Polokalama ʼo Te Fono Gāue
Vāhaʼa ʼo te ʼaho 13 ʼo Novepeli
Katiko 4
10 min: Te ʼu logo ʼo te kokelekasio. Te ʼu Tonu.
13 min: Te Tali Ki ʼAkotou ʼu Fehuʼi. Ko he akonaki ʼe fai e te tagata ʼāfea.
22 min: “Tou Taupau Te Fia Logo ʼAē Neʼe Tupu ʼAki Te ʼu Logo ʼo Te Puleʼaga N° 36.” Ko he fai palalau ʼe fai ʼaki he ʼu fehuʼi pea mo he ʼu tali ʼo te ʼu palakalafe 1 ki te 5. Fakahā te ʼu fakatuʼutuʼu ʼo te kokelekasio ke gāueʼi katoa te ʼu telituale ʼaē ʼe mole heʼeki fai. Toe vakaʼi te ʼu faʼifaʼitaki ʼi te palakalafe 7-8 ʼo ʼuhiga mo te fai ʼo te ʼu ʼaʼahi, pea fai he faʼifaʼitaki ʼo te ʼu palakalafe takitahi. Fakahā te maʼuhiga ʼaē ke ʼaʼahi te hahaʼi ʼaē neʼe nātou fia logo pea mo faiga ke kamata he ʼu ako Tohi-Tapu. Fakaʼosi ʼaki he fai palalau ki te palakalafe 9 pea mo te ʼu vaega.
Katiko 6 pea mo te faikole fakaʼosi.
Vāhaʼa ʼo te ʼaho 20 ʼo Novepeli
Katiko 108
10 min: Te ʼu logo ʼo te kokelekasio. Lau ʼo te falā.
15 min: Te ʼu Meʼa ʼAē Neʼe Hoko ʼi Te Tufa ʼo Te ʼu Logo ʼo Te Puleʼaga N° 36. Fakamatala te ʼu fua lelei ʼaē neʼe maʼu ʼi te telituale. Neʼe ʼi ai koa he tahi ʼi te kokelekasio neʼe ko tana hoki kau ʼaē ki te fai faka mafola? Fakahā te ʼu palalau lelei neʼe fai e te hahaʼi ʼo ʼuhiga mo te pepa lotu ʼaia. Neʼe feala koa ke kamata he ʼu ako Tohi-Tapu e he ʼu kaugā fagona? Kapau koia, pea ke nātou fakamahino pe neʼe nātou kamata feafeaʼi te ako ʼaia. Fakamanatuʼi ki te kokelekasio ke taupau te fia logo ʼa te hahaʼi.
20 min: “Tou Haga Fai Faka Mafola!” Ko he fai akonaki pea mo he fakafehuʼi ʼo ʼihi ʼi te kokelekasio. Ko ʼihi neʼe nātou fakatahi ki te kautahi ʼa Sehova pea mo nātou haga fai faka mafola ʼi tonatou maʼuli katoa. ʼAki he manatu lelei, neʼe nātou fiafia ʼi tanatou fai ia te faʼahi ʼaia. (Vakaʼi te tohi Te ʼAtamai Mālama, pasina 179, palakalafe 20, pea mo Te Tule Leʼo ʼo te ʼaho 1 ʼo Maio 1992, pasina 21-22, palakalafe 14-15.) Fakaafe he kaugā fai faka mafola ʼe faʼafai ʼi te gāue talu mai fualoa, ke ina fakamatala pe koʼe neʼe faʼa kātaki ʼi te fai faka mafola.
Katiko 146 pea mo te faikole fakaʼosi.
Vāhaʼa ʼo te ʼaho 27 ʼo Novepeli
Katiko 135
10 min: Te ʼu logo ʼo te kokelekasio. Fakamanatuʼi ki te kau fai faka mafola ke nātou foaki tanatou ʼu pepa tānaki gāue ʼo Novepeli. Ko te tufa ʼo Tesepeli ʼe ko te tohi Te ʼAtamai Mālama pea mo te Traduction du monde nouveau, pea kapau ʼe fakafisi, ʼe feala ke tuku age Te tagata ʼaē ʼe lahi tokotahi. Fakamahino pe koteā te gāue maʼuhiga ʼaē neʼe fai e te kau Fakamoʼoni ʼa Sehova moʼo tā te ʼu Tohi-Tapu ʼi te ʼu lea kehekehe.—Vakaʼi Te Tule Leʼo ʼo te ʼaho 15 ʼo ʼOketopeli 1997, pasina 11-12.
20 min: Koutou Fakaʼaogaʼi Lelei Te Kaupepa Te ʼu Tokoni Ki Te ʼu Fai Palalau Faka Tohi-Tapu. Fakahā peʼe lava tokoni feafeaʼi te kaupepa ʼaia kia tatou ke tou teuteu lelei ki te minisitelio. Fai palalau mo nātou ʼo te fono ki te ʼuluaki palakalafe ʼi te pasina 4. Fakamahino peʼe fakaʼaogaʼi feafeaʼi te kaupepa ki te fagonogono faigamālie. Fai he faʼifaʼitaki moʼo fakahā te ʼu manatu ʼaē ʼe tou lava maʼu ʼi te kaupepa ʼaia moʼo tali ki he fehuʼi. Fakaloto mālohi te kokelekasio ke nātou ʼiloʼi lelei te kaupepa ʼaia, ke nātou ʼave ʼi tanatou kato fai faka mafola, pea mo fakaʼaogaʼi tuʼumaʼu.
15 min: ʼE ʼAu Lava Lolomi Feafeaʼi Taku Agamāhani ʼAē Ko Te Sioʼi ʼo Te Televisio? Ko te fai palalau ʼa he tagata ʼāfea mo he tūpulaga, ʼe lahi te ʼu hola ʼaē ʼe ina fakaʼaogaʼi ʼi te ʼaho fuli moʼo sioʼi te televisio? ʼI te kamata, ʼe manatu te tēhina tūpulaga ʼe mole kovi te faʼahi ʼaia. ʼE ina ʼui ʼe ko he temi mālōlō pe ia pea ʼe mole fua kovi kia ia. ʼE toe vakaʼi e te tagata ʼāfea te ʼu manatu tāfito ʼi te kapite 36 ʼo te tohi Les jeunes sʼinterrogent. ʼE ina fakamahino ko te lahi fau ʼo te sioʼi ʼo te televisio ʼe ina pulihi te temi maʼuhiga ʼe feala ai ke ina fakaʼaogaʼi moʼo fai tana ako takitokotahi, tana fai faka mafola peʼe ko tana tokoni ki te ʼu gāue ʼo te kokelekasio. ʼE fakamālo te tēhina tūpulaga ki te tokoni ʼaia, pea mo ina ʼui ke fua lelei kia ia, ʼe ina fetogi anai tana agamāhani ʼaē ko te sioʼi ʼo te televisio.
Katiko 175 pea mo te faikole fakaʼosi.
Vāhaʼa ʼo te ʼaho 4 ʼo Tesepeli
Katiko 166
10 min: Te ʼu logo ʼo te kokelekasio. “E Feafeaʼi Hakotou Tali Ki Te Masini Tali Telefoni?”
15 min: Ko he akonaki ʼe ʼaoga ki te kokelekasio.
20 min: “He Palalau ʼe Fai ʼi Te Temi Totonu.” Ko he fai palalau mo nātou ʼo te fono pea mo fai he ʼu faʼifaʼitaki. Tokolahi ʼe nātou manatu ʼe mole nātou lava kamata he ʼu fai palalau, heʼe nātou manatu ʼe tonu ke nātou popoto ʼi te palalau ke lava maʼu ai he ʼu fua. Fakamahino peʼe lava feafeaʼi kia tatou fuli, ʼo kau kiai mo te ʼu kaugā fagona foʼou pea mo te kau tūpulaga, ke tou lagaʼi he ʼu fai palalau mo kapau ʼe tou faiga ki te faʼahi ʼaia. Toe vakaʼi te ʼu faʼifaʼitaki ʼo te alatike, pea koutou fakahā lelei te faigafua ʼo te ʼu palalau ʼaia, pea ke fai he faʼifaʼitaki e he ʼu kaugā fagona e tahi peʼe lua. Vakaʼi Te Minisitelio ʼo Te Puleʼaga ʼo Malesio 1998, pasina 8, ʼe maʼu ai te tahi ʼu palalau ʼe feala ke tou fakaʼaogaʼi. Fakaloto mālohi ia nātou fuli ke nātou maʼu he ʼu manatu lelei, ke toe lahi age tanatou fiafia ʼi tanatou minisitelio.
Katiko 222 pea mo te faikole fakaʼosi.