Te ʼu Fono Gāue ʼo Sūnio
Vāhaʼa ʼo te ʼaho 7 ʼo Sūnio
Katiko 45
10 min: Te ʼu logo ʼo te kokelekasio. Te ʼu Tonu. Te ʼu Logo Faka Teokalatike.
15 min: “ ʼE Akoʼi Tatou e Sehova.” Koutou faka tuʼakoi takotou ʼu ʼuluaki palalau ke minuta tahi, pea koutou hoko atu ʼaki he ʼu fehuʼi pea mo he ʼu tali. Koutou fakaafe te kokelekasio ke nātou fakamatala te ʼu tapuakina ʼaē neʼe nātou maʼu ʼaki te Ako ʼo Te Minisitelio Faka Teokalatike, Te Ako ʼa Te Kau Pionie, Te Ako ʼo Te Minisitelio ʼo Te Puleʼaga, pea mo te tahi ʼu ako. Koutou fakahā lelei ko te ako ʼaia neʼe nātou tokoni ki te hahaʼi ʼa Sehova ke nātou faiva ʼi te minisitelio.
20 min: “Koutou Fakaʼaogaʼi Fakalelei Tokotou Temi.” Ko he fai palalau ʼa he Takitaki Ako Tohi pea mo he kaugā faka mafola e tahi peʼe lua, pea ʼe nātou fakamatala peʼe nātou vaheʼi feafeaʼi tonatou temi ke feala hanatou kau katoa ki te minisitelio. ʼE nātou fakamahino anai ʼe maʼuhiga ke fai he polokalama lelei, pea ʼe mole puli honatou temi heʼe mole kamata tauhala te faka mafola, ʼe fakatuʼutuʼu lelei tanatou gāue, pea ʼe mole nātou fai palalau loaloaga ʼi te minisitelio. Koutou vakaʼi te ʼu faʼahi ʼaē ʼe ʼaoga ki takotou kokelekasio, ʼo koutou fai he ʼu tokoni ʼaoga ki te fakaʼaogaʼi lelei ʼo tokotou temi.
Katiko 110 pea mo te faikole fakaʼosi.
Vāhaʼa ʼo te ʼaho 14 ʼo Sūnio
Katiko 6
10 min: Te ʼu logo ʼo te kokelekasio. Lau ʼo te falā.
15 min: Ko he akonaki ʼe ʼaoga ki te kokelekasio.
20 min: “ ʼE Feala Koa Hakotou Tokoni Kia Nātou?” Ko he fai palalau ʼa he tagata ʼāfea mo te kokelekasio. Koutou fakaʼaogaʼi te ʼu tokoni ʼo te Réveillez-vous! ʼo te ʼaho 8 ʼo ʼOketopeli 1995, ʼi te pasina 8 mo te 9, moʼo tokoni ki te ʼu faʼe pe ko te ʼu tāmai ʼaē ʼe nātou taupau tokotahi tanatou ʼu fānau. Koutou fakaafe ʼihi ke nātou fakahā tanatou loto fakafetaʼi ki te tokoni ʼofa ʼaē ʼe foaki age e ʼihi ʼo te kokelekasio.
Katiko 53 pea mo te faikole fakaʼosi.
Vāhaʼa ʼo te ʼaho 21 ʼo Sūnio
Katiko 72
8 min: Te ʼu logo ʼo te kokelekasio.
17 min: Koutou Fakaʼaogaʼi Lelei Te ʼu Fime Viteo Pea Mo Te ʼu Fime ʼo Te ʼu Kiʼi Gaoʼi. ʼE feala koa ke fakaʼaogaʼi fakalelei te ʼu fime viteo e 9 pea mo te ʼu fime fakatagi e 7 ʼaē neʼe puke ai te ʼu kiʼi gaoʼi? Ko koutou mo takotou famili, kua koutou sioʼi koa pea mo fakalogo te ʼu foʼi fime fuli ʼaia? Koutou vakaʼi te ʼu kupu tāfito, ʼo koutou fakahā ʼe nātou fakahikihiki tatatou lau te Tohi-Tapu, mo fakaloto mālohiʼi tatou ʼi te faʼahi fakalaumālie, pea koteā te ʼu fakamoʼoni lelei ʼaē ʼe nātou fai ʼo ʼuhiga mo te moʼoni. Koutou fakatagi fakanounou he ʼu palalau ʼo he ʼu fime fakatagi e lua peʼe tolu. Koutou fehuʼi ki te kokelekasio ke nātou fakahā mai pe ko te ʼu fime viteo fea pea mo fime fakatagi fea ʼaē neʼe nātou fakatokagaʼi ʼe lelei moʼo fakaloto mālohiʼi tonatou famili, pea mo uga ia nātou foʼou ke nātou ʼōmai ki tatatou kautahi. Koutou fakamatala he ʼu faʼifaʼitaki neʼe maʼu ai he ʼu fua lelei ʼo ʼuhiga mo te ʼu fime ʼaia. (Vakaʼi te Annuaire 1999, pasina 51-52.) Koutou fakaloto mālohiʼi te kokelekasio ke nātou fakaʼaogaʼi lelei te ʼu fime viteo pea mo te ʼu fime fakatagi.
20 min: “ ʼE Koutou Sio Pe Koa Ki Te Agaaga ʼo Tuʼa?” Ko he akonaki pea mo he fai palalau mo te kokelekasio. Koutou fakahā pe koʼe ʼe mole tonu ke tou fakamāuʼi te hahaʼi ʼaē ʼe tou felāveʼi mo nātou. Koutou vakaʼi fakanounou te tokoniʼi ʼo Sonasi e Sehova, ʼaē neʼe manatu kovi ʼo ʼuhiga mo te hahaʼi ʼaē neʼe fekauʼi ki ai. (Vakaʼi Te Tule Leʼo ʼo te ʼaho 15 ʼo ʼAukusito 1997, ʼi te pasina 22, palakalafe 17 ki te 19.) Koutou fakaafe te kokelekasio ke nātou fakamatalatala te kehekehe ʼo te hahaʼi ʼaē ʼe nātou felāveʼi mo nātou ʼi te telituale, pea ke nātou fakahā peʼe feafeaʼi te taupau ʼo he manatu lelei ʼo ʼuhiga mo te hahaʼi ʼaia, pea ke nātou tuku kia Sehova ke ina sivisivi nātou.
Katiko 77 pea mo te faikole fakaʼosi.
Vāhaʼa ʼo te ʼaho 28 ʼo Sūnio
Katiko 85
12 min: Te ʼu logo ʼo te kokelekasio. Koutou fakamanatuʼi ki te kokelekasio tanatou ʼu kiʼi pepa tānaki gāue ʼo Sūnio. Vakaʼi te tufa ʼo Sūlio. Koutou fakahā te ʼu kaupepa ʼaē ʼe maʼu e takotou kokelekasio, pea koutou fakahā he puani e tahi peʼe lua ʼe feala ke tou fakaʼaogaʼi ʼi tatatou tufa te ʼu kaupepa. Koutou fai mo he faʼifaʼitaki neʼe teuteuʼi lelei.
13 min: He Koʼe ʼe Fakagafua e Sehova Ke Fakatagaʼi Tana Hahaʼi? Ko he akonaki ʼe fai e he tagata ʼāfea, ʼo fakatafito ki te tohi Les Témoins de Jéhovah : Prédicateurs du Royaume de Dieu, pasina 676 mo te 677. Ohage ko tona fakakikite e Sesu, “e fehia anai te tagata fuape” kia tatou. (Mat. 24:9) E lagi fakafeagai mai te hahaʼi kia tatou mokā tou fai faka mafola, peʼe ko tatatou ʼu famili, pe ko te ʼu kaugā gāue peʼe kaugā ako. ʼAki he ʼu fakaloto mālohi, ʼe fakamahino anai e te tēhina pe koʼe ʼe fakagafua e Sehova te ʼu fakataga pea mo te ʼu fakafeagai ʼaia, pea ʼe tapuakina anai tatou mo kapau ʼe tou loto faʼa kātaki.
20 min: Koutou ʼOlo Ki Te ʼu Faʼahi ʼAē ʼe Maʼu Ai Te Hahaʼi! Ko he akonaki ʼe fakatafito ki te Annuaire 1997, ʼi te pasina 42 ki te 48. Logola ʼe tonu ke tou haga fai faka mafola ʼi te ʼu ʼapi, kae ʼe lelei ke tou fakaʼaogaʼi te fagonogono faigamālie—ʼi te temi fuli pe, pea ʼi te potu fuli pe. Koutou fakamatala te ʼu faʼifaʼitaki ʼo te Annuaire moʼo fakahā neʼe lava lelei tona fai e te ʼu tēhina mo tuagaʼane ʼi te kā, ʼi te ala, ʼi te matatai, ʼi te ʼu taulaga motokā, ʼaki te telefoni, pea ʼaki te faitohi. Kapau ʼe maʼu he temi, pea koutou fakaafe ʼihi ke nātou fakamatala hanatou ʼu faʼifaʼitaki. Koutou fakaloto mālohiʼi te kokelekasio ke nātou fakaʼaogaʼi te ʼu faigamālie fuli moʼo faka mafola ʼi te ʼu potu fuli pe ʼaē ʼe maʼu ai te hahaʼi.
Katiko 75 pea mo te faikole fakaʼosi.