Te ʼu Tonu

◼ Te tohi ʼaē ʼe tufa ʼi Sanualio: Ko he kaupepa lahi ʼi te ʼu kaupepa ʼaē ʼe pasina 32 ʼe maʼu e te kokelekasio ki te 50. Fepualio: Te ʼAtamai Mālama ʼAē ʼe Ina Taki Ki Te Maʼuli Heʼegata ki te 150. Malesio: Ko te kaupepa foʼou Koteā ʼAē ʼe Fakamaʼua Mai e Te ʼAtua Kia Tatou? ʼApelili: Ko te kaupepa foʼou Koteā ʼAē ʼe Fakamaʼua Mai e Te ʼAtua Kia Tatou? ʼE toe feala foki ke fakaʼaogaʼi mo Te Tule Leʼo pea mo te Réveillez-vous!

◼ Ko te ʼu kaugā fai faka mafola fuli ʼaē kua ʼosi papitema, ʼe feala ke foaki kia nātou ʼi te Fono ki te Gāue ʼo te ʼaho 13 ʼo Sanualio, hanatou pepa Instructions médicales/Pas de sang pea mo he Kate maʼa tanatou ʼu tamaliki.

◼ ʼO kamata ʼi Fepualio ʼo aʼu ki te ʼaho 2 ʼo Malesio, ʼe fai anai e te tagata taupau faka silikosikilipisio te akonaki foʼou ki te kaugamālie, ʼaē ko tona kupu tāfito “Tou Fakaʼaogaʼi Te Ako Moʼo Fakavikiviki ʼo Sehova.”

◼ ʼE tonu ke fai e te ʼu kokelekasio he ʼu fakatuʼutuʼu ʼaoga ʼo ʼuhiga mo te ʼAho Fakamanatu ʼo te ʼAliki ʼaē ka fai ʼi te taʼu ʼaenī ʼi te ʼAhotapu, ʼaho 23 ʼo Malesio ʼi te ʼosi tō ʼo te laʼā. Tatau aipe peʼe kamata vave anai te akonaki, kae ko te feʼāveʼaki ʼo te pane mo te vino ʼi te ʼAho Fakamanatu ʼe tonu anai ke fai ʼi te ʼosi tō ʼo te laʼā. Vakaʼi fakalelei pe ko te temi fea ʼaē ʼe tō ai te laʼā ʼi te koga meʼa ʼaē ʼe koutou nofo ai. Mai tona ʼaluʼaga ʼaē ʼe mole ʼi ai anai he tahi age fono ʼi te ʼaho ʼaia, gata pe ki te ʼu fono ʼo ʼuhiga mo te fai faka mafola, koia ʼe fai anai he ʼu fakatuʼutuʼu ke fai Te Tule Leʼo ʼi he tahi ʼaho. ʼE fai anai e te ʼu tagata taupau faka silikosikilipisio tanatou polokalama ʼo te vāhaʼa, ʼo mulimuli ki te ʼu meʼa ʼaē ka fai anai ʼi te vāhaʼa ʼaia. Logope la ko he meʼa lelei ki te kokelekasio takitahi hanatou tahi teuteuʼi tanatou ʼAho Fakamanatu, ʼe lagi mole feala ke hoko tuʼumaʼu te potu ʼaia. ʼI te ʼu koga meʼa ʼaē ʼe lahi ai te ʼu kokelekasio ʼe nātou fevaevaeʼaki te fakaʼaogaʼi ʼo te Fale ʼo te Puleʼaga, ʼe lagi ko he kokelekasio e tahi peʼe laka age ʼaē ʼe feala ke nātou fakaʼaogaʼi he tahi age fale ʼi te afiafi ʼaia. Ko te ʼAho Fakamanatu ʼe mole tonu ke tuai fau tona kamata, naʼa mole faʼa leleiʼia e nātou ʼaē ʼe foʼofoʼou mai. Pea tahi ʼaē meʼa, ʼe tonu ke maʼu he temi feʼauga ʼi muʼa ʼo te kamata pea mo te fakaʼosi ʼo te fono ʼaia, ke feala ai hatatou fai palalau mo nātou ʼaē neʼe hoki ʼōmai, mo fakatuʼutuʼu ke fai he tokoni fakalaumālie kia nātou, pea mo fai he ʼu fefakaloto mālohiʼaki. ʼI te ʼosi fakatokagaʼi fakalelei ʼo te ʼu meʼa fuli ʼaia, ʼe tonu anai ke vakaʼi e te ʼu tagata ʼāfea pe koteā te ʼu fakatuʼutuʼu ʼaē ka tokoni lelei anai kia nātou ʼaē ʼe kau ki te ʼAho Fakamanatu, ke ʼaoga katoa kia nātou te lakaga ʼaia.

◼ Ko te akonaki makehe ki te kaugamālie ʼe fai anai ʼi te temi ʼo te ʼAho Fakamanatu ʼi te ʼAhotapu, ʼaho 6 ʼo ʼApelili. ʼE foaki anai te plan ʼo te akonaki ʼaia. Ko te ʼu kokelekasio ʼaē ʼe ʼaʼahi e te tagata taupau faka silikosikilipisio, peʼe kau ki te fakatahi faka silikosikilipisio, peʼe ko he fakatahi makehe, ʼe nātou fakalogo anai ki te akonaki ʼaia ʼi te vāhaʼa ʼaē ka hoa kiai. ʼE mole feala anai ke fai fakatomuʼa e he kokelekasio te akonaki makehe ʼaia ʼi muʼa ʼo te ʼaho ʼaia.

◼ Ko te kolesi ʼo te ʼu tagata ʼāfea ʼe tonu ke ina ʼiloʼi te ʼu fetogi ʼaē ʼe tonu ke fai mokā ʼe kau te kokelekasio ki he fakatahi: Kapau ʼe fai he fakatahi makehe ʼaho tahi, pea ʼe tonu anai ke fai tanatou ʼu fono māhani ʼo te vāhaʼa, gata pe ki te Akonaki ki te Kaugamālie pea mo te Ako ʼo Te Tule Leʼo. Kapau ko he fakatahi faka silikosikilipisio, pea ʼe mole fai anai e te kokelekasio te Ako ʼo Te Minisitelio Faka Teokalatike pea mo te Fono ki te Gāue; gata pe ki te Ako Tohi ʼe fai anai ʼi te lolotoga ʼo te vāhaʼa.

◼ Te ʼu Tohi Foʼou Kua Maʼu:

Le secret du bonheur familial​—ʼi te lea Faka Fisi, Haʼamoa, Siaina, Vietnamien

Koteā ʼAē ʼe Fakamaʼua Mai e Te ʼAtua Kia Tatou?​—ʼi te lea Faka Haʼamoa, Siaina, Tahisi, Vietnamien

◼ Ko Te Foʼi Fime Foʼou Kua Maʼu:

Koteā ʼAē ʼe Fakamaʼua Mai e Te ʼAtua Kia Tatou? (foʼi fime e tahi) ​—Fakapilitānia

◼ Ko Te Pa foʼou kua maʼu:

Mélodies du Royaume, Volume 3 (cdm-3)