Te ʼu Tonu
◼ Te ʼu tohi ʼe fakahā ʼi Fepualio: E Feala Keke Mauli O Heegata Ite Palatiso Ite Kele ko tona totogi fakaʼofa ko te 400. Ko te tufa ʼo te tohi ʼaenī ʼe tonu ke hoko ai te fai ʼo he ʼu ʼaʼahi, pea ʼe tonu ke fai he ʼu faiga moʼo kamata ʼo he ʼu ako faka Tohi-Tapu. Malesio: La Révélation: le grand dénouement est proche! ki te 400. ʼApelili pea mo Maio: Ko te apone ki Te Tule Leʼo pea mo te Réveillez-vous! ki te falā 1 000 te apone e tahi. FAKATOKAGA: Ko te ʼu kokelekasio ʼaē ʼe mole heʼeki nātou maʼu te ʼu tohi ʼaē ʼe tuʼu ʼi ʼoluga, ʼe tonu ke nātou fakaʼui te ʼu tohi ʼaia ʼi tanatou Pepa Fakaʼui Tohi (S-14) ʼo te māhina ka haʼu.
◼ Ko te sikalaipe pea mo te tagata taupau ki te gāue ʼe nā fakasiosio anai te gāue ʼa nātou fuli ʼaē neʼe pionie katoa. Kapau ʼe ʼi ai niʼihi ia nātou ʼe faigataʼa te maʼu ʼo tonatou ʼu hola, ʼe faiga anai te ʼu tagata ʼāfea ke nātou maʼu he tokoni. Moʼo maʼu ʼo he ʼu tokoni, ʼe ʼaoga ke toe vakaʼi te ʼu tohi ʼa te Sosiete (S-201) ʼo te ʼaho 1 ʼo ʼOketopeli 1993 pea mo te ʼaho 1 ʼo Tesepeli 1992. Toe vakaʼi foki mo te ʼu palakalafe 12 ki te 20 ʼo te pepa ʼe ʼalutahi mo Te Minisitelio ʼo Te Puleʼaga (fakafalani), ʼo Sepetepeli 1986.
◼ ʼE hoko anai te ʼaho Fakamanatu ʼi te Feliaono, ʼaho 14 ʼo ʼApelili 1995. Logope la te kamata fakatomuʼa ʼo te akonaki, koutou manatuʼi ko te feʼāveʼaki ʼo te pane pea mo te vino ʼe tonu anai ke kamata mokā ʼosi tō te laʼā. Koutou fakatokagaʼi te hola ʼaē ʼe tō ai te laʼā ʼi tokotou kolo. ʼE mole fai anai he fono ʼi te ʼaho ʼaia, gata pe ki te fai faka mafola. Kapau ko tokotou kokelekasio ʼe fai māhani takotou ʼu fono ʼi te Feliaono, ʼe feala hakotou holo atu ki he tahi ʼaho ʼo te vāhaʼa mokā ʼe ava te Fale ʼo te Puleʼaga.
◼ ʼI te ʼosi ʼo te ʼu fono ʼo te kokelekasio ʼo feiā aipe ki te ʼu fakatahi faka silikosikilipisio pea mo te fakatahi makehe ʼaē ʼe ʼaho tahi ʼi te ʼaho 23 ʼo ʼApelili 1995, ʼe fakahā anai he tonu ʼo ʼuhiga mo he gāue makehe moʼo tufa ʼo te kiʼi pepa lotu ʼe pasina fā ʼe tuʼu ai he logo ʼe ʼaoga. ʼE fakaloto mālohiʼi anai te hahaʼi fai faka mafola ke nātou tokakaga ki te hahaʼi faitotonu ʼaē ʼe nātou fakahā fakamalotoloto tanatou tuʼania ʼo ʼuhiga mo te ʼu faigataʼaʼia ʼe tau mo nātou pea mo nātou kumi he takitaki ʼe ʼaoga ke nātou falala kiai. Ko te hahaʼi fai faka mafola katoa, ʼo kau ai mo te hahaʼi ʼaē neʼe hoki kamata pe tanatou gāue ʼi te māhina ko Malesio, ʼApelili, pea mo Maio, ʼe nātou fia kau katoa anai pea mo nātou lagolago ki te tufa makehe ʼaia.
◼ Ko te kau fai faka mafola ʼaē ʼe fia pionie vaeluaʼi temi ʼi Malesio, ʼApelili, pea mo Maio ʼe tonu ke nātou fai he fakatuʼutuʼu ʼi te temi nei pea ke nātou tohi fakavilivili tonatou higoa ʼo ʼuhiga mo te faʼahi ʼaia. Ko te meʼa ʼaia ʼe tokoni anai ki te ʼu tagata ʼāfea ke nātou fai he fakatuʼutuʼu ʼaoga ʼo ʼuhiga mo te fai faka mafola pea mo fakatuʼutuʼu ke feʼauga te ʼu tohi.