Te ʼu Tonu
◼ Ko te tufa ʼo Sanualio pea mo Fepualio: Ko te ʼu kaupepa lalahi ʼaenī: Kote puleaga ae ka ina fakatuu anai te Palatiso pea mo Te ʼu laumālie ʼo te kau mate. Malesio: Te Fakahā—Tona Ikuʼaga Lahi Kua Ōvi Mai! ʼApelili pea mo Maio: Ko te apone ki Te Tule Leʼo pea mo te nusipepa ʼaē Réveillez-vous!
◼ ʼE tonu anai ke fai e te ʼu kokelekasio he ʼu fakatuʼutuʼu moʼo fakamanatu ʼo te Memoliale ʼi te taʼu ʼaenī ʼi te Moeaki ʼaho 26 ʼo Malesio, ʼi te ʼosi tō ʼo te laʼā. Logope la ko he meʼa lelei ki te ʼu kokelekasio fuli ke nātou tahi fakamanatu te Memoliale, ko te faʼahi ʼaia ʼe mole feala tuʼumaʼu tona fai. ʼI te faʼahi ʼaē ʼe lahi te ʼu kokelekasio ʼe nātou fakaʼaogaʼi te Fale ʼo te Puleʼaga e tahi, e lagi feala he fakaʼaogaʼi e he kokelekasio e tahi peʼe lahi he tahi Fale ʼo ʼuhiga mo te afiafi ʼaia. Ko te Memoliale ʼe mole tonu anai ke tuai fau tona kamata ʼo mole feala ai te kau ʼa te hahaʼi ʼaē neʼe foʼofoʼou mai. Tahi ʼaē meʼa, ʼe tonu anai ke vaha te ʼu fono ke maʼu ai he temi ʼi muʼa peʼe ko te hili ʼaē ʼo te toʼotoʼoga moʼo fakamālo kia nātou ʼaē neʼe hoki ʼōmai, ke fai he fakatuʼutuʼu ke hoko atu aipe te tokoni fakalaumālie ʼo niʼihi, peʼe ko te fai palalau moʼo fakaloto mālohiʼi ʼo nātou fuli ʼaē neʼe ʼōmai. ʼI te ʼosi vakaʼi fakalelei ʼo te ʼu faʼahi fuli, ʼe tonu anai ke fakasiosio e te ʼu tagata ʼāfea pe koteā te ʼu fakatuʼutuʼu ʼe lelei anai moʼo tokoni kia nātou fuli ʼaē ʼe kau ʼi te Memoliale ke nātou maʼu he fua lelei ʼo ʼuhiga mo te ʼaho ʼaia.
◼ ʼO kamata ʼi Fepualio, pea ʼo mole fakalaka ʼi te ʼaho 6 ʼo Malesio, ʼe fai e te tagata taupau fakakolo te akonaki foʼou ko tona kupu tāfito “Ko Te Mamahi ʼo Te Hahaʼi—ʼE Gata Anai Koa ʼAfea?”
◼ Ko te akonaki makehe ki te hahaʼi ʼo ʼuhiga mo te Memoliale 1994 ʼe fai anai ʼi te malamanei ʼi te ʼahotapu, ʼaho 10 ʼo ʼApelili. Ko te kupu tāfito ʼo te akonaki ʼaia “ ʼE ʼAmanaki Puli Koa Te Lotu?” ʼE fai anai he fakatuʼutuʼu. Ko te ʼu kokelekasio ʼaē ʼe lolotoga ʼaʼahi e te tagata taupau fakakolo, peʼe ʼi ai hanatou fakatahi fakakolo, peʼe ko he fakatahi makehe e ʼaho tahi ʼi te fakaʼosi vāhaʼa ʼaia ʼe hoki fai anai te akonaki makehe ʼi te vāhaʼa ka hoko mai. ʼE mole fai anai he akonaki makehe ʼi he kokelekasio ia muʼa ʼo te ʼaho 10 ʼo ʼApelili.