Ko Te ʼu Fono Gāue ʼo Maio
Vāhaʼa ʼe kamata ʼi te 1 Maio
Katiko 43
10 min: Ko te ʼu logo ʼo te kokelekasio pea mo te ʼu Tonu neʼe toʼo mai Te Minisitelio ʼo Te Puleʼaga.
15 min: “Ko Te Logo Lelei Ki Te Hahaʼi Agavaivai.” Fai palalau ki te alatike mo nātou ʼaē ʼi te fono, pea fai he faʼifaʼitaki e tahi peʼe lua ʼo mulimuli pe ki te ʼu manatu ʼo te alatike.
20 min: “Ko Te ʼu Logo [Makehe] ʼo Te Puleʼaga Ki Te Hahaʼi Fuli Pe.” Akonaki ʼe fai e te tagata taupau ki te gāue pea mo fai fehuʼi kia nātou ʼaē ʼi te fono. Toe vakaʼi te meʼa lahi neʼe fakahoko ʼi te tufa ʼaē ʼo te ʼu Logo ʼo Te Puleʼaga, fakatokagaʼi tāfito te lagolago lelei ʼaē neʼe fai ki te fakatuʼutuʼu ʼo te ʼu gāue pea mo te hoki kau ai ʼa te kau fai faka mafola foʼou ki te gāue fagonogono. Fai he fakamatala ʼo ʼuhiga mo te telituale ʼaē neʼe gāueʼi. Fakaloto mālohiʼi te kau fai faka mafola fuli ke nātou fai he faiga makehe moʼo tufa te ʼu Logo ʼo Te Puleʼaga. Fakahā te maʼuhiga ʼo te tokagaʼi te fia fagono ʼa te hahaʼi pea mo te fai ʼo ni ʼu ʼaʼahi ʼaki te fakatuʼutuʼu ʼaē ke kamata he ʼu ako faka Tohi-Tapu. Fakaʼaogaʼi te faʼifaʼitaki ʼaē neʼe tuku atu.
Katiko 172 pea mo te faikole fakaʼosi.
Vāhaʼa ʼe kamata ʼi te 8 Maio
Katiko 114
15 min: Ko te ʼu logo ʼo te kokelekasio. “Mo Koutou Foki ʼe Feala Ke Hoko Kia Koutou Ni ʼu Meʼa Lelei!” Mo kapau ʼe maʼu he temi, fakaafe ia nātou ʼi te fono ke nātou fakamatala ni ʼu meʼa fakafiafia neʼe hoko kia nātou ʼi tanatou fakahā ʼaē ʼo te ʼu Logo ʼo Te Puleʼaga.
15 min: Ko te ʼu logo ʼe ʼaoga ki te kokelekasio. Peʼe ko he akonaki ʼe fai ʼo mulimuli ki te alatike ʼaenī “ ʼE Feafeaʼi Te Aga ʼa Te Kau Kilisitiano Mokā ʼe Nātou Felāveʼi Mo Ni ʼu Talanoa Loi ʼe Fai ʼo ʼUhiga Mo Nātou,” ʼi Te Tule Leʼo (fakafalani) ʼo te ʼaho 1 ʼo ʼApelili 1995, te ʼu pasina 26 ki te 29.
15 min: “He Koʼe ʼe Tonu Ke Tohi ʼi He Moʼi Pepa Te ʼu ʼApi ʼAē Neʼe Mole Maʼu Ai He Tahi?” Fai ʼaki he ʼu fehuʼi pea mo he ʼu tali.
Katiko 146 pea mo te faikole fakaʼosi.
Vāhaʼa ʼe kamata ʼi te 15 Maio
Katiko 30
10 min: Ko te ʼu logo ʼo te kokelekasio. Lau te tānaki falā.
17 min: “Tou Muliʼi Totatou Faʼifaʼitakiʼaga ʼi Totatou ʼUhiga Kau Toʼo ʼo Te Mālama.” Fai ʼaki he ʼu fehuʼi pea mo he ʼu tali.
18 min: Ko te ʼu logo ʼe ʼaoga ki te kokelekasio. Peʼe ko he akonaki ʼe fai ʼo mulimuli ki Te Tule Leʼo (fakafalani) ʼo te ʼaho 1 ʼo Sanualio 1995, te ʼu pasina 27 ki te 31, “Vaivaiʼaga, Agakovi Pea Mo Fakahemala.”
Katiko 45 pea mo te faikole fakaʼosi.
Vāhaʼa ʼe kamata ʼi te 22 Maio
Katiko 163
10 min: Ko te ʼu logo ʼo te kokelekasio. Koutou fakaloto mālohiʼi te ʼu tēhina pea mo te ʼu tuagaʼane ke nātou pionie vaeluaʼi temi ʼi te ʼu māhina ka hoa mai. Koutou toe vakaʼi te ʼu meʼa ʼaē ʼe tonu ke fai ki te faʼahi ʼaia ʼi te tohi Organisés pour bien remplir notre ministère, ʼi te ʼu pasina 113 ki te 114.
18 min: “Te Fakaʼiloga ʼo Te Maʼuli.” Fai palalau mo nātou ʼaē ʼi te fono. Fai he faʼifaʼitaki e tahi peʼe lua moʼo fakahā peʼe feafeaʼi te fai ʼo ni ʼu ʼaʼahi.
17 min: Ko te ʼu logo ʼe ʼaoga ki te kokelekasio. Peʼe fai he akonaki ʼe fakatafito ki Te Tule Leʼo (fakafalani) ʼo te ʼaho 1 ʼo Tesepeli 1994, ʼi te ʼu pasina 28 ki te 30, “Te Lototokaga: Ko He Meʼa ʼAoga Tāfito.”
Katiko 149 pea mo te faikole fakaʼosi.
Vāhaʼa ʼe kamata ʼi te 29 Maio
Katiko 79
15 min: Ko te ʼu logo ʼo te kokelekasio. Koutou foaki he ʼu tokoni moʼo fakaloto mālohiʼi te kau fai faka mafola ke nātou faiga ʼo lau he vaega ʼo te Tohi-Tapu mokā nātou fai faka mafola ʼi te ʼu ʼapi. Tokolahi te hahaʼi ʼe nātou fakaʼapaʼapa ki te Tohi-Tapu pea ʼe nātou fakalogo lelei mokā ʼe tou lau age. Ko tana tokoni ʼe mālohi pea ʼe ina uga anai he tahi ʼe fia fagono fakamalotoloto. E lagi lelei age ke koutou toʼo ʼi tokotou nima te Tohi-Tapu ʼi te temi ʼaē ʼe koutou fakaōvi ai ki te ʼapi. ʼE tonu anai ke lau te ʼu vaega ʼaki te loto katoa pea ke malave.—Vakaʼi te Manuel pour l’École, ʼi te ʼu pasina 31 ki te 32, te ʼu palakalafe 12 ki te 15.
12 min: Te Tali Ki ʼAkotou ʼu Fehuʼi. Fai ʼaki he ʼu fehuʼi pea mo he ʼu tali. Fakamahinohino he koʼe ʼe tou maʼu te fua lelei ʼe lahi ʼaupito age mokā ʼe tou teuteuʼi fakatomuʼa pea mo tou toʼo te ʼu tohi fuli ʼaē neʼe hinoʼi ki te ʼu fono ʼaia.
18 min: Tufa te tohi Te tagata ʼaē ʼe lahi tokotahi ʼo te ʼu temi fuli ʼi te māhina ʼo Sūnio. Fakahā te ʼu palalau neʼe fai e te hahaʼi ʼaē neʼe fia fagono ʼo ʼuhiga mo te tohi ʼaia. (Vakaʼi Te Tule Leʼo (fakafalani) ʼo te ʼaho 15 ʼo Fepualio 1992, te pasina 19 ki te 20; Réveillez-vous! ʼo te ʼaho 22 ʼo Fepualio 1992, pasina 32.) ʼUi age ki he fai faka mafola faiva ke ina fai he faʼifaʼitaki ʼo mulimuli ki Te Minisitelio ʼo Te Puleʼaga ʼo te māhina ʼo Tesepeli 1994, ʼi te pasina 8. Fakamanatuʼi ki te kau fai faka mafola fuli ke nātou toʼo ni ʼu nusipepa ki te gāue fai faka mafola ʼo te fakaʼosi vāhaʼa.
Katiko 70 pea mo te faikole fakaʼosi.