Ko Te ʼu Fono Gāue ʼo Sūlio
Vāhaʼa ʼe Kamata ʼi Te 7 Sūlio
Katiko 151
10 min: Ko te ʼu logo ʼo te kokelekasio. Te ʼu Tonu ʼo Te Minisitelio ʼo Te Puleʼaga. Talanoa ki te tānaki gāue ʼo te kokelekasio. Fakahā te ʼu fakatuʼutuʼu makehe ki te fai faka mafola ʼi te Mōnite, ʼaho 14 ʼo Sūlio.
15 min: “ ʼE Fakapale Te Agatonu.” ʼO fai ʼaki te ʼu fehuʼi pea mo te ʼu tali. ʼO fakapipiki kiai te faʼifaʼitaki ʼaē ʼe tuʼu ʼi te Réveillez-vous! ʼo te ʼaho 22 ʼo Sanualio 1993, pasina 18 ki te 21.
20 min: “Tou Tokoni Ki Niʼihi Ke Nātou Maʼu Te Fakaloto Fīmālie.” Fai palalau mo nātou ʼaē ʼe ʼi te fono. Fai he faʼifaʼitaki e tahi peʼe lua. Fakaafe ia nātou ʼaē ʼi te fono ke nātou fakamatala pe neʼe feafeaʼi tanatou kamata he tahi ʼu fai palalau ʼaki tanatou fakaʼaogaʼi te ʼu kaupepa ʼaia. Fakaloto mālohiʼi ia nātou ʼi te fono ke nātou fakaʼaogaʼi he ʼu palalau ʼe mahino gafua, mo lelei, ʼe uga ai te fia logo ʼa te hahaʼi. (Vakaʼi te tohi Manuel pour l’École, pasina 7, palakalafe 9 ki te 11.) Talanoa ki he tahi ʼu kaupepa ʼe feala ke tufa pea ʼe maʼu e te kokelekasio.
Katiko 70 pea mo te faikole fakaʼosi.
Vāhaʼa ʼe Kamata ʼi Te 14 Sūlio
Katiko 48
12 min: Ko te ʼu logo ʼo te kokelekasio. Lau ʼo te falā. Vakaʼi te alatike “ ʼE Tou Toe Ako Anai Te Tohi Te ʼAtamai Mālama.”
18 min: “Tou Fagonogono ʼi Te ʼu Potu Fuli ʼAē ʼe ʼi Ai Te Hahaʼi.” Ko he akonaki. Kapau ʼe fealagia te temi, pea ʼe fai he ʼu fakamatala ʼo fakatafito ki te Annuaire 1997, pasina 43 ki te 46.
15 min: ʼU Mātuʼa—Koutou Akoʼi Takotou ʼu Tamaliki Talu Mai Tanatou Kei Veliveli. Ko he tagata ʼāfea ʼe talanoa ki te ʼu pelesepeto ʼo te Tohi-Tapu ʼe fakahā ai ʼe ʼaoga ke akoʼi e te ʼu mātuʼa tanatou tamaliki talu mai tanatou kei veliveli. (Taag. 22:6; 2 Tim. 3:14, 15) ʼE ʼui e ʼihi ʼu mātuʼa ko he fai fakamalotoloto ʼo he ako Tohi-Tapu maʼa tanatou fānau, ʼe mole faʼa maʼuhiga ia mo kapau ʼe mole heʼeki nātou aʼu ki te temi ʼaē ʼe feala ai ke nātou fai he ʼu puleʼaki. ʼI te ʼu faʼahi ʼaia ʼe lahi te ʼu tamaliki neʼe nātou mulimuli ki te ʼu aga ʼa te mālama. Ko te ako fakalaumālie ʼe tonu anai ke kamata ʼi tanatou kei veliveli. (g97 8/3 26-7; w88 1/8 12-13) Fakafehuʼi he taumatuʼa neʼe nā fakahā tanā tokaga ki te faʼahi fakalaumālie ʼo tanā fānau. Fakahā peʼe feafeaʼi te fai e te tāmai ʼo tona tuʼulaga kae ʼe feala ke nā fai toko lua te tokoni ʼe ʼaoga, ʼi te polokalama ako moʼo akoʼi ʼo tanā ʼu tamaliki. ʼE fakamatala e te taumatuʼa te meʼa neʼe nā fai moʼo akoʼi ʼo tanā fānau ʼi te moʼoni, ʼaki tanā maʼuliʼi te ʼu tokoni ʼaē neʼe foaki e te kautahi ʼo nā fakatuʼutuʼu he polokalama ʼe lelei, mo ʼaoga ki te akoʼi ʼo tanā fānau ʼi te loto fale. ʼE fakahā e te tagata ʼāfea te maʼuhiga ʼo te maʼuliʼi ʼo te meʼa ʼaē ʼe fakaloto mālohiʼi e te Folafola ʼa te ʼAtua ke fai e te ʼu mātuʼa.—w85 4/1 23; Efesi 6:1-4.
Katiko 43 pea mo te faikole fakaʼosi.
Vāhaʼa ʼe Kamata ʼi Te 21 Sūlio
Katiko 14
12 min: Ko te ʼu logo ʼo te kokelekasio. Vakaʼi te alatike “Te Polokalama Foʼou ʼo Te Fakatahi Faka Silikosikilipisio.”
13 min: “Ko Ai ʼAē Ka ʼAlu Anai Maʼa Tatou?” Akonaki fakafiafia. ʼO fakapipiki kiai he ʼu manatu fakaloto mālohi ʼo ʼuhiga mo te ʼu pionie katoa pea mo he fakamatala ʼe maʼu ʼi te pepa ʼaē ʼe ʼalutahi mo Te Minisitelio ʼo Te Puleʼaga ʼo Fepualio 1997, palakalafe 16 ki te 17. Ko nātou ʼaē ʼe mole feala hanatou pionie katoa, ʼe feala ke nātou fakatuʼutuʼu ke nātou pionie vaeluaʼi temi ʼi he ʼu māhina lolotoga te taʼu gāue ka haʼu.
20 min: Ke Tou Teuteu Moʼo Fai ʼo Te Fagonogono Faigamālie. ʼI te ʼaho fuli, ʼe tou maʼu te ʼu fealagia moʼo fagonogono ki te hahaʼi ʼaē ʼe felāveʼi mo tatou. Mokā hoko mai he fealagia, ʼe feala ke mole ia tatou he Tohi-Tapu peʼe ko he ʼu tohi faka Tohi-Tapu ke tou fakaʼaogaʼi. Tou fai fakatomuʼa he ʼu fakatuʼutuʼu. ʼI totatou ʼapi, tou tuku he ʼu tohi ʼe ōvi ki te matapā ke sio kiai ia nātou ʼaē ʼe ʼōmai ʼo ʼaʼahi tatou. Koutou ʼai he ʼu tohi kehekehe ki takotou kato, pea ke koutou ʼave mokā koutou ʼolo ʼi takotou motokā, ki te koga meʼa ʼe koutou gāue ai, peʼe ki takotou faleako. Koutou ʼave he ʼu tohi mokā koutou heheka ʼi te ʼu kā. Koutou ʼave he ʼu tohi mokā koutou feʼoloʼaki ʼuhi ko te gāue, peʼe koutou ʼolo ki te fakatahi, peʼe koutou ʼolo ʼo mālōlō. Fai palalau ki te ʼu tokoni ʼe tuʼu ʼi te tohi Manuel pour l’École, pasina 80 ki te 81, palakalafe 11 ki te 16. Fai he ʼu faʼifaʼitaki fakanounou ʼo te faʼahiga palalau ki he tahi ʼe fakatau meʼa, ki he kaugā gāue, ki he kaugā ako, ki he tahi ʼe folau, peʼe ki he tahi ʼe mālōlō.
Katiko 72 pea mo te faikole fakaʼosi.
Vāhaʼa ʼe Kamata ʼi Te 28 Sūlio
Katiko 15
12 min: Ko te ʼu logo ʼo te kokelekasio. Fakamanatuʼi ki te ʼu kaugā fai faka mafola ke foaki tanatou ʼu pepa tānaki gāue. Toe vakaʼi te tufa ʼo ʼAukusito. Vakaʼi te ʼu kaupepa ʼaē neʼe tufa ʼi Sūlio ʼo toe fai he ʼu ʼaʼahi ʼi ʼAukusito, ʼo faiga ke kamata he ʼu ako Tohi-Tapu. Fakaʼaogaʼi te pepa ʼaē ʼe ʼalutahi mo Te Minisitelio ʼo Te Puleʼaga ʼo Malesio 1997, ʼe fakahā ai he ʼu puani tāfito moʼo fai ʼo he ʼu ʼaʼahi ʼe lelei. ʼE tonu ke kamata he ʼu ako ʼi te kaupepa Fakamaʼua peʼe ko te tohi Te ʼAtamai Mālama.
15 min: Ko te ʼu logo ʼe ʼaoga ki te kokelekasio.
18 min: Koutou Fakahoko Katoa Tokotou Minisitelio. Akonaki ʼe fai e te tagata taupau ki te gāue ʼo fakatafito ki te tohi Notre ministère, pasina 5 ki te 8. Fakahā te maʼuhiga pea mo te ʼaoga ʼaē ʼo te gāue fai faka mafola, ʼo uga te ʼu kaugā fai faka mafola fuli ke nātou fai fakamalotoloto tonatou maʼua ʼaē ko te ʼu minisi.
Katiko 1 pea mo te faikole fakaʼosi.