Ko Te ʼu Fono Gāue ʼo Malesio
Vāhaʼa ʼo Te ʼAho 2 ʼo Malesio
Katiko 166
8 min: Ko te ʼu logo ʼo te kokelekasio. Te ʼu tonu ʼo Te Minisitelio ʼo Te Puleʼaga.
15 min: “Koutou Haga Fai Te Meʼa ʼAenī Moʼo Fakamanatu Kia Te ʼAu.” Akonaki ʼe fai e he tagata ʼāfea. Talanoa fakanounou ki te tohi Notre ministère, ʼi te pasina 80 ki te 81, ʼo fakahā lelei te maʼuhiga ʼaē ke tou kau ki te ʼAho Fakamanatu.
22 min: “Koutou Fakahū Māmālie Ki Te Loto ʼo Te Hahaʼi Te ʼAmanaki ʼo Te Maʼuli Heʼegata.” Fai palalau mo nātou ʼi te fono. Fakamahino fakanounou peʼe lava feafeaʼi hatatou fakaʼaogaʼi fakalelei te ʼu fehuʼi moʼo hoko atu he fai palalau. Fakahā he ʼu fehuʼi ʼe uga ai te hahaʼi ke nātou fakakaukau pea mo he ʼu fehuʼi moʼo ʼiloʼi pe koteā tanatou manatu ki te fai palalau. (Vakaʼi te tohi Manuel pour l’École, ʼi te pasina 50 ki te 51, te palakalafe 10 ki te 12.) ʼE fai e he kaugā fai faka mafola faiva he faʼifaʼitaki e tahi ʼo he ʼu ʼuluaki palalau ʼaē ʼe tuʼu ʼi te alatike, pea mo he ʼaʼahi ʼe fakahā ai te kamata ʼo he ako Tohi-Tapu.
Katiko 212 pea mo te faikole fakaʼosi.
Vāhaʼa ʼo Te ʼAho 9 ʼo Malesio
Katiko 146
8 min: Ko te ʼu logo ʼo te kokelekasio. Lau ʼo te falā.
15 min: Ke Lahi Te ʼu Fua Lelei ʼo Te Annuaire 1998 Kia Tatou. ʼE vakaʼi e te tāmai pea mo tona famili te pasina 3 ki te 6, mo te 31, ʼo ina fakahā te ʼu gāue faka teokalatike ʼaē neʼe hoko ʼi te malamanei ʼi te taʼu ʼaē kua hili. Vakaʼi te ʼu fua lelei ʼaē ʼe maʼu e te famili ʼi tanatou lau pea mo fai palalau fakatahi ki te vaega faka Tohi-Tapu ʼo te ʼaho fuli pea mo te ʼu koga ʼo te Annuaire ʼi te temi kai, ʼo nātou fakatotonu ke hoko atu tanatou fai ʼaia lolotoga te taʼu.
22 min: “ ʼE Tou Toe Toʼo Anai Koa?” (Palakalafe 1 ki te 11) Fai ʼaki he ʼu fehuʼi mo he ʼu tali. Fakamatala he ʼu puani maʼuhiga ʼo te gāue pionie vaeluaʼi temi ʼo te taʼu ʼaenī kua hili, ohage ko tona tuʼu ʼi te Annuaire 1998. Fakahā te kaugamālie ʼo nātou ʼaē neʼe pionie vaeluaʼi temi ʼi totatou fenua ʼi te temi ʼaia. Palalau ki te ʼu fua lelei ʼaē ʼe kita maʼu atu aipe mokā kita toʼo te selevisi pionie, pea mo fakahā peʼe tokoni feafeaʼi te faiga makehe ʼaia ki te tuputupu ʼo te kokelekasio. Fakahā lelei te ʼu fakatuʼutuʼu ʼaē ka fai ki te gāue ʼi ʼApelili mo Maio, moʼo tokoni ki te tokolahi ke nātou pionie. ʼI te hili ʼo te fono, ʼe feala ke toʼo e te ʼu kaugā fai faka mafola te ʼu pepa ki te selevisi pionie ʼi te hili ʼo te fono.
Katiko 181 pea mo te faikole fakaʼosi.
Vāhaʼa ʼo Te ʼAho 16 ʼo Malesio
Katiko 16
8 min: Ko te ʼu logo ʼo te kokelekasio. Fakaafe te hahaʼi fuli ʼaē ʼe fia logo ke nātou kau ki te akonaki makehe ki te kaugamālie ʼi te ʼaho 29 ʼo Malesio. Ko tona kupu tāfito “Te ʼu Tupuʼaga ʼAē ʼe Feala Ke Koutou Falala Ki Te Tohi-Tapu.”
15 min: Ko te ʼu logo ʼo te kokelekasio.
22 min: “ ʼE Tou Toe Toʼo Anai Koa?” (Palakalafe 12 ki te 19) Fai ʼaki he ʼu fehuʼi pea mo he ʼu tali. Toe vakaʼi te ʼu meʼa ʼaē ʼe fakamaʼua ke feala ke kita pionie vaeluaʼi temi, ʼaē ʼe fakahā ʼi te tohi Notre ministère, ʼi te pasina 113 ki te 114. Fakamahino peʼe teuteu feafeaʼi e te selevisi pionie vaeluaʼi temi he tahi ki te selevisi pionie katoa. Koutou fakaafe ʼihi ʼe pionie vaeluaʼi temi ke nātou fakamatala pe neʼe nātou fai feafeaʼi tanatou polokalama ke feala ai hanatou fai te ʼu hola e 60. Ko te polokalama fea ʼi te pasina fakaʼosi ʼo te pepa ʼaē ʼe ʼalutahi mo te minisitelio ʼaē neʼe fua lelei kia nātou? Kapau ʼe feala, fakamatala te ʼu faʼifaʼitaki ʼo te Annuaire 1987, ʼi te pasina 48 ki te 49, pea mo te pasina 245 ki te 246. Fakaloto mālohiʼi te ʼu kaugā fai faka mafola ke nātou toʼo hanatou pepa pionie ʼi te hili ʼo te fono.
Katiko 224 pea mo te faikole fakaʼosi.
Vāhaʼa ʼo Te ʼAho 23 ʼo Malesio
Katiko 33
10 min: Ko te ʼu logo ʼo te kokelekasio. Fakaloto mālohiʼi te ʼu tēhina mo tuagaʼane fuli ke nātou kamata fakaafe te hahaʼi ʼaē ʼe fia logo, ki te ʼAho Fakamanatu, ʼi te ʼaho 11 ʼo ʼApelili. Fakahā he pepa fakaafe, pea mo fakaloto mālohi ke toʼo lahi te ʼu pepa ʼaia pea mo kamata tufa ʼi te vāhaʼa ʼaenī. Tala te ʼu higoa ʼo nātou fuli ʼaē ka pionie vaeluaʼi temi ʼi ʼApelili. Fakamahino age ʼe kei feala pe ke nātou tohi hanatou pepa pionie. Fakahā te polokalama katoa ʼo te ʼu fono fai faka mafola ʼaē neʼe fakatuʼutuʼu ki ʼApelili.
20 min: Koutou Teuteuʼi Te Hahaʼi Foʼofoʼou Ki Te Gāue Fai Faka Mafola. Akonaki pea mo fai palalau mo nātou ʼaē ʼe ʼi te fono. Ko nātou ʼaē ʼe nātou fai he ako ʼi te tohi Te ʼAtamai Mālama, ʼe tonu ke nātou vakaʼi peʼe lava feafeaʼi hanatou teuteuʼi ia ia ʼaē ʼe ako ke kau ki te gāue fai faka mafola. Fakatokagaʼi te meʼa ʼaē ʼe tuʼu ʼi te tohi Te ʼAtamai Mālama, ʼi te pasina 105, palakalafe 14, pea mo te pasina 179, te palakalafe 20. Toe vakaʼi te ʼu meʼa ʼaē ʼe tonu ke fai ʼi Te Tule Leʼo Fakafalani ʼo te ʼaho 15 ʼo Novepeli 1988, te pasina 16 ki te 17, te palakalafe 7 ki te 10, ʼo ʼuhiga mo te hahaʼi foʼofoʼou ʼaē ʼe fia liliu ko he ʼu kaugā fagona. Vakaʼi te ʼu manatu ʼo te pepa ʼaē ʼe ʼalutahi mo Te Minisitelio ʼo Te Puleʼaga ʼo Sūnio 1996, palakalafe 19, moʼo tokoni ki te ʼu kaugā fagona foʼou.
15 min: Te Tali Ki ʼAkotou ʼu Fehuʼi. Fai ʼaki he ʼu fehuʼi pea mo he ʼu tali. ʼE toe vakaʼi e te tagata ʼāfea te alatike ʼi te tohi Notre ministère, pasina 130 palakalafe 1 mo te palakalafe 2.
Katiko 47 pea mo te faikole fakaʼosi.
Vāhaʼa ʼo Te ʼAho 30 ʼo Malesio
Katiko 29
12 min: Ko te ʼu logo ʼo te kokelekasio. Fakamanatuʼi age ki te hahaʼi fuli ke nātou foaki tanatou pepa tānaki gāue ʼo Malesio. Fakahā te ʼu nusipepa foʼou, mo te ʼu alatike ʼaē ʼe feala ke koutou faka maʼuhigaʼi ʼi te tufa ʼo te ʼu nusipepa, pea talanoa ki he ʼu puani ʼe feala ke palalau kiai. Toe vakaʼi “Ko He ʼu Fakamanatu ʼo ʼUhiga Mo Te ʼAho Fakamanatu,” pea fakahā te ʼu fakatuʼutuʼu ʼo te kokelekasio ki te ʼAho Fakamanatu. Ko tatou fuli ʼe tonu ke tou fai he ʼu fakatuʼutuʼu moʼo tokoni kia nātou ʼaē ʼe tou fai tanatou ako Tohi-Tapu pea mo nātou ʼaē ʼe fia logo ke nātou kau ki te ʼAho ʼaia. Fakamanatu age ko tatou fuli ʼe tonu ke tou mulimuli fakalelei ki te polokalama lautohi ʼo te Tohi-Tapu ki te ʼAho Fakamanatu, mai te ʼaho 6 ki te 11 ʼo ʼApelili, ohage ko tona fakahā ʼi te tohi Tou Vakaʼi Te Tohi-Tapu ʼi Te ʼAho Fuli.
13 min: “ ʼU Fānau—ʼE Koutou Fakafiafia Mātou!” Fai ʼaki he ʼu fehuʼi pea mo he ʼu tali. Fakamatala te hisitolia ʼaē ʼe tuʼu ʼi Te Tule Leʼo Fakafalani ʼo te ʼaho 1 ʼo ʼAukusito 1987, pasina 25.
20 min: ʼE Lava Tauʼi Feafeaʼi Te Vaivai ʼi Te Faʼahi Fakalaumālie. ʼE fai palalau te ʼu tagata ʼāfea e toko lua ki te talanoa ʼaē ʼe tuʼu ʼi Te Tule Leʼo Fakafalani ʼo te ʼaho 15 ʼo Sanualio 1986, ʼi te pasina 19. Ki te ʼu “Fakaʼiloga ʼo te Vaivai” kehekehe, fakamahino ʼaki te Tohi-Tapu peʼe lava ʼaoga feafeaʼi ki he tahi te ʼu “Tokoni ʼAē Ke Faʼa Kātaki.” Pea fakafehuʼi he ʼu kaugā fai faka mafola e toko lua, ʼe nā fakamatala pe neʼe tokoni feafeaʼi kia nāua te maʼuliʼi ʼo te ʼu puani ʼaia moʼo taupau tanā mālohi fakalaumālie.
Katiko 140 pea mo te faikole fakaʼosi.