Polokalama ʼo Te Fono Gāue

Vāhaʼa ʼo te ʼaho 9 ʼo Sūlio

Katiko 4

8 min: Te ʼu logo ʼo te kokelekasio. Te ʼu tonu.

17 min: Te Tānaki Gāue ʼo Malesio mo ʼApelili. Ko he akonaki pea mo he fai palalau ʼa te tagata taupau ki te gāue mo he ʼu tēhina mo tuagaʼane. Koutou faka maʼuhigaʼi te tānaki gāue ʼo Malesio ʼi tokotou fenua, pea mo te tānaki gāue ʼo Malesio mo ʼApelili ʼo tokotou kokelekasio. Koutou fakafehuʼi he ʼu kaugā faka mafola neʼe nātou faiga makehe ʼi te minisitelio ʼi te māhina ʼaia. Koutou kole age ke nātou fakamatala atu te fiafia ʼaē neʼe nātou maʼu, ʼi tanatou kau katoa ki te gāue ʼaia, pea koteā ʼaē ʼe nātou fai ke nātou maʼumaʼua ʼi te minisitelio.—Koutou vakaʼi te pepa ʼaē ʼe ʼalutahi mo Te Minisitelio ʼo Te Puleʼaga ʼo Malesio 2001, ʼi te palakalafe 28 ki te 30.

20 min: “Tou Ako Te Tohi ʼo Te ʼu Hisitolia Faka Tohi-Tapu”a Koutou fakamatala fakanounou peʼe lava ʼaoga feafeaʼi kia tatou te ako ʼo Te Tohi ʼo Te ʼu Hisitolia Faka Tohi-Tapu. Fakaloto mālohiʼi te kokelekasio katoa ke nātou kau tuʼumaʼu ki Te Ako Tohi.

Katiko 42 pea mo te faikole fakaʼosi.

Vāhaʼa ʼo te ʼaho 16 ʼo Sūlio

Katiko 10

10 min: Te ʼu logo ʼo te kokelekasio. Lau ʼo te falā.

15 min: ʼU Tūpulaga—Koutou Filifili Lelei Takotou Gāue. Ko te tāmai pea mo tona foha peʼe ko tona ʼofafine, ʼe nā fai palalau mo te tagata ʼāfea kua māhani ʼi te gāue faka mālama. ʼI tanā ʼosi fakakaukauʼi te akonaki neʼe fai kua hili kiai vāhaʼa e lua ʼi te Fono Gāue ʼo ʼuhiga mo te filifili ʼo he gāue, ʼe fakakaukau fakalelei ke pionie katoa, kae ʼe mole ina ʼiloʼi papau peʼe feafeaʼi ki tona maʼuli fakasino. ʼE fakahā age e te tagata ʼāfea ʼe tonu ke nā fakafuafua lelei. (Te Tule Leʼo ʼo te ʼaho 1 ʼo Sepetepeli 1999, pasina 11, palakalafe 13) ʼE ko he aga fakapotopoto hakita kumi he faʼahiga ako ʼo ʼuhiga mo te gāue, ke feala hakita taupau ia kita totonu. Tokolahi neʼe mole nātou faiga ki he ako faigataʼa, kae neʼe nātou ako te ʼu meʼa ʼe maʼuhiga tāfito, ʼe mole fakamaʼua ke puli lahi kiai he temi pea mo he falā. (Te Tule Leʼo ʼo te ʼaho 1 ʼo Fepualio 1996, pasina 14; Les jeunes sʼinterrogent, pasina 178) ʼE nātou vakaʼi fakatahi te Réveillez-vous! ʼo te ʼaho 8 ʼo Malesio 1996, pasina 9 ki te 11, pea mo he ʼu tokoni ʼaoga moʼo kumi peʼe fakatupu he gāue faka mālama.

20 min: “ ʼE Koutou Lava ʼOlo Koa ʼo Gāue ʼi Te Potu ʼAē ʼe ʼAoga Tāfito Ai?”b Koutou fakahā ʼe maʼua ke kita palalau mo te kau tagata ʼāfea pea mo te tagata taupau ʼi muʼa ʼo hakita fai he tonu.

Katiko 50 pea mo te faikole fakaʼosi.

Vāhaʼa ʼo te ʼaho 23 ʼo Sūlio

Katiko 19

8 min: Te ʼu logo ʼo te kokelekasio.

17 min: “Te ʼu Fakatahi—Ko He ʼu Temi Fakafiafia!” Ko he akonaki ʼe fai e he tagata ʼāfea. Koutou fakamahino pe koʼe neʼe fai he ʼu fakatahi lalahi ʼo te hahaʼi ʼa Sehova ʼi te ʼu temi faka Tohi-Tapu, pea he koʼe ʼe toe ʼaoga te ʼu fakatahi ʼaia ia ʼaho nei. ʼI te ʼu lakaga ʼaia ʼe tou maʼu ai he ʼu fakakaugā fakaloto mālohi, pea mo he meʼa kai fakalaumālie maʼuhiga. Koutou fakahā ʼe maʼuhiga kia tatou fuli ke tou kau ki te ʼu aho katoa e tolu ʼo te fakatahi faka tisitilike.

20 min: Ko he akonaki ʼe ʼaoga ki te kokelekasio.

Katiko 53 pea mo te faikole fakaʼosi.

Vāhaʼa ʼo te ʼaho 30 ʼo Sūlio

Katiko 12

8 min: Te ʼu logo ʼo te kokelekasio. Koutou fakamanatuʼi ki te kokelekasio ke nātou ʼaumai tanatou kiʼi pepa tānaki gāue ʼo Sūlio.

20 min: Les Témoins de Jéhovah : Qui sont-ils ? Quelles sont leurs croyances ? Ko he fai palalau mo te kokelekasio pea mo he faʼifaʼitaki. Koutou vakaʼi te kaupepa ʼaia, pea koutou palapalalau peʼe lava fakaʼaogaʼi feafeaʼi moʼo fakamahino ki te hahaʼi pe ko ai ia tatou pea mo tatatou gāue. ʼE ina fakahā peʼe ko ai ia tatou (pasina 3-5), koutou vakaʼi ʼihi koga ʼo totatou hisitolia ʼi te ʼu temi ʼaenī pea mo tatatou ʼu gāue (pasina 6-11), ʼe ina fakahā ai te ʼu akonaki ʼaē ʼe ina fakakeheʼi ai tatou mo te tahi ʼu lotu (pasina 12-14), ʼe ina fakamahino te logo lelei ʼaē ʼe tou faka mafola, pea ʼe feafeaʼi tatatou faka mafola (pasina 15-21), ʼe ina fakahā ai te ʼaoga ʼo tatatou gāue ki te hahaʼi (pasina 22-4), pea ko tatatou kautahi ʼe gāue ʼi te malamanei katoa (pasina 25-6), pea ʼe tali ki te ʼu fehuʼi ʼaē ʼe fai māhani mai e te hahaʼi (pasina 27-31). Koutou fai he faʼifaʼitaki ko he kaugā faka mafola ʼe ina fakaʼaogaʼi te kaupepa moʼo tali ki he fehuʼi ʼo te pasina 29 ʼaē ʼe lagaʼi e te fafine, pea ʼe fai e te kaugā faka mafola te fakaafe ʼaē ʼe tuʼu ʼi muli ʼo te kaupepa. Koutou fakaloto mālohi te kokelekasio katoa ke nātou tufa te kaupepa ki tonatou ʼu kāiga ʼaē ʼe mole nātou ʼiloʼi lelei tatou, ke nātou ʼaʼahi nātou moʼo fakatuputupu tanatou fia ʼiloʼi, pea mo taki mai te ʼu ako Tohi-Tapu ki te kautahi.

17 min: “Tou Fakalogo Ke Lahi Te ʼu Meʼa ʼAē ʼe Tou Ako.” Ko he akonaki pea mo he fai palalau. Koutou fakamahino pe koʼe ko te ʼu akonaki ʼaē ʼe tou logo kiai ʼi te ʼu fakatahi, ʼe ko he ʼu meʼa kai fakalaumālie maʼuhiga ʼe ʼaoga kia tatou. Koutou palalau ki te temi lahi pea mo te ʼu faiga ʼaē neʼe fakaʼaogaʼi moʼo fai te polokalama ʼaia. Koutou fakaafe te kokelekasio ke nātou palalau ki te ʼu meʼa ʼaē ʼe nātou lava fai takitokotahi ke ʼaoga lahi te fakatahi ʼaia kia nātou pea ki te hahaʼi. Koutou fakahā te ʼu tupuʼaga ʼaē ʼe tonu ai ke tou tahi nofo ʼi tona hekaʼaga mokā kamata te polokalama.

Katiko 34 pea mo te faikole fakaʼosi.

Vāhaʼa ʼo te ʼaho 6 ʼo ʼAukusito

Katiko 25

15 min: Te ʼu logo ʼo te kokelekasio. Koutou fakaafe nātou ʼo te fono ke nātou fakamatala te ʼu faʼifaʼitaki ʼo tanatou fagonogono faigamālie ʼi te gāue, ʼi te faleako, peʼe ʼi te ʼu ʼaʼahi ʼo te ʼu kāiga ʼaē ʼe mole ʼi te moʼoni.

10 min: “Te Polokalama Foʼou ʼo Te ʼu Fakatahi Faka Silikosikilipisio.” Ko he akonaki. Koutou tala te ʼu ʼaho ʼaē ka fai ai te fakatahi faka silikosikilipisio. ʼE tonu kia tatou fuli ke tou faiga makehe moʼo fakaafe te ʼu ako Tohi-Tapu. Koutou fakaloto mālohiʼi te ʼu kaugā fagona ke nātou fakakaukauʼi lelei peʼe feala ʼi te fakatahi ka hoko, ke nātou foaki tonatou maʼuli kia Sehova ʼi te papitema. Koutou fakaloto mālohi te kokelekasio ke nātou kau ki te ʼu ʼaho e lua.

20 min: “ ʼAua Naʼa Tou Fakatātāʼofi!”c Kapau ʼe maʼu he temi, koutou fakamatala te ʼu faʼifaʼitaki ʼo Te Tule Leʼo ʼo te ʼaho 15 ʼo Tesepeli 1999, pasina 25.

Katiko 63 pea mo te faikole fakaʼosi.

[Kiʼi nota]