Te ʼu Fono Gāue ʼo ʼAukusito
Vāhaʼa ʼe kamata ʼi te 3 ʼAukusito
Katiko 155
10 min: Te ʼu logo ki te kokelekasio. Te ʼu Tonu. Koutou talanoa ki te tānaki gāue ʼo ʼApelili ʼo ʼuhiga mo te fai faka mafola ʼaē neʼe fai ʼi te fenua pea mo tokotou kokelekasio.
15 min: “Tou Faiga Ke Maʼuhiga ʼAupito Te Māhina ʼo ʼAukusito.” ʼO fai ʼaki he ʼu fehuʼi pea mo he ʼu tali. Fakaloto mālohiʼi ia nātou fuli ʼi te fono ke nātou kau ki te minisitelio ʼi ʼAukusito pea mo te ʼu māhina fuli ʼo te taʼu gāue foʼou.
20 min: “Koutou Fakaʼaogaʼi Te ʼu Kaupepa ʼAē ʼe Malave Ki Te ʼAtamai Pea Mo Te Loto ʼo Te Hahaʼi.” Ko he fai palalau mo nātou ʼaē ʼi te fono. Koutou fakamanatu fakanounou te ʼu kaupepa lalahi ʼaē neʼe tā ʼi te ʼu taʼu kua hili moʼo fakahā ki te hahaʼi te ʼu moʼoni faka Tohi-Tapu. Faka maʼuhigaʼi te ʼu kaupepa foʼou, ʼo vakaʼi pe ko te faʼahiga hahaʼi feafeaʼi ʼaē ka nātou fia lau. Koutou fai he ʼu kiʼi faʼifaʼitaki e lua.
Katiko 2 pea mo te faikole fakaʼosi.
Vāhaʼa ʼe kamata ʼi te 10 ʼAukusito
Katiko 28
10 min: Te ʼu logo ki te kokelekasio. Lau ʼo te falā. Talanoa ki te fakatuʼutuʼu ʼaē ke kau te kau fai faka mafola fuli ki te minisitelio ʼi ʼAukusito.
15 min: Te ʼu logo ʼaē ʼe ʼaoga ki te kokelekasio.
20 min: “ ʼU Tūpulaga—Koutou Fakaʼaogaʼi Fakalelei Tokotou Temi Ako.” ʼO fai ʼaki he ʼu fehuʼi pea mo he ʼu tali. Koutou fakaʼaogaʼi mo te ʼu manatu ʼaē ʼe maʼu ʼi te Réveillez-vous! ʼo te ʼaho 8 ʼo ʼApelili 1992, ʼi te pasina 17 ki te 19, pea mo Te Tule Leʼo Fakafalani ʼo te ʼaho 15 ʼo Sūlio 1991, ʼi te pasina 23 ki te 26.
Katiko 106 pea mo te faikole fakaʼosi.
Vāhaʼa ʼe kamata ʼi te 17 ʼAukusito
Katiko 163
10 min: Te ʼu logo ki te kokelekasio. Kole age kia nātou ʼi te fono ke nātou fakahā peʼe lava feafeaʼi hatatou maʼu te higoa pea mo te tuʼasila ʼo he tahi neʼe tou faka mafola ki ai ʼi te ala, ʼi he ʼōloto peʼe ko he tahi age potu, ke feala ai ke tou toe ʼaʼahi ia ia.
35 min: “Ko He Manatu Foʼou ʼo ʼUhiga Mo Te Fai ʼo He ʼu Tisipulo Foʼou.” ʼO fai ʼaki he ʼu fehuʼi pea mo he ʼu tali. Lau te palakalafe 5, mo te 10, pea mo te 11. Vakaʼi peʼe feafeaʼi te tuputupu ʼo te ʼu ako Tohi-Tapu ʼi te kokelekasio. Fakaloto mālohiʼi ia nātou fuli ʼaē ʼe nātou fai he ʼu ako Tohi-Tapu ke nātou toe lau te pepa ʼaē ʼe ʼalutahi mo Te Minisitelio ʼo Te Puleʼaga ʼo Sūnio 1996, ke feala ai hanatou tuputupu ʼi te faiakonaki. Fakaʼaogaʼi te palakalafe 5 mo te 25 ʼi te pepa ʼaia.
Katiko 121 pea mo te faikole fakaʼosi.
Vāhaʼa ʼe kamata ʼi te 24 ʼAukusito
Katiko 213
12 min: Te ʼu logo ʼaē ʼe ʼaoga ki te kokelekasio. Koutou vakaʼi te kiʼi talanoa ko tona kupu tāfito “Ko He Kau Fai Faka Mafola e Toko 1 650!” ʼi Te Minisitelio ʼo Te Puleʼaga ʼo Sūlio 1998. Mai tona ʼuhiga ʼaē ʼe kei toe te vāhaʼa pe e tahi ʼi ʼAukusito, fakaloto mālohiʼi ia nātou fuli ʼo te fono ke nātou kau ki te minisitelio ia muʼa ʼo te fakaʼosi ʼo te māhina. Koutou vakaʼi foki mo te alatike “Ko Te Polokalama Foʼou ʼo Tatatou Fakatahi Makehe ʼAho Tahi.”
18 min: ʼE lava feafeaʼi hakotou haga kātaki ʼi te selevisi pionie. Ko te akonaki ʼe fakatafito ki Te Tule Leʼo ʼo te ʼaho 15 ʼo Sepetepeli 1993, ʼi te pasina 29 ki te 31. Fakafehuʼi he pionie neʼe ina lavaʼi he ʼu fihifihia pea neʼe hoko atu tana selevisi pionie.
15 min: Koutou fakaʼaogaʼi fakalelei Te Minisitelio ʼo Te Puleʼaga. Ko he fai palalau mo nātou ʼaē ʼi te fono. ʼI takotou fakaʼaogaʼi te ʼu Minisitelio ʼo Te Puleʼaga ʼaē neʼe maʼu ʼi te taʼu ʼaenī, koutou fakahā he ʼu alatike ʼaē ʼe ʼaoga ki totatou temi pea mo te ʼu fua lelei ʼaē ʼe tou maʼu ai: (1) ko he ʼu alatike ʼaē ʼe uga ai tatou ke tou kau tuʼumaʼu ki te minisitelio; (2) ko he ʼu fakamatala ʼaē ʼe nātou fakaloto mālohiʼi tatou ʼi tatatou tauhi taputapu; (3) ko he ʼu tokoni ʼaē ʼe ʼaoga lelei kia tatou ke tou fakahā fakalelei te logo lelei; (4) ko he ʼu logo ʼo ʼuhiga mo he ʼu tohi foʼou ʼaē ʼe feala ke tou fakaʼaogaʼi ʼi totatou telituale; (5) ko he ʼu tānaki gāue, ʼaē ʼe fakahā ai te haʼele ki muʼa ʼo te gāue ʼo te Puleʼaga; (6) ko he ʼu Logo Faka Teokalatike, ʼaē ʼe hā ai te tuputupu ʼo te gāue ʼi te malamanei katoa; (7) ko he ʼu logo pea mo he ʼu polokalama ʼaē ʼe fai moʼo fakahā mai kia tatou te ʼu meʼa ʼaē ka hoko mai; (8) ko te ʼu kiʼi talanoa Te Tali Ki ʼAkotou ʼu Fehuʼi ʼaē ʼe fakahā ai he ʼu tali ki he ʼu fihifihia maʼuhiga, pea mo (9) he ʼu pepa ʼaē ʼe ʼalutahi mo Te Minisitelio ʼo Te Puleʼaga ʼaē ʼe talanoa ai ki te ʼu fakatahi lalahi, mo te ʼu gāue faka mafola makehe pea mo ʼihi faʼahi ʼaē ʼe ʼaoga kia tatou ke tou nonofo ʼalaʼala ʼi te faʼahi fakalaumālie. Fakaloto mālohiʼi ia nātou ʼaē ʼe ʼi te fono ke nātou lau te ʼu Minisitelio ʼo Te Puleʼaga fuli, ʼo nātou ʼave mo nātou ki te ʼu fono gāue pea mo te ʼu fono ki te fai faka mafola, pea ke nātou taupau fakalelei ʼi fale moʼo toe fakaʼaogaʼi ki muli age.
Katiko 34 pea mo te faikole fakaʼosi.
Vāhaʼa ʼe kamata ʼi te 31 ʼAukusito
Katiko 65
12 min: Te ʼu logo ʼaē ʼe ʼaoga ki te kokelekasio. Fakamanatuʼi kia nātou ʼaē ʼi te fono ke nātou foaki tanatou kiʼi pepa tānaki gāue ʼo ʼAukusito. Ko te ʼu tēhina takitaki ʼo te ʼu ako tohi ʼo te kokelekasio, ʼe tonu ke nātou vakaʼi te faʼahi ʼaia mo nātou fuli ʼaē ʼo tanatou ako tohi, koteʼuhi ke tānaki te ʼu pepa fuli ʼi muʼa ʼo te ʼaho 6 ʼo Sepetepeli. Vakaʼi te tufa ʼo Sepetepeli. Fai he faʼifaʼitaki nounou ʼo lagaʼi te fehuʼi “He koʼe ʼe tonu ke tou fakaʼaogaʼi te huafa ʼo te ʼAtua?” Tali ki te fehuʼi ʼaia ʼaki te tohi Te ʼAtamai Mālama ʼi te kapite 3, ʼi te palakalafe 6.
15 min: “Te ʼu Tagata Taupau ʼe Ko He ʼu Faʼifaʼitaki—Te Tagata Taupau Pelesita.” Ko te akonaki ʼe fai e te tagata taupau pelesita. ʼI tana ʼosi fakamanatu te ʼu gāue ʼaē ʼe ina fai, ʼe ina fakahā tana loto fakafetaʼi ki te kokelekasio ʼuhi ko tana lagolago ki te kau tagata ʼāfea ʼaē ʼe nātou tokakaga ki te ʼu ōvi.
18 min: Koutou Tokoni Ki Takotou ʼu Tamaliki Ke Nātou Lavaʼi Tanatou ʼu Fihifihia ʼi Te Faleako. Ko te tagata ʼāfea ʼe fai palalau mo te ʼu mātuʼa e toko lua peʼe toko tolu ʼaē ʼe kei ako tanatou ʼu tamaliki. Koutou talanoa fakanounou ki te ʼu fihifihia ʼaē ʼe tau mo te kau tamaliki, ohage ko tona fakahā ʼi te Réveillez-vous! ʼo te ʼaho 8 ʼo ʼAukusito 1994, ʼi te pasina 5 ki te 7. ʼOsi ʼaia, koutou fakaʼaogaʼi te pasina 8 ki te 10, pea mo fai palalau ʼo ʼuhiga mo te meʼa ʼaē ʼe feala ke fai e te ʼu mātuʼa moʼo puipui tanatou fānau pea mo felogoi lelei mo te ʼu faiako.
Katiko 172 pea mo te faikole fakaʼosi.