ʼE Tou Toe Ako Anai Te Tohi Te ʼAtamai Mālama

ʼE koutou fiafia anai ʼi takotou ʼiloʼi ʼe tou toe vakaʼi anai te tohi Te ʼAtamai Mālama ʼAē ʼe Ina Taki Ki Te Maʼuli Heʼegata ʼi te Ako Tohi ʼo te kokelekasio, ʼo kamata ʼi te vāhaʼa ʼo te ʼaho 6 ʼo ʼOketopeli 1997. ʼE mole fia tō anai he tahi ʼi te Ako Tohi ʼo te tohi faka Tohi-Tapu ʼaia. Mai tona ʼaluʼaga ʼaē ʼe lahi tatatou fakaʼaogaʼi te tohi ʼaia ʼi tatatou ʼu ako Tohi-Tapu, ʼe tonu ke tou ʼiloʼi lelei te tohi ʼaia. Ko te faʼahi ʼaia ʼe feala ai hatatou fakaʼalu tahi te manatu ʼo te alatike mo te ʼu meʼa ʼaē ʼe ʼaoga ki tatatou kau ako Tohi-Tapu. Tahi ʼaē meʼa, ʼe lahi te ʼu manatu ʼe ʼaoga ki totatou maʼuli, pea ʼe lahi te ʼu hahaʼi neʼe hoki nātou tali pe te moʼoni ʼe nātou tokagaʼi ʼe ʼaoga te fakalogo ki te ʼu tali ʼa te ʼu tēhina pea mo tuagaʼane ʼaē kua fualoa tanatou nonofo ʼi te moʼoni. Ko te polokalama ʼo te Ako Tohi ʼe faka fealagia anai ke vakaʼi fakalelei te ʼu palakalafe ʼaē ʼe maʼuhiga tāfito pea mo te ʼu vaega faka Tohi-Tapu ʼo te tohi.

ʼE uga te ʼu tēhina ʼaē ʼe nātou fai te ʼu Ako Tohi ʼo te kokelekasio ke nātou tokakaga tāfito ki tanatou teuteuʼi ʼo tanatou Ako Tohi pea ke nātou fakaloto mālohiʼi ia nātou fuli ʼaē ʼe kau kiai, ʼo kau ai mo nātou ʼaē ʼe foʼofoʼou mai, ke nātou teuteuʼi lelei tanatou ako pea ke nātou kau tuʼumaʼu ki te Ako Tohi.​—Om pasina 75 ki te 77.