Ko Te ʼu Fono Gāue ʼo Sepetepeli
FAKATOKAGA: ʼE fakatuʼutuʼu anai e Te Minisitelio ʼo Te Puleʼaga te Fono Gāue ʼo te ʼu vāhaʼa fuli maʼa te māhina ʼaenī. ʼE lagi ʼaoga anai ke fai e te ʼu kokelekasio he ʼu fetogi, ke feala ai hanatou kau ki te Fakatahi “Te Faʼahiga Maʼuli ʼAē ʼe Fakamaʼua Mai e Te ʼAtua,” pea ia minuta e 30 ʼe fai anai he fakamanatu ʼo te ʼu faʼahi maʼuhiga ʼo te polokalama ʼaia ʼi te Fono Gāue ʼo te vāhaʼa ʼaē ʼe hoa kiai. ʼE tonu ke hinoʼi fakatomuʼa he ʼu tēhina kua māhani e toko tolu ke nātou fai te fakamanatu ʼo te ʼu ʼaho ʼo te fakatahi, pea ʼe feala ke nātou faka maʼuhigaʼi te ʼu puani tāfito. ʼE tokoni anai te fakamanatu ʼaia ʼaē neʼe teuteu fakalelei, ke manatuʼi e te kokelekasio te ʼu puani tāfito ke nātou maʼuliʼi pea mo fakaʼaogaʼi ʼi te gāue fai faka mafola. Ko te ʼu tali pea mo te ʼu fakamatala ʼo nātou ʼaē ʼi te fono ʼe tonu ke nounou pea ke ʼalutahi mo te fakamanatu ʼaia.
Vāhaʼa ʼo te ʼaho 7 ʼo Sepetepeli
Katiko 28
10 min: Te ʼu logo ʼo te kokelekasio. Vakaʼi te talanoa ʼaē “Ko He Tokoni.”
15 min: “ ʼE Feala Ke Tou Fai He ʼu Gāue ʼe Lahi Ake.” ʼO fai ʼaki he ʼu fehuʼi pea mo he ʼu tali. Fakaloto mālohi ia nātou fuli ʼaē ʼi te fono ke nātou fai he ʼu fakatuʼutuʼu fakapotopoto ʼo ʼuhiga mo te selevisi ki te taʼu gāue foʼou ʼaenī, pea ke nātou faiga mālohi ke nātou fakahoko te ʼu fakatuʼutuʼu ʼaia.—Vakaʼi te tohi Notre ministère, ʼi te pasina 116 ki te 118.
20 min: “ ʼE Tokoni Te Kau Pionie Ki ʼIhi.” ʼE fakamahino e he tagata ʼāfea, ʼo hilifaki ki te Ako ʼo te Minisitelio Faka Teokalatike, neʼe fai te ʼu fakatuʼutuʼu ke tokoni te kau pionie ki ʼihi ʼi te minisitelio. ʼE ina fai he ʼu fehuʼi ʼe fakatafito ki te alatike pea mo ina fakaafe ia nātou ʼi te fono ke nātou tali, tāfito te kau pionie pea mo te kau fai faka mafola ʼaē neʼe nātou kau ki te polokalama. Koutou fakahā peʼe koteā te ʼu fua lelei ʼaē ʼe kita maʼu ʼaki te polokalama ʼaia. ʼE feala ke fakamatala e te ʼu pionie tanatou fiafia pea mo tanatou fia tokoni ki ʼihi. Ko te kau fai faka mafola ʼaē neʼe fai kia nātou te tokoni ʼaia, ʼe feala ke nātou fakamatala tanatou leleiʼia te tokoni ʼofa ʼaia pea mo fakahā te ʼu puani ʼaē neʼe tokoni kia nātou ke nātou maʼu he fua lelei pea mo he fiafia ʼi te minisitelio.
Katiko 172 pea mo te faikole fakaʼosi.
Vāhaʼa ʼo te ʼaho 14 ʼo Sepetepeli
Katiko 160
10 min: Te ʼu logo ʼo te kokelekasio. Lau ʼo te falā. Fakahā te ʼu fakatuʼutuʼu makehe ki te fai faka mafola ki te ʼaho 24 ʼo Sepetepeli.
15 min: Koteā ʼAē ʼe Fakamaʼua Mai e Te ʼAtua Kia Tatou? Ko te akonaki. ʼE tou kamata ako anai te kaupepa lahi ʼaia ʼi te vāhaʼa ka haʼu ʼi te ako tohi. Fakaloto mālohi te kokelekasio katoa ke nātou teuteu fakatomuʼa pea ke nātou kau ki te ʼu ako tohi fuli, ke nātou ʼiloʼi lelei te kaupepa lahi ʼaia pea ke nātou ʼiloʼi peʼe feafeaʼi te akoʼi ʼo te hahaʼi ʼaki te kaupepa ʼaia. ʼI te kaupepa lahi ʼaia, koutou lau te palakalafe ʼaē ko tona kupu tāfito “E Feafeaʼi Te Fakaʼaogaʼi ʼo Te Kaupepa Lahi ʼAenī?” Fakaʼaogaʼi te alatike ʼo Te Tule Leʼo ʼo te ʼaho 15 ʼo Sanualio 1997, ʼi te ʼu pasina 16 ki te 17, moʼo fakahā ʼe maʼuhiga mokā fai te ako, ke fakaʼaogaʼi te ʼu fehuʼi, mo te ʼu vaega, pea mo te ʼu paki ʼo te kaupepa lahi ʼaia. Ko te kau takitaki ʼo te Ako Tohi ʼe tonu ke nātou tuku he faʼifaʼitaki lelei kia nātou ʼaē ʼe fai tanatou ʼu ako Tohi-Tapu, ʼo mole nātou palalau fau pea ke mole nātou hilifaki he tahi ʼu manatu.—Vakaʼi Te Minisitelio ʼo Te Puleʼaga ʼo Sūnio 1996, ʼi te pasina 3, palakalafe 5.
20 min: Neʼe feafeaʼi tatatou gāue ʼi te Taʼu ʼAenī Kua Hili? ʼE toe vakaʼi e te sikalaipe pea mo te tagata taupau ʼo te gāue te tānaki gāue ʼo te kokelekasio, pea mo te kaugamālie ʼo nātou ʼaē neʼe kau ki te ʼu fono ʼi te taʼu ʼaenī kua hili. ʼE nā fakahā lelei te ʼu faʼahi fakaloto mālohi ʼo te tānaki ʼaia pea mo nā tokagaʼi te ʼu faʼahi ʼaē ʼe tonu ke hikihiki. Neʼe kau fuli koa te kau fai faka mafola ki te gāue lolotoga te māhina ʼo ʼAukusito? Fakahā lelei te ʼu fakatuʼutuʼu ʼaē ʼe tokaga tāfito anai kiai te kau tagata ʼāfea ʼi te ʼu māhina ʼaē ka haʼu, ʼo kau kiai mo te tokoni ki te kau fai faka mafola fuli, ke nātou kau tuʼumaʼu ki te gāue fai faka mafola. Fakahā he ʼu puani lelei ʼo te tānaki fakamuli ʼaē neʼe fai e te tagata taupau faka silikosikilipisio.
Katiko 163 pea mo te faikole fakaʼosi.
Vāhaʼa ʼo te ʼaho 21 ʼo Sepetepeli
Katiko 106
10 min: Te ʼu logo ʼo te kokelekasio. Te ʼu Logo Faka Teokalatike.
15 min: Te ʼu logo ʼe ʼaoga ki te kokelekasio.
20 min: “Koutou Feʼiloʼiʼaki Mo ʼOkotou ʼu Tēhina.” ʼO fai ʼaki he ʼu fehuʼi pea mo he ʼu tali. Fakaʼaogaʼi te ʼu fakamatala ʼaē ʼe tuʼu ʼi Te Tule Leʼo Fakafalani ʼo te ʼaho 1 ʼo ʼOketopeli 1988, ʼi te pasina 10 ki te 11. Fakaloto mālohi te kokelekasio katoa ke nātou feʼiloʼi leleiʼaki.
Katiko 51 pea mo te faikole fakaʼosi.
Vāhaʼa ʼo te ʼaho 28 ʼo Sepetepeli
Katiko 42
12 min: Te ʼu logo ʼo te kokelekasio. Fakamanatuʼi ki te kau fai faka mafola fuli ke nātou foaki tanatou ʼu kiʼi pepa tānaki gāue ʼo Sepetepeli. Fakaloto mālohi ia nātou fuli ke nātou fai he ʼu fakatuʼutuʼu ke lahi age tanatou kau ki te fai faka mafola ʼi te ʼu ʼapi ʼi te māhina ʼo ʼOketopeli, ke tuputupu ai te tufa ʼo te ʼu nusipepa. Vakaʼi Te Minisitelio ʼo Te Puleʼaga ʼo ʼOketopeli 1996 ʼi te pasina 8, heʼe koutou maʼu ai anai he ʼu tokoni moʼo teuteuʼi te fakahā ʼo te ʼu nusipepa. Fai he faʼifaʼitaki ʼo te tufa ʼo te ʼu nusipepa foʼou. Koutou toʼo lahi hakotou ʼu nusipepa maʼa te gāue ʼi te fakaʼosi ʼo te vāhaʼa.
20 min: “Te ʼu Tagata Taupau ʼe Ko He ʼu Faʼifaʼitaki—Te Tagata Taupau Ki Te Gāue.” Ko te akonaki ʼe fai e te tagata taupau ʼo te gāue. ʼI tana ʼosi vakaʼi te ʼu maʼua ʼaē ʼe tonu ke ina fai, ʼe ina fakamahino te ʼu faʼahi tāfito ʼaē ʼe feala ke tokoni kiai te kokelekasio moʼo fakatuputupu te mafola pea mo te fua lelei ʼo te minisitelio ʼi te telituale.
13 min: Koteā ʼAē ʼe Tonu Ke Tou Fai Ke Tou Liliu Ai Ko He Kau Fai Faka Mafola Lelei? Fai palalau mo nātou ʼi te fono. ʼE mole ʼaoga ke lahi tokita poto peʼe ko tokita ʼu fealagia; kae ʼe lelei age ke tou maʼu fuli te aga ʼaē ʼe hā ai te ʼofa, mo te agavaivai, mo te gāue fakamalotoloto, pea mo he loto fakafetaʼi. Fakaafe ia nātou ʼi te fono ke nātou fakahā pe koʼe ʼe lelei: (1) te loto fiafia, (2) mo te kau tuʼumaʼu ki te ʼu fono pea mo te fai ʼo he ʼu tali, (3) mo te tali ʼaki he lotolelei ki te ʼu maʼua pea mo te fakahoko ʼo te ʼu maʼua ʼaia, (4) mo te lagolago ki te kau tagata ʼāfea pea mo te ʼu fakatuʼutuʼu ʼo te kokelekasio, (5) mo te tokaga fakamalotoloto ki te hahaʼi ʼaē ʼe tou tokoni ki ai, (6) pea mo te kau tuʼumaʼu ki te gāue fai faka mafola pea mo foaki tautonu ʼi te māhina fuli te kiʼi pepa tānaki gāue.
Katiko 158 pea mo te faikole fakaʼosi.