Te ʼu Fono Gāue ʼo ʼAukusito
Vāhaʼa ʼo te ʼaho 2 ʼo ʼAukusito
Katiko 39
10 min: Te ʼu logo ʼo te kokelekasio. Te ʼu Tonu. Vakaʼi te tānaki gāue ʼo Maio ʼo ʼuhiga mo te fenua pea mo te kokelekasio. Fakaloto mālohiʼi te kau fai faka mafola fuli ke nātou kau ʼi te minisitelio ʼi ʼAukusito.
17 min: “Tou Fakaʼapaʼapa ʼAupito Ki Te Huafa Taulekaleka ʼa Sehova.” Fai ke minuta tahi te ʼu ʼuluaki palalau, pea hoko atu ʼaki he ʼu fehuʼi pea mo he ʼu tali. Koutou fakaʼaogaʼi te ʼu vaega faka Tohi-Tapu ʼaē ʼe tohi.—Vakaʼi te tohi Mauli O Heegata, ʼi te pasina 184 mo te 185.
18 min: “Te Ako Pea Mo Takotou ʼu Fakatuʼutuʼu Fakalaumālie.” Ko he tāmai pea mo tona foha pe ko tona ʼofafine ʼe nā vakaʼi fakatahi te alatike. ʼE nā vakaʼi mo te alatike ʼo te Réveillez-vous! ʼo te ʼaho 22 ʼo Tesepeli 1995, ʼi te pasina 7 ki te 11.
Katiko 20 pea mo te faikole fakaʼosi.
Vāhaʼa ʼo te ʼaho 9 ʼo ʼAukusito
Katiko 138
8 min: Te ʼu logo ʼo te kokelekasio. Lau ʼo te falā.
12 min: Ko Te Kau Pionie ʼe Nātou Tokoni Ki ʼIhi—Neʼe Koteā Tona ʼu Fua? Ko he akonaki pea mo te ʼu fakafehuʼi ʼe fai e te tēhina taupau ki te gāue. Fakamanatuʼi te ʼu tokoni ʼaē neʼe fai ʼi Te Minisitelio ʼo Te Puleʼaga ʼo Sepetepeli 1998, ʼi te pasina 4. Fakahā te ʼu fakatuʼutuʼu ʼaē neʼe fai ʼi te kokelekasio, ʼo feiā mo te tuputupu ʼa nātou ʼaē neʼe fai ki ai te tokoni ʼaia ʼi te fai faka mafola. Fakafehuʼi te pionie e toko tahi peʼe lua, pea mo ʼihi ʼo te kau fai faka mafola ʼaē neʼe nātou tokoni age kiai. Fakaloto mālohiʼi ia nātou ʼaē ka fai ki ai te tokoni ʼaia ke nātou fakaʼaogaʼi fakalelei te fakatuʼutuʼu ʼaia.
25 min: “ ʼE Feala Koa Ke ʼAu Pionie ʼi Te Temi Nei?” ʼE takitaki e he tagata ʼāfea, pea ʼe fai ʼaki te ʼu fehuʼi pea mo te ʼu tali. Fakahā ʼaki he loto falala, te ʼu fealagia ʼaē ʼe feala ai ke kaugamālie age te kau pionie. Fakafehuʼi he kau pionie ke nātou fakamatala pe neʼe feafeaʼi tanatou lavaʼi tonatou ʼu fihifihia. Vakaʼi mo te alatike “Ko He ʼu Polokalama Ki Te Kau Pionie Katoa,” pea mo fakahā ai, ʼe feala ke kita fai katoa tokita ʼu hola mo kapau ʼe ʼi ai hakita polokalama lelei. Tala ki te kokelekasio, ko ʼaē ʼe fia pionie ʼe feala hana toʼo he kiʼi pepa pionie ʼi te fakaʼosi ʼo te fono.
Katiko 207 pea mo te faikole fakaʼosi.
Vāhaʼa ʼo te ʼaho 16 ʼo ʼAukusito
Katiko 77
10 min: Te ʼu logo ʼo te kokelekasio. ʼE kei toe pe te ʼu fakaʼosi vāhaʼa e lua ʼi te māhina ʼo ʼAukusito, koia fakaloto mālohiʼi te kau fai faka mafola fuli ke nātou kau ʼi te minisitelio ʼi muʼa ʼo te fakaʼosi māhina. Toe vakaʼi te talanoa “Te Polokalama Foʼou ʼo Te Fakatahi Makehe ʼAho Tahi.”
15 min: Ko he akonaki ʼe ʼaoga ki te kokelekasio.
20 min: ʼE Koutou Kau Koa ʼi Te Fai ʼo Ni ʼu Tisipulo? Ko he fai palalau mo te kokelekasio. ʼI te lahi ʼaupito ʼo te ʼu tohi ʼaē ʼe tou tufa, koia ʼe tonu ke tou faiga ke tou kamata he ʼu ako Tohi-Tapu moʼo tokoni ki te hahaʼi ke nātou maʼu he ʼu fua lelei ʼaki te ʼu tohi ʼaē ʼe nātou lau. Koutou fakafehuʼi te kau fai faka mafola ʼo ʼuhiga mo te ʼu fihifihia ʼaē ʼe faigataʼa ai tanatou kamata he ʼu ako Tohi-Tapu: (1) ʼE faigataʼa hakita maʼu he ʼu hahaʼi ʼe fia ako. (2) Ko ʼihi ʼaē ʼe fia logo ʼe nātou ʼui ʼe nātou maʼumaʼua fau, pea ʼe mole maʼu honatou temi ke nātou ako. (3) ʼI te kua ʼosi kamata ʼo te ako, ʼe faigataʼa hakita toe maʼu ʼi tona ʼapi moʼo fai tuʼumaʼu te ako. Talanoa foki ki te ʼu manatu kehekehe ʼa te kau fai faka mafola ʼo ʼuhiga mo te fai ʼo te ʼu ako Tohi-Tapu: (1) ‘ ʼE mole ʼau faʼa poto ʼi te faiako.’ (2) ‘ ʼE mole maʼu hoku temi ke ʼau fai he ako Tohi-Tapu ʼi te vāhaʼa fuli.’ (3) ‘ ʼE ʼau tuʼania heʼe maʼua anai ke ʼau tokaga kia ia ʼaē ʼe ʼau fai tana ako.’ (4) ‘ ʼE feʼauga pe taku kau ʼi te tahi ʼu agaaga ʼo te minisitelio.’ Fai he ʼu tokoni ʼaoga moʼo tauʼi te ʼu manatu ʼaia, ke feala kia nātou fuli ke nātou kau ʼi te fai ʼo ni ʼu tisipulo. Fakafehuʼi he kau fai faka mafola ke nātou fakamatala tonatou fiafia ʼi te fai ʼo te ʼu ako Tohi-Tapu.—Vakaʼi te pepa ʼaē ʼe ʼalutahi mo Te Minisitelio ʼo Te Puleʼaga ʼo ʼApelili 1998 ʼi te palakalafe 3 ki te 8, pea mo te 15.
Katiko 75 pea mo te faikole fakaʼosi.
Vāhaʼa ʼo te ʼaho 23 ʼo ʼAukusito
Katiko 52
10 min: Te ʼu logo ʼo te kokelekasio.
15 min: Tou Tokoni Kia Nātou ʼAē ʼe Foʼofoʼou Mai Ke Nātou Mahino Ki Te ʼUhiga Taputapu ʼo Te Nofo ʼOhoana. Ko te fai palalau mo te kokelekasio ʼe takitaki e te tagata ʼāfea, pea ʼe fakatafito ki te tohi Comment raisonner ʼi te pasina 224 mo te 225. ʼE tou felāveʼi mo he ʼu tagata mo he ʼu fafine ʼe nātou tali te logo ʼo te Puleʼaga, kae ʼe tuai tanatou tuputupu ʼi te faʼahi fakalaumālie heʼe nātou nofo fakatahi ka mole heʼeki nātou ʼohoana ʼo mulimuli ki te lao. Fakahā peʼe tou lava tokoni feafeaʼi kia nātou ke nātou mahino pe koʼe ʼe fakaʼapaʼapaʼia te nofo ʼohoana e te kau Kilisitiano. (Vakaʼi te Réveillez-vous! ʼo te ʼaho 8 ʼo Sanualio 1992, ʼi te pasina 26 mo te 27.) Fakahā he ʼu palalau fakapotopoto ʼe feala ke tou fai ki te ʼu tagata mo te ʼu fafine ʼaia moʼo fakamahino kia nātou pe koʼe ʼe mole feala hanatou kau moʼoni ki te kokelekasio mo kapau ʼe mole heʼeki nātou ʼohoana ʼo mulimuli ki te lao.
20 min: “Ko He ʼu Tohi Foʼou ʼe Maʼuhiga Ki Te Minisitelio.” Ko he fai palalau ʼe takitaki e he tagata ʼāfea. Fakahā te ʼu agaaga ʼo te ʼu kaupepa foʼou.
Katiko 6 pea mo te faikole fakaʼosi.
Vāhaʼa ʼo te ʼaho 30 ʼo ʼAukusito
Katiko 146
10 min: Te ʼu logo ʼo te kokelekasio. Fakamanatuʼi ki te kokelekasio ke nātou foaki tonatou ʼu kiʼi pepa tānaki gāue ʼo ʼAukusito. Ko te ʼu tēhina takitaki ʼo te ʼu ako tohi, ʼe tonu ke nātou vakaʼi mo nātou ʼo te ako tohi ke nātou foaki tanatou pepa gāue ʼi muʼa ʼo te ʼaho 6 ʼo Sepetepeli.
17 min: ʼE Tou ʼOfa Ki ʼOtatou Tēhina. Ko te akonaki ʼe fai e te tagata ʼāfea, pea ʼe fai palalau mo te kokelekasio ki Te Tule Leʼo ʼo te ʼaho 1 ʼo Tesepeli 1995, ʼi te pasina 15 ki te 17, ʼi te palakalafe 7 ki te 11. Talanoa ki te ʼu fua lelei ʼaē ʼe tou maʼu mokā tou faiga ke tou feʼiloʼi lelei ʼaki mo totatou ʼu tēhina, mo fefakaloto mālohi ʼaki, pea mo felagolagoʼaki ke tou tauʼi te ʼu fihifihia. Fakahā peʼe lava feafeaʼi hatatou tuputupu ʼi te faʼahi ʼaia. Fakaafe ʼihi ʼi te fono ke nātou fakamatala te fiafia pea mo te ʼu fakaloto mālohi ʼaē neʼe foaki age e te ʼu tēhina mo tuagaʼane.
18 min: Koutou Fakahā Te Tupuʼaga ʼo Takotou ʼAmanaki. Ko te tagata ʼāfea ʼe fai palalau mo he tūpulaga e tahi peʼe lua ʼe kei ako. ʼE tau fehuʼi age e te kau tūpulaga ʼo te faleako pe koʼe ʼe mole nātou kau ʼi te ʼu fakatuʼutuʼu ʼaē ʼe nātou fai. Ko te ʼu tūpulaga Kilisitiano ʼe nātou fakaʼaogaʼi te ʼu faigamālie ʼaia moʼo fakamahino tanatou tui ʼaē ʼe fakatafito ki te Tohi-Tapu, kae ʼe tonu ke nātou mālolohi ke feala hanatou nofo tokaga. ʼE nātou vakaʼi te tali ʼaē ʼe feala ke nātou fai mo kapau ʼe fakaneke nātou ke nātou suluka peʼe toʼo te toloke. Toe vakaʼi te manatu ʼaē ʼe fakahā ʼi te tohi Les jeunes sʼinterrogent ʼi te pasina 277 ki te 281. Fakamahino pe koʼe ʼe puipui anai nātou mo kapau ʼe nātou fakahā tanatou tui, pea ʼe ko he fagonogono lelei ʼaia.
Katiko 129 pea mo te faikole fakaʼosi.