Polokalama ʼo Te Fono Gāue
Vāhaʼa ʼo te ʼaho 14 ʼo Fepualio
Katiko 113
10 min: Te ʼu logo ʼo te kokelekasio. Te ʼu Tonu.
15 min: “Faka Mafola Te Folafola . . . ʼAki Te Lotomālohi.” Faka tuʼakoi te ʼu ʼuluaki palalau ke minuta tahi, pea hoko atu ʼaki he ʼu fehuʼi pea mo he ʼu tali. Talanoa ki te ʼu manatu ʼaē ʼe tuʼu ʼi te tohi Notre ministère ʼi te pasina 168 pea mo te 169. Koutou foaki he ʼu tokoni ʼaoga moʼo fakatuputupu te gāue fai faka mafola ʼi te fakaʼosi ʼo te temi mālōlō.
20 min: “Koutou Poto ʼi Te Palalau Mo Te Hahaʼi.” Ko he fai palalau pea mo he faʼifaʼitaki. Fakamahino pe koʼe ʼe maʼuhiga ʼaupito ke tou poto ʼi te palalau mo te hahaʼi ʼi te minisitelio, pea e feafeaʼi hatatou maʼu te poto ʼaia. ʼE fai palalau he ʼu kaugā fai faka mafola faiva e toko lua peʼe nā teuteuʼi feafeaʼi tanā minisitelio, ʼo nā mulimuli ki te faʼahiga fai ʼaē ʼe tuʼu ʼi te palakalafe 3 ʼo te alatike pea nā fai he faʼifaʼitaki.
Katiko 78 pea mo te faikole fakaʼosi.
Vāhaʼa ʼo te ʼaho 21 ʼo Fepualio
Katiko 17
10 min: Te ʼu logo ʼo te kokelekasio. Lau te falā.
15 min: “Te ʼu Fafine ʼAē ʼe Gāue Kinakina ʼi Te ʼAliki.” Faka tuʼakoi te ʼu ʼuluaki palalau ke minuta tahi, pea hoko atu ʼaki he ʼu fehuʼi pea mo he ʼu tali. Talanoa ki te ʼu manatu ʼo Te Tule Leʼo ʼo te ʼaho 15 ʼo Sepetepeli 1996, ʼi te pasina 14 ki te 15, ʼi te palakalafe 18 ki te 19. Fakamālo lahi ki te ʼu tuagaʼane ki te lagolago lelei ʼaē ʼe nātou fai, mo te ʼu gāue lelei ʼaē ʼe nātou fai ki ʼihi, pea mo tanatou fai faka mafola fakamalotoloto.
20 min: “Koteā ʼAē ʼe Lava Tokoni Mai Ke Tou Mālohi ʼi Te Tui?” Ko te akonaki ʼe fai e te tagata ʼāfea. ʼE tou maʼuʼuli ʼi te ʼu temi faigataʼa, pea ʼe ʼaoga kia tatou fuli he tokoni ʼi he ʼu ʼaluʼaga kehekehe. Toe vakaʼi te ʼu meʼa ʼaē ʼe feala ke fai e te ʼu tagata ʼāfea pea mo te ʼu tagata faifekau faka minisitelio moʼo fakaloto mālohiʼi nātou ʼaē ʼe nātou tau mo ni ʼu fihifihia fakaloto vaivai. (Vakaʼi Te Tule Leʼo Fakafalani ʼo te ʼaho 15 ʼo Sepetepeli 1993 ʼi te pasina 22 ki te 23, ʼi te kupu tāfito “Ko He ʼu Tagata Tauhi Ōvi ʼe Nātou Fakaloto Mālohi”.) Fakamahino peʼe feafeaʼi hatatou fefakaloto mālohiʼaki ke tou mālohi ai ʼi te faʼahi fakalaumālie.—Loma 1:11, 12.
Katiko 31 pea mo te faikole fakaʼosi.
Vāhaʼa ʼo te ʼaho 28 ʼo Fepualio
Katiko 46
10 min: Te ʼu logo ʼo te kokelekasio. Fakamanatuʼi ki te kokelekasio ke nātou ʼaumai te ʼu kiʼi pepa tānaki gāue ʼo Fepualio. Vakaʼi fakanounou “Te ʼu Puani e Fā” moʼo kamata he ʼu fai palalau ʼaki te ʼu kiʼi pepa lotu, ʼaē neʼe fakahā lelei ʼi te pasina 4 ʼo Te Minisitelio ʼo Te Puleʼaga ʼo te māhina kua hili. Fakahā peʼe feafeaʼi te fakaʼaogaʼi ʼo te kiʼi pepa lotu Ko Ai Koa Te ʼu Pule ʼo Te Malamanei? moʼo fakahā te tohi Te ʼAtamai Mālama. Koutou lau te kupu tāfito, pea ʼi takotou ʼosi lau te ʼuluaki palakalafe ʼo te pasina 3, koutou fehuʼi age peʼe ʼi ai koa he ʼamanaki ki te ka haʼu. Kapau ʼe koutou sio ʼe fia logo, koutou avahi te tohi Te ʼAtamai Mālama ʼi te pasina 90, koutou lau te palakalafe 3, pea mo koutou fakaafe ke fai hana ako. ʼI te māhina ʼaenī, ʼe tonu ke tou faiga tāfito ke tou kamata fuli he ʼu ako Tohi-Tapu foʼou.
5 min: Te Tali Ki ʼAkotou ʼu Fehuʼi. Ko te akonaki ʼe fai e he tagata ʼāfea.
12 min: Tou Fakafetaʼi Ki Te Gāue ʼAē ʼe Fai e Te ʼu Komite Laga Fale Fakakolo. Ko he akonaki ʼe fai e te tagata ʼāfea, ʼe fakatafito ki te pepa ʼaē ʼe ʼalutahi mo Te Minisitelio ʼo Te Puleʼaga ʼo ʼAukusito 1995. Neʼe tokoni te ʼu Komite Laga Fale ke laga, mo toe fakafoʼou, pea mo taupau lelei te ʼu Fale ʼo te Puleʼaga e lauʼi afe. ʼE kei lahi te gāue ʼe tonu ke fai. Vakaʼi te gāue ʼo te komite fakakolo, pea mo fakaloto mālohiʼi te kokelekasio ki te laga ʼo te ʼu Fale ʼo te Puleʼaga. Fakamahino pe ko ai ʼaē ʼe feala ke kau ki te kau gāue ʼaia, pea fakaloto mālohi ke tokolahi age te kau gāue. Fakafehuʼi ʼihi neʼe kau ki te laga ʼo te Fale ʼo te Puleʼaga, ke nātou talanoa ki te ʼu fiafia ʼaē neʼe nātou maʼu ʼi te gāue ʼaia.—Vakaʼi Te Tule Leʼo ʼo te ʼaho 1 ʼo Sūnio 1999, ʼi te pasina 18 ki te 19, ʼi te palakalafe 15 ki te 16.
18 min: “Tou Tui Mālohi Mokā Tou Faka Mafola Te Logo Lelei.” Kamata ʼaki he ʼu ʼuluaki palalau fakaloto māfana ia minuta e lua peʼe tolu, mo fakatafito ki te alatike pea mo lau te ʼu vaega faka Tohi-Tapu ʼaē ʼe tuʼu ʼi te palakalafe 1 pea mo te 2. Pea vakaʼi te palakalafe 3 ki te 12 ʼaki he ʼu fehuʼi pea mo he ʼu tali.
Katiko 49 pea mo te faikole fakaʼosi.
Vāhaʼa ʼo te ʼaho 6 ʼo Malesio
Katiko 18
5 min: Te ʼu logo ʼo te kokelekasio
10 min: Ko he akonaki ʼe ʼaoga ki te kokelekasio.
10 min: “Koutou Tokaga Ki Takotou Fakalogo.” Ko he fai palalau ʼa he pule famili mo tona ʼohoana pea mo tana fānau, ki te meʼa ʼaē ʼe feala ke nātou fai ke toe ʼaoga lahi age kia nātou te ʼu fono pea mo te ʼu fakatahi lalahi. ʼE fakahā e te tāmai tana manatu ʼaē ʼe tonu ke hikihiki e tana famili tanatou fakalogo lelei ki te ʼu akonaki. ʼE nātou vakaʼi te ʼu manatu ʼaē ʼe tohi ʼi te lisi, pea mo vakaʼi peʼe feafeaʼi hanatou maʼuliʼi, pea mo te ʼaoga ʼaē ke lahi tanatou ʼu fai palalau ki te ʼu meʼa ʼaē neʼe nātou ako. ʼE nātou vakaʼi peʼe feafeaʼi hanatou maʼuliʼi te maʼua ʼaē ke mole nātou tō ʼi he fono pea mo te ʼu fakatahi, mo kapau ʼe feala.
20 min: “Tou Tui Mālohi Mokā Tou Faka Mafola Te Logo Lelei.” ʼI te ʼosi fakamanatuʼi fakanounou te ʼu puani ʼo te vāhaʼa kua ʼosi, ʼi te ʼu ʼuluaki palakalafe e 12, fai he ʼu fehuʼi pea mo he ʼu tali ʼo ʼuhiga mo te palakalafe 13 ki te 24. Fakaʼaogaʼi fakalelei te ʼu vaega ʼaē ʼe tuʼu ai.
Katiko 62 pea mo te faikole fakaʼosi.