupau ʼo tanatou felogoi lelei mo Sehova? Fakatuʼutuʼu he faʼifaʼitaki ko he famili ʼe ina vakaʼi te ʼu palakalafe 2 pea mo te 3 ʼo te pasina 11 ʼo te kaupepa L’école. ʼE fakahā e te ʼu fānau ʼe fakalainoaʼi nātou pea ʼe fakakeheʼi nātou e tonatou ʼu kaugā ako ʼuhi ko tanatou maʼuliʼi te ʼu lekula māʼoluga ʼo te Tohi-Tapu ʼo ʼuhiga mo te aga ʼaē ʼe tonu ke fai. Ko te pule ʼo te famili ʼe ina fakaloto mālohiʼi tana fānau ʼaki tana fakahā age ʼo tana fiafia ʼo ʼuhiga mo tanatou ʼu aga pea mo fakamanatuʼi age kia nātou ʼe fiafia ʼaupito ia Sehova ʼuhi ko tanatou aga (Taag. 27:11). Ko te tēhina ʼaē ʼe ina fai te akonaki ʼaia ʼe ina fakaʼosi ʼaki hana fakamālo ki te kau tūpulaga ʼaē ʼi te kokelekasio ʼo ʼuhiga mo tanatou ʼu gāue lelei pea mo fakaloto mālohiʼi nātou ke nātou felogoi mo tanatou ʼu mātuʼa ke feala ai honatou fakamālohiʼi fakalaumālie lolotoga te taʼu ʼaenī ʼe nātou ʼolo ai ʼo ako.
15 mn: “Tou tokoni ki niʼihi ke nātou ʼiloʼi te koloā maʼuhiga.” ʼO faiʼaki he ʼu fehuʼi pea mo he ʼu tali. Mokā vakaʼi te palakalafe 4, fai he faʼifaʼitaki, ko he kau faka mafola ʼe ina fakahā te tohi Mauli O Heegata ki he tahi ʼi te ʼu mātuʼa.
Katiko 108 pea mo te faikole fakaʼosi.
Vāhaʼa ʼe kamata ʼi te 13 sepetepeli
Katiko 112
10 mn: Ko te ʼu logo ki te kokelekasio. Fakahā te tānaki falā pea mo te ʼu meʼa ʼofa. Fakamālo kia nātou fuli ʼi te fono ʼo ʼuhiga mo tanatou lagolago paʼaga ki te kokelekasio ʼo feiā foki ki te gāue faka malamanei ʼa te Sosiete.
10 mn: “Tou fakaʼaogaʼi te ʼu nusipepa ke fua lelei ki niʼihi.” Akonaki mo he ʼu faʼifaʼitaki. Fakahā te maʼuhiga ʼaē ʼo te fakaʼaogaʼi ʼo te ʼu alatike foʼou tatau aipe mo te ʼu alatike ʼāfea. Fai he ʼu faʼifaʼitaki e lua, ko he tahi ʼaki he nusipepa foʼou pea ko he tahi ʼe fakahā ai peʼe feafeaʼi te faʼahiga fakaʼaogaʼi ʼo he alatike ʼāfea moʼo tali ki te meʼa ʼaē ʼe ʼaoga kia ia ʼaē ʼe palalau mo tatou.
15 mn: “Koteā anai te meʼa ka tou fai lolotoga te taʼu gāue ʼaenī?” Fai palalau mo nātou ʼaē ʼi te fono. Ko te akonaki ʼaia ʼe fai anai e te tagata taupau pelesitā. Toe vakaʼi te taʼu gāue kua hili ʼa te kokelekasio pea mo fakaloto mālohiʼi te kau faka mafola fuli ke nātou fai he ʼu fakatuʼutuʼu moʼo fakatuputupu ʼo tanatou gāue lolotoga te taʼu gāue 1994.
10 mn: “Tou fai he ʼu ako ʼaki te tohi Mauli O Heegata mo te tohi Logo tahi ʼi te tauhi.” ʼI te ʼosi vakaʼi ʼo te alatike mo nātou ʼaē ʼi te fono, ko he kau faka mafola neʼe teuteu lelei ʼe ina fakahā peʼe feafeaʼi te fetogi ʼo te ako mai te tohi Le plus grand homme ki te tohi Mauli O Heegata.
Katiko 17 pea mo te faikole fakaʼosi.
Vāhaʼa ʼe kamata ʼi te 20 sepetepeli
Katiko 100
10 mn: Ko te ʼu logo ki te kokelekasio. Fakahā he ʼu alatike ʼi te ʼu nusipepa foʼou ʼe feala ke fakahā ʼi te fakaʼosi vāhaʼa ʼaenī ʼi te gāue faka mafola.
20 mn: “Tou tokoni ki te hahaʼi ʼaē e hage ko he ʼu ōvi ke nātou fakatafito ki he tuʼulaga mālohi.” Fai palalau mo nātou ʼaē ʼi te fono. Fakahā te maʼuhiga ʼo te teuteuʼi ʼo te ʼu ʼaʼahi fuli. Fai he fakatuʼutuʼu ke fai he faʼifaʼitaki ʼe he kau faka mafola ʼe faiva, ʼe ina fai te ʼaʼahi ki he tahi neʼe kua ina toʼo te tohi Mauli O Heegata, ʼo fakaʼaogaʼi te manatu ʼo te palakalafe 3 peʼe ko te 5.
15 mn: “Tou kamata he ʼu ako faka tohi-tapu.” ʼO fai ʼaki he ʼu fehuʼi pea mo he ʼu tali. ʼI te ʼosi ʼo te palakalafe 4, pea fai he faʼifaʼitaki ʼaoga, ko he ʼaʼahi ʼe fakaʼaogaʼi pe te Tohi-Tapu, kae ko te fai palalau ʼe fakatafito ki te tohi Mauli O Heegata peʼe ko te tohi Comment raisonner, ʼo mulimuli pe ki te ʼu tokoni ʼaē ʼe tuku mai.
Katiko 84 pea mo te faikole fakaʼosi.
Vāhaʼa ʼe kamata ʼi te 27 sepetepeli
Katiko 109
10 mn: Ko te ʼu logo ki te kokelekasio. Logo faka teokalatike.
20 mn: E ʼifea koa te hahaʼi ʼaē kua mamate ʼe tou ʼoʼofa ai? Fai palalau ʼa he famili. Fakaʼaogaʼi te ʼu manatu ʼi te ʼu pasina 253 ki te 255 ʼo te tohi Comment raisonner, ko te pule ʼo te famili ʼe fai palalau ʼo ʼuhiga mo te mate ʼo he kaumeʼa lelei ʼo te famili. ʼE faiga te tāmai ʼaia ke ina tokoni tana fānau ke nātou mahino ki te manatu ʼa te Tohi-Tapu. ʼE ina fai te ʼu fehuʼi, ko tana fia ʼiloʼi ʼaē peʼe nātou mahino pe koteā te ʼuhiga ʼo te mate pea mo vakaʼi peʼe feala hanatou fakamatala fakalelei ʼo mulimuli ki ʼonatou ʼu taʼu. Koia, ʼe ina toe fakahā age kia nātou peʼe feafeaʼi tanatou fakaʼaogaʼi te tohi Comment raisonner moʼo fakafimālieʼi ʼo ʼihi.
15 mn: Fakahā te ʼu nusipepa ʼi ʼoketopeli. Fai he ʼu faʼifaʼitaki e tolu, ko te ʼuluaki ko te apone ki Te Tule Leʼo peʼe ko te nusipepa Koutou ʼaʼala!, lua fakahā ʼo te tohi L’humanité à la recherche de Dieu, tolu ko te tuku ʼo he kiʼi pepa lotu ki he tahi ʼe maʼumaʼua. ʼI te ʼosi ʼo te ʼu faʼifaʼitaki takitahi, vakaʼi mo nātou ʼaē ʼi te fono pe koʼe ʼe lelei te ʼu faʼifaʼitaki ʼaia.
Katiko 21 pea mo te faikole fakaʼosi.