Polokalama ʼo Te Fono Gāue
Vāhaʼa ʼo te ʼaho 13 ʼo Malesio
Katiko 201
10 min: Te ʼu logo ʼo te kokelekasio. Te ʼu Tonu.
15 min: “ ʼE Tou Faka Mafola Te Logo Lelei.” Faka tuʼakoi takotou ʼu ʼuluaki palalau ke minuta tahi, pea hoko atu ʼaki he ʼu fehuʼi pea mo he ʼu tali. Fai he ʼu faʼifaʼitaki ʼo he ʼu puani faka Tohi-Tapu lelei, ʼe tou lava toʼo mai te tohi Te ʼAtamai Mālama mokā tou tufa ʼi te minisitelio.
20 min: “Koteā ʼAē ʼe Feala Ke Tou Fai Ke Lelei ʼAupito Te Māhina ʼo ʼApelili 2000?” (Palakalafe 1 ki te 11) ʼE fai ʼaki he ʼu fehuʼi pea mo he ʼu tali. Tala te tupu foʼou ʼa te kau pionie vaeluaʼi temi neʼe maʼu e te kokelekasio mole heʼeki faʼa fualoa kiai. Fakafehuʼi ʼihi neʼe kau ki te kau pionie ʼaia, ke nātou fakamatala mai te ʼu fua lelei ʼaē neʼe nātou maʼu ʼi tanatou fakatuputupu tanatou kau ki te minisitelio. Fakaloto mālohiʼi te kokelekasio ke nātou maʼu he tupu foʼou ʼi te kau pionie vaeluaʼi temi lolotoga te māhina ʼo ʼApelili. Toe vakaʼi te ʼu meʼa ʼaē ʼe fakamaʼua kia nātou ʼaē ʼe fia pionie vaeluaʼi temi, ʼi te tohi Notre ministère, ʼi te pasina 113 ki te 114. Te ʼu kaugā fai faka mafola ʼaē ʼe fia pionie vaeluaʼi temi, ʼe feala hanatou tohi te kiʼi pepa ke nātou pionie ʼi te ʼosi fono.
Katiko 146 pea mo te faikole fakaʼosi.
Vāhaʼa ʼo te ʼaho 20 ʼo Malesio
Katiko 21
10 min: Te ʼu logo ʼo te kokelekasio. Lau ʼo te falā.
15 min: “Koteā ʼAē ʼe Feala Ke ʼAu Fai?” Ko he tēhina takitaki ʼo he ako tohi ʼe fai palalau mo he tagata faifekau faka minisitelio e tahi peʼe lua. ʼUhi ko tanatou ʼu tuʼakoi kehekehe, ko ʼihi kaugā faka mafola ʼe nātou manatu ʼe mole feala ke nātou tokoni lahi ki te ʼu gāue ʼo te kokelekasio. Vakaʼi te ʼu faigamālie ʼaē ʼe feala ke tou tokoni fuli ai moʼo fakaloto mālohiʼi te kokelekasio pea mo fakahaʼele ki muʼa te gāue ʼo te Puleʼaga. Moʼo fakaʼosi koutou fakahā peʼe lava feafeaʼi kia tatou takitokotahi ke “Tou Kau Ki Te Tānaki Gāue Fakaʼosi”—Vakaʼi te tohi Notre ministère, pasina 109 ki te pasina 110.
20 min: “Koteā ʼAē ʼe Feala Ke Tou Fai Ke Lelei ʼAupito Te Māhina ʼo ʼApelili 2000?” (Palakalafe 12 ki te 18) ʼE fai ʼaki he ʼu fehuʼi pea mo he ʼu tali. Fai he faʼifaʼitaki nounou ʼe fakahā ai peʼe feafeaʼi hakita fakaafe he tahi ʼe tou ʼiloʼi lelei ke haʼu ki te ʼAho Fakamanatu. Vakaʼi te māhina ʼo ʼApelili ʼi te Kaletalio ʼo te taʼu 2000, pea fakahā te ʼu fono fai faka mafola ʼaē neʼe fakatuʼutuʼu ki totatou kokelekasio. Fakamanatuʼi kia nātou takitokotahi ke nātou fai honatou polokalama lelei ke lahi tanatou gāue ʼi te minisitelio lolotoga te māhina, pea ʼe tou faigaʼi anai ke kau te kokelekasio fuli ki te gāue. Fakaloto mālohi ia nātou fuli ʼaē ʼe feala tanatou toʼo te selevisi pionie vaeluaʼi temi, ke nātou toʼo ʼi te ʼosi fono he kiʼi pepa ke nātou pionie.
Katiko 65 pea mo te faikole fakaʼosi.
Vāhaʼa ʼo te ʼaho 27 ʼo Malesio
Katiko 181
10 min: Te ʼu logo ʼo te kokelekasio. Fakamanatuʼi ki te kau fai faka mafola ke nātou ʼaumai tanatou kiʼi pepa tānaki gāue ʼo Malesio. Tala te ʼu higoa ʼo nātou ʼaē ka pionie vaeluaʼi temi ʼi te māhina ʼo ʼApelili. Fakahā ki te kokelekasio, ʼe kei feala hanatou tohi te kiʼi pepa pionie. Fakahā te polokalama ʼaē neʼe fai ʼo ʼuhiga mo te ʼu fono fai faka mafola ʼi ʼApelili. Fakaloto mālohiʼi te kokelekasio ke nātou fai faka mafola ʼi te fakaʼosi vāhaʼa ʼaenī, moʼo kamata lelei te māhina ʼo ʼApelili. Ko te faʼahi ʼaia ʼe tokoni anai ki te ʼu pionie vaeluaʼi temi ke nātou fakahoko tanatou ʼu fakatuʼutuʼu fakalaumālie. ʼE tou tufa anai Te Tule Leʼo pea mo te Réveillez-vous ! lolotoga te māhina ʼaia. Teuteuʼi he alatike e tahi ʼe feala hakotou fakaʼaogaʼi moʼo fakahā takotou ʼu nusipepa. ʼE tonu ke maʼu e te kau fai faka mafola fuli he ʼu kaupepa Fakamaʼua pea mo nātou faiga ke nātou kamata ʼaki he ʼu ako Tohi-Tapu mo te hahaʼi ʼaē ʼe fia logo.
13 min: “Koutou Kole Tokoni.” ʼE fai e he tagata ʼāfea te akonaki pea mo fai palalau mo nātou ʼo te fono. Fakamahino ʼe ʼaoga kia tatou fuli ʼi ʼihi temi, ke foaki mai he faʼahiga tokoni. ʼE mahino papau ia, ʼe tonu ke tou tahi ʼamo tona kavega. (Kal. 6:5) Kae kapau ʼe mole tou lavaʼi, pea ʼaua naʼa tou tuʼania te kole tokoni ki he tahi ʼi te kokelekasio kua fakapotopoto ʼi te faʼahi fakalaumālie. Fakaafe ʼihi ʼi te fono ke nātou fakamatala he ʼu faʼifaʼitaki ʼo ʼuhiga mo te tokoni ʼaē neʼe fai age e ʼihi pea neʼe tupu ai tanatou lotomālohi.
10 min: Ko he akonaki ʼe ʼaoga ki te kokelekasio.
12 min: “Ko Filipo—Te Evaselisita Fakamalotoloto.” Ko te akonaki ʼe fakatafito ki Te Tule Leʼo ʼo te ʼaho 15 ʼo Sūlio 1999, ʼi te pasina 24 ki te 25. Fakaloto mālohiʼi te kokelekasio katoa ke nātou maʼu te taʼi manatu ʼaia lolotoga te māhina ʼo ʼApelili.
Katiko 16 pea mo te faikole fakaʼosi.
Vāhaʼa ʼo te ʼaho 3 ʼo ʼApelili
Katiko 72
10 min: Te ʼu logo ʼo te kokelekasio pea mo fakamatala he ʼu meʼa neʼe hoko ʼi te fai faka mafola. Filifili he ʼu meʼa neʼe hoko ʼi te fai faka mafola ʼi tatatou telituale ʼe ina fakaloto mālohiʼi anai ʼihi ke nātou kau kiai.
17 min: “Tou Laga Totatou Famili.” ʼO fai ʼaki he ʼu fehuʼi pea mo he ʼu tali. Fakamahino fakanounou te ʼu fua lelei ʼaē ʼe tou maʼu ʼi te ako ʼo te tohi Te Kalavi ʼo Te Manuʼia Faka Famili. Fakaloto mālohiʼi te kokelekasio ke nātou kau tuʼumaʼu ki te Ako Tohi ʼo te Kokelekasio.
18 min: ʼE Tonu Koa Ke ʼAu Tala He Agahala Mamafa? Ko te akonaki maʼuhiga ʼe fai e he tagata ʼāfea maʼa te kau tūpulaga. ʼE lahi te ʼu fihifihia ʼi te mālama ʼaenī ʼe fakatupu kovi ki te kau tūpulaga: ʼe mole kei fai te ʼu aga ʼaē ʼe tonu ke fai, ʼe tuputupu te agamālohi, ʼe fakaʼaogaʼi te toloke, pea kua meʼa noaʼi te hahaʼi takitaki. Ko ʼihi tūpulaga ʼe maʼuli fakakākā, ʼe nātou fufū tonatou ʼu agahala. Ko te faʼahi ʼaia ʼe fakatupu tuʼutāmaki moʼoni ki te maʼuli fakalaumālie ʼa te kokelekasio katoa. Ko ʼihi ʼe nātou agahala mamafa pea ʼe nātou fufū. Koteā ʼaē ʼe tonu ke koutou fai kapau ʼe koutou ʼiloʼi ko he tēhina pe ko he tuagaʼane ʼi te kokelekasio neʼe ina fai he meʼa ʼe fakafeagai ʼaupito ki te ʼu lao ʼa te ʼAtua? Vakaʼi te pelesepeto ʼaē ʼe tuʼu ia Levitike 5:1. (Vakaʼi Te Tule Leʼo ʼo te ʼaho 15 ʼo ʼAukusito 1997 ʼi te pasina 27 ki te pasina 30) Fakaʼaogaʼi te tohi Les jeunes sʼinterrogent, ʼi te pasina 68 ki te pasina 69, pea fakamahino pe koteā ʼaē ʼe tonu fai e he tūpulaga ʼi te faʼahi ʼaia.
Katiko 68 pea mo te faikole fakaʼosi.