Ko Te ʼu Fono Gāue ʼo Novepeli
Vāhaʼa ʼe Kamata ʼi Te 4 Novepeli
Katiko 29
10 min: Ko te ʼu logo ʼo te kokelekasio. Te ʼu Tonu ʼo Te Minisitelio ʼo Te Puleʼaga. Talanoa ki te tānaki gāue ʼo te kokelekasio ʼi te māhina ʼo ʼAukusito. Vakaʼi te ʼu fakatuʼutuʼu ʼo ʼuhiga mo te gāue fai faka mafola ʼo te ʼaho 11 ʼo Novepeli.
15 min: “ ʼE Koutou Fakaʼaogaʼi Fakalelei Koa Te Folafola ʼa Te ʼAtua?” ʼO fai ʼaki he ʼu fehuʼi pea mo he ʼu tali. Fakapipiki kiai te ʼu fakamatala ʼaē ʼe tuʼu ʼi te tohi Comment raisonner, ʼi te pasina 51 ki te 52 ʼi te kupu tāfito “Te ʼu tupuʼaga ʼo te vakaʼi ʼo te Tohi-Tapu.”
20 min: “Ko Te Faka ʼUhiga ʼAenī ʼo Te Maʼuli Heʼegata.” (Palakalafe 1 ki te 5) ʼI te ʼosi ʼo te ʼu fakamatala fakanounou ʼo te palakalafe 1, ʼe feala ke fai e he ʼu kaugā fai faka mafola e toko lua he ʼu faʼifaʼitaki ʼi te ʼu palakalafe 2 ki te 5. Faka maʼuhigaʼi tatatou fakatuʼutuʼu ʼaē ko te kamata ʼo he ako Tohi-Tapu.
Katiko 70 pea mo te faikole fakaʼosi.
Vāhaʼa ʼe Kamata ʼi Te 11 Novepeli
Katiko 42
10 min: Ko te ʼu logo ʼo te kokelekasio. Lau ʼo te falā.
20 min: He Koʼe ʼe Tonu Ke Tou Foaki Kia Sehova? Ko te fai palalau ʼa te ʼu tagata ʼāfea e toko lua, ʼo faka maʼuhigaʼi ai te ʼu puani tāfito ʼo te alatike ʼo Te Tule Leʼo ʼo te ʼaho 1 ʼo Novepeli 1996, ʼi te pasina 28 ki te 31. Peʼe feala ke fai e he tagata ʼāfea he akonaki ʼo fakatafito ki te alatike ʼaia.
15 min: “Ko Te Faka ʼUhiga ʼAenī ʼo Te Maʼuli Heʼegata.” (Palakalafe 6 ki te 8) Talanoa ki te ʼu fua lelei ʼaē ʼe tou maʼu, mokā tou fakahā fakahagatonu ʼe feala ke fai he ako Tohi-Tapu. Ko he ʼu kaugā fai faka mafola ʼe nātou fai te ʼu faʼifaʼitaki ʼi te ʼu palakalafe 6 ki te 7. Tou fakaafe ia nātou ʼaē ʼi te fono ke nātou fakamatala pe neʼe feafeaʼi tanatou kamata fakahagatonu he ako Tohi-Tapu ʼi te ʼuluaki fai palalau. ʼI te fakahā fakahagatonu ʼo he ako Tohi-Tapu, neʼe tali fēnei e te tagata: “ ʼIo. Hū mai. ʼE ʼau fia fai ki haku ako.” Neʼe kamata te ako mo te tagata, neʼe kau kiai tona famili katoa ʼi te vāhaʼa ki muli, pea mole tuai, pea nātou kau ki te ʼu fono pea mo fai faka mafola. Fakaloto mālohiʼi ia nātou fuli ʼaē ʼi te fono ke nātou ʼaumai te pepa ʼaē ʼe ʼalutahi mo Te Minisitelio ʼo Te Puleʼaga ʼo Sūnio 1996 ʼi te Fono Gāue ʼo te vāhaʼa ka haʼu.
Katiko 129 pea mo te faikole fakaʼosi.
Vāhaʼa ʼe Kamata ʼi Te 18 Novepeli
Katiko 140
10 min: Ko te ʼu logo ʼo te kokelekasio. Te Tali Ki ʼAkotou ʼu Fehuʼi. Fai palalau mo nātou ʼaē ʼi te fono.
15 min: Akonaki ʼe ʼaoga ki te kokelekasio. Peʼe ko he akonaki “Ko Sehova ʼe ko tokotou tokoni,” ʼe fakatafito ki Te Tule Leʼo ʼo te ʼaho 15 ʼo Novepeli 1993 pasina 12 pea mo te pasina 17 ki te 22, ʼo kumi he ʼu ʼaluʼaga ʼe ʼalutahi mo te ʼu meʼa ʼaē ʼe ʼaoga ki te kokelekasio.
20 min: Koutou Fai He ʼu Ako Tohi-Tapu ʼe Haʼele Ki Muʼa. Ko he akonaki ʼe fai e te tagata taupau ki te gāue. Kua taʼu katoa tatatou fakaʼaogaʼi te tohi Te ʼAtamai Mālama moʼo fai ʼo te ʼu ako Tohi-Tapu. Ko ʼihi kau ako kua ʼosi tanatou ako te tohi ʼaia, kae ko ʼihi ʼe kei nātou lolotoga ako nei te tohi ʼaia. ʼE fakaloto mālohiʼi tatou ke tou ako ia nātou ʼaē ʼe foʼofoʼou mai, ke nātou mahino vave ki te moʼoni, ke nātou maʼuliʼi, pea ke nātou kau ki te kokelekasio. Ko te pepa ʼaē ʼe ʼalutahi mo Te Minisitelio ʼo Te Puleʼaga ʼo Sūnio 1996, ʼe ina foaki he ʼu manatu ʼe lelei ʼe tokoni kia tatou ke tou liliu ko he ʼu hahaʼi ʼe popoto lelei ʼi te fai ʼo te ʼu ako. Toe vakaʼi fakanounou te ʼu meʼa ʼaē ʼe feala ke tou fai ke tou popoto ʼi te fai ʼo te ʼu ako, ohage ko tona tuʼu ʼi te palakalafe 3 ki te 13 ʼo te pepa ʼaia. Ki muli mai, koutou fakatokagaʼi tāfito te ʼu meʼa ʼaē ʼe ʼaoga ke fai moʼo tokoni kia nātou ke nātou fai he meʼa ʼe lelei, ohage ko tona hinoʼi ʼi te palakalafe 14 ki te 22. Lau te palakalafe 15, 17, 20 ki te 21. Toe vakaʼi he ʼu fakamatala ʼe lelei moʼo fakahā te ʼu fua lelei ʼaē neʼe maʼu e te ʼu kaugā fai faka mafola. Fakaloto mālohiʼi te tokolahi ke nātou fai he ʼu ako Tohi-Tapu.
Katiko 85 pea mo te faikole fakaʼosi.
Vāhaʼa ʼe Kamata ʼi Te 25 Novepeli
Katiko 46
8 min: Ko te ʼu logo ʼo te kokelekasio.
10 min: “Tou Fakahā Te Logo Lelei ʼAki Te Telefoni.” Ko te akonaki ʼe fai e te tagata ʼāfea. Ke faka ʼalutahi te alatike mo te ʼu meʼa ʼaē ʼe ʼaoga ki te kokelekasio. ʼE feala ke toe maʼu he tahi ʼu tokoni ʼi te pepa ʼaē ʼe ʼalutahi mo Te Minisitelio ʼi te alatike “Ko Te Fagonogono ʼAki Te Telefoni—Ko He Faʼahi Moʼo Fakahā ʼo Te Moʼoni Ki Te Tokolahi.”
15 min: “ ʼE ʼi Ai Totatou Maʼua.” ʼO fai ʼaki he ʼu fehuʼi pea mo he ʼu tali. Talanoa fakanounou ki te palakalafe 13 ki te 16 ʼo Te Tule Leʼo, Fakafalani ʼo te ʼaho 1 ʼo Sanualio 1988 ʼi te pasina 28 ki te 29.
12 min: Vakaʼi te tufa ʼo te māhina ʼo Tesepeli. Ko Te ʼu Koga ʼo Te ʼu Tohi Faka Keleka Faka Kilisitiano pea mo te tohi Te ʼAtamai Mālama ʼAē ʼe Ina Taki Ki Te Maʼuli Heʼegata. Fakaʼaogaʼi te pasina 319 ki te 324 ʼo te tohi “Toute Écriture est inspirée de Dieu,” ʼaē ʼe fakahā ai te makehe ʼo te Traduction du monde nouveau: ʼE lagolago pea ʼe ina faka maʼuhigaʼi te huafa ʼo te ʼAtua (palakalafe 1 ki te 2); ko te fakaliliu ʼo te Tohi-Tapu ʼe tou mahino lelei age kiai (palakalafe 6); ʼe ko he meʼa gāue mālohi ke fakaʼaogaʼi ʼi te minisitelio (palakalafe 22 ki te 23). Faka maʼuhigaʼi pea mo fai he faʼifaʼitaki fakanounou, ʼo fakaʼaogaʼi te ʼu manatu ʼo te pasina 12 ʼo te tohi Te ʼAtamai Mālama ʼAē ʼe Ina Taki Ki Te Maʼuli Heʼegata. Tatau aipe pe koteā te meʼa ʼaē ʼe fia logo kiai, ʼe tonu anai ke koutou fakatuʼutuʼu ke koutou toe fai he ʼaʼahi.
Katiko 180 pea mo te faikole fakaʼosi.