Tou Fai He ʼu Ako ʼAki Te Tohi Mauli O Heegata mo te tohi Logo tahi ʼi te tauhi
1 Ko te ʼu kiʼi pepa lotu, te ʼu kaupepa lalahi, te ʼu nusipepa, pea mo te ʼu tohi — ʼe feala tonatou fakaʼaogaʼi moʼo kamata ʼo he ʼu ako faka tohi-tapu mo te hahaʼi ʼaē ʼe fia logo. ʼUhi ko te lahi ʼaupito ʼo tona tufa pea mo tona lelei, ko te tohi Le plus grand homme de tous les temps neʼe fakaʼaogaʼi moʼo kamata ʼo he ʼu ako. ʼE mahino ia, ko te hahaʼi fuli ʼe tonu anai ke fakaloto mālohiʼi ke nātou lau pea mo ako te tohi ʼaia. ʼE tou fai te faʼahi ʼaia ʼaki tatatou teuteuʼi te ako ʼaia pea mo tou kau tuʼumaʼu ki te ʼu ako tohi ʼo te kokelekasio.
2 Kae, ko te ʼu tohi tāfito e lua ʼe tonu ke tou ako mo te hahaʼi foʼofoʼou moʼo tokoni kia nātou ke nātou mahino ki te ʼu akonaki tāfito ʼo te Tohi-Tapu ʼo feiā foki mo te ʼu lekula faka kilisitiano ʼaē ke maʼuliʼi. Koʼeni te ʼu kupu ʼo te ʼu tohi ʼaia: E Feala Keke Mauli O Heegata Ite Palatiso Ite Kele pea Logo tahi ʼi te tauhi. ʼE fakatokagaʼi fakapotopoto ia nātou ʼaē neʼe fai tanatou ʼu ako faka tohi-tapu ki niʼihi ʼu tohi ke nātou fetogi ʼaki he tohi ʼi te ʼu tohi ʼaenī e lua. Kapau neʼe fai he ako ʼaki te tohi Le plus grand homme, fakaloto mālohiʼi ia ia ʼaē ʼe ina ako te tohi ʼaia ke ina haga lau pe la tokotahi. Ko te ako faka tohi-tapu ʼe tonu pe anai ke fai ʼo aʼu ki te tohi Mauli O Heegata pea mo te tohi Logo tahi ʼi te tauhi ʼaē ʼe fakakatoa ki te ako ʼaia, tatau aipe pe ko he tahi kua papitema kae mole heʼeki ʼosi tana ako ʼi te lua tohi. Ko te fakatuʼutuʼu ʼaia ʼe ina tuku anai he mahino lelei mo he fakakaukau poto ʼi te faʼahi fakalaumālie kia ia ʼaē ʼe ina ako te Tohi-Tapu.