Polokalama ʼo Te Fono Gāue

Vāhaʼa ʼo te ʼaho 11 ʼo Tesepeli

Katiko 50

10 min: Te ʼu logo ʼo te kokelekasio. Te ʼu Tonu. Kapau ʼe kei toe ʼi te kokelekasio he ʼu tohi ʼo Te tagata ʼaē ʼe lahi tokotahi peʼe ko te Recueil d’histoires bibliques, pea koutou fakahā peʼe lava feafeaʼi honatou fakaʼaogaʼi lelei ʼi te minisitelio ʼi te ʼu temi mālōlō. Fakaloto mālohiʼi te kokelekasio ke nātou sioʼi fuli te foʼi fime viteo La Bible : un récit historique exact, des prophéties dignes de foi moʼo teuteuʼi te fai palalau ʼaē ka fai ʼi te Fono Gāue ʼo te vāhaʼa ʼo te ʼaho 25 ʼo Tesepeli. Ko nātou ʼaē ʼe nātou maʼu te foʼi fime viteo ʼaia ʼe feala ke nātou foaki muʼa kia nātou ʼaē ʼe mole hanatou foʼi fime feiā, peʼe feala ke nātou sioʼi fakatahi.

15 min: “Tou Manavasiʼi Kia Sehova ʼi Te ʼAho Katoa.”a Fakaʼaogaʼi mo te fakamahino ʼo ʼuhiga mo te manavasiʼi ki te ʼAtua ʼaē ʼe tou maʼu ʼi te Réveillez-vous ! ʼo te ʼaho 8 ʼo Sanualio 1998, p. 26. Fakahā te ʼu tapuakina lelei ʼaē ʼe tou maʼu ʼi tatatou manavasiʼi kia Sehova.

20 min: “Te ʼu Fakaneke Pea Mo Te Pilivilesio Ke Kita Fai Faka Mafola.” Ko he akonaki pea mo he ʼu fakafehuʼi. Fakaafe ia nātou ʼaē neʼe fai ki ai he ʼu fakaneke, ke nātou fakamatala pe neʼe lava feafeaʼi hanatou kau tuʼumaʼu ki te gāue fai faka mafola logola te faʼahi ʼaia.

Katiko 78 pea mo te faikole fakaʼosi.

Vāhaʼa ʼo te ʼaho 18 ʼo Tesepeli

Katiko 52

15 min: Te ʼu logo ʼo te kokelekasio. Lau ʼo te falā. Fakahā lelei te ʼu fakatuʼutuʼu makehe ki te fai faka mafola ʼi te ʼaho 25 ʼo Tesepeli pea mo te ʼaho 1 ʼo Sanualio. Tou tali ki te fehuʼi ʼaenī: ʼE feala koa hakita kau ki he ʼu lafeti ʼe mole ko he ʼu lafeti faka Kilisitiano, kapau ʼe mole kita fai ʼuhi ko he faʼahi faka lotu?​—Vakaʼi te tohi Comment raisonner ʼi te pasina 164 ki te 166.

12 min: “Te Ako ʼo Te Minisitelio Faka Teokalatike Ki Te Taʼu 2001.” Ko he akonaki ʼe fai e te tēhina taupau ʼo te ako. Fakaloto mālohi te kokelekasio ke nātou haga lau te Tohi-Tapu ʼi te vāhaʼa fuli pea mo fai fakalelei tanatou kiʼi akonaki ki te ako.

18 min: “ ʼE Koutou Faka Mafola Koa ʼAki He Lototoʼa?”b Talanoa ki te ʼu vaega Tohi-Tapu ʼi te alatike. Fakaʼaogaʼi te tohi Notre ministère ʼi te pasina 86 mo te 87, pea koutou fakahā peʼe lava feafeaʼi ke lahi age tatatou lototoʼa pea ke lelei age tatatou minisitelio.

Katiko 163 pea mo te faikole fakaʼosi.

Vāhaʼa ʼo te ʼaho 25 ʼo Tesepeli

Katiko 6

10 min: Te ʼu logo ʼo te kokelekasio. Fakaafe ia nātou ʼi te fono ke nātou fakamatala he ʼu meʼa neʼe hoko ʼi tanatou gāue fai faka mafola. Vakaʼi te tufa ki te māhina ʼo Sanualio.

15 min: Ko he akonaki ʼe ʼaoga ki te kokelekasio.

20 min: “Te ʼu Ako Mai Te Foʼi Fime Viteo La Bible : un récit historique exact, des prophéties dignes de foi.” Ko he fai palalau mo nātou ʼi te fono. Fakahā he ʼu manatu ʼo ʼuhiga mo te fakaʼaogaʼi ʼo te foʼi fime viteo ʼaia moʼo uga te hahaʼi. (Annuaire 1999, pasina 51 ki te 52) ʼI Fepualio ʼe tou vakaʼi anai te lua foʼi fime viteo ʼaē La Bible : le livre le plus ancien toujours dʼactualité.

Katiko 151 pea mo te faikole fakaʼosi.

Vāhaʼa ʼo te ʼaho 1 ʼo Sanualio

Katiko 21

8 min: Te ʼu logo ʼo te kokelekasio. Kapau ʼe fetogi te ʼu hola fono ʼo takotou kokelekasio ki te taʼu foʼou, pea koutou fakaloto mālohiʼi te kokelekasio ke nātou lagolago tuʼumaʼu ki te ʼu fono ʼi te ʼu hola foʼou ʼaia. Fakahā te ʼu fetogi ʼaia ki te kau ako Tohi-Tapu pea mo nātou ʼaē ʼe fia logo, pea koutou kamata fakaʼaogaʼi te ʼu kiʼi pepa fakaafe moʼo fakahā te polokalama foʼou. Talanoa ki te tānaki gāue ʼi Sepetepeli ʼo totatou telituale pea mo totatou kokelekasio. Fakamanatuʼi ki te ʼu kaugā fagona ke nātou ʼaumai tanatou ʼu pepa tānaki ʼo Tesepeli.

17 min: Te Teuteuʼi ʼo Te ʼu ʼAʼahi. ʼE fai palalau he tāmai mo tona famili peʼe lava feafeaʼi ke fua lelei age tanatou minisitelio. ʼE ina fakahā lelei te ʼu tupuʼaga faka Tohi-Tapu ʼaē ke tou haga taupau te fia logo ʼa te hahaʼi. Fakaʼaogaʼi te ʼu tokoni ʼaē ʼe tuʼu ʼi Te Tule Leʼo ʼo te ʼaho 1 ʼo Sūlio 1999, ʼi te pasina 22, te palakalafe 18, moʼo teuteuʼi te famili ke nātou fai te ʼu ʼaʼahi. ʼE nātou fakahā fuli neʼe nātou maʼu te ʼu hahaʼi ʼaē neʼe tonu ke ʼaʼahi. ʼE nātou tahi fakamatala pe neʼe feafeaʼi tanatou ʼuluaki fai palalau, pea ʼe kumi e ʼihi he ʼu manatu pea mo he vaega ʼe feala ke fakaʼaogaʼi ʼi te fai ʼo te ʼaʼahi. ʼE nātou kumi ʼi te kaupepa Fakamaʼua he ʼu manatu ʼe feala ke ʼi ai hona ʼu fua lelei. ʼE ʼui e te ʼu mātuʼa ki he tahi tamasiʼi ke ina fakahā te ʼu palalau ʼaē ka ina fai ʼi tana ʼaʼahi. ʼE nātou fakatuʼutuʼu he ʼaho ʼi te vāhaʼa ka haʼu ke nātou fai ai te ʼu ʼaʼahi.

20 min: “Koteā Takotou Manatu ʼo ʼUhiga Mo Koutou?” Ko he akonaki ʼe fai e te tagata ʼāfea ʼo fakatafito ki Te Tule Leʼo ʼo te ʼaho 15 ʼo Sanualio 2000, ʼi te pasina 20 ki te 22.

Katiko 212 pea mo te faikole fakaʼosi.

[Nota]