Fakamanatu ʼo Te Ako ʼo Te Minisitelio Faka Teokalatike

Ko te fakamanatu ʼo te ʼu puani neʼe vakaʼi ʼi te lolotoga ʼo te Ako ʼo te minisitelio faka teokalatike ʼo te vāhaʼa ʼo te ʼaho 3 ʼo Sepetepeli ʼo aʼu ki te vāhaʼa ʼo te ʼaho 24 ʼo Tesepeli 2001. Koutou tali ʼo tohi ki he laupepa te ʼatu ʼu tali ʼo te ʼu fehuʼi ʼe koutou fealagia tona tali ʼi te kiʼi temi neʼe tuku mai.

[Nota: ʼI te lolotoga ʼo te fakamanatu, koutou fakaʼaogaʼi pe te Tohi-Tapu. Ko te ʼu kumiʼaga ʼaē ʼe foaki ʼi te ʼu fakaʼosi fehuʼi ʼe faka faigafua ki ʼakotou ʼu kumi takitokotahi. Ko te ʼu numelo ʼo te ʼu pasina pea mo te ʼu palakalafe ʼe mole fakahā tuʼumaʼu pe ki te ʼu kumiʼaga ʼo Te Tule Leʼo.]

Koutou tohi “moʼoni” peʼe “hala” ki te ʼu fehuʼi ʼaenī:

1. ʼI te temi ʼo Sopo, neʼe ko ia tokotahi ʼaē neʼe agatonu kia Sehova. (Sopo 1:8) [Lau ʼo te Tohi-Tapu; vakaʼi te wF92 1/8 p. 31 §§ 3-4.]

2. ʼE mole tonu ke tou tuku totatou ʼofa ke ina meʼa noaʼi he agahala mamafa, kae ʼe feala ke tou faʼifaʼitaki kia Sosefo, ʼo tou manavaʼofa ʼo fakamolemole ki he tahi ʼe fakahemala, ʼi tana agahala mai kia kita. (Sen. 42:21; 45:4, 5) [w99 1/1 p. 31 §§ 2-3]

3. Neʼe fakahā e Sesu tana agavaivai ʼi tana tali ke fekauʼi ia ia mai selo ki te kele, pea ke tupu tagata ʼo mālalo age ʼi te kau ʼaselo. (Filp. 2:5-8; Hep. 2:7) [w99 1/2 p. 6 § 3]

4. Ko ia ʼaē ʼe tauhi ki te ʼAtua, ʼe mole tonu ke ina fai ʼaki te manatu ʼaē ʼe fakapale anai. [w99 15/4 p. 16 § 1]

5. ʼE feala ke tou falala ko te tohi ʼo Esitele, ʼe ko he tohi faka Tohi-Tapu, heʼe lahi te ʼu vaega ʼi te Tauhi Foʼou ʼe nātou fakaʼaogaʼi te ʼu vaega ʼo Esitele. [si p. 94 § 16]

6. ʼI totatou temi, neʼe hoko te koga tohi ʼo Esitele 7:6 ʼi te temi ʼaē neʼe tala ai ʼaki he lototoʼa e te toe ʼa te kau fakanofo, ko te kau takitaki lotu ʼo te Keletiate ʼe nātou fakafeagai ki te ʼAtua, pea mo nātou fia matehi te kau kaugana ʼa te ʼAtua. [Lau ʼo te Tohi-Tapu; vakaʼi te wF71 15/7 p. 438 § 13.]

7. Ko te ʼu palalau hala ʼaē neʼe fai e Elifasi kia Sopo, neʼe haʼu mai te temonio. (Sopo 4:15-18) [Lau ʼo te Tohi-Tapu; vakaʼi te g75 8/9 p. 27.]

8. Neʼe mole ʼiloʼi e Sopo pe koʼe neʼe hoko kia ia te ʼu fihifihia. (Sopo 7:20, 21) [Lau ʼo te Tohi-Tapu; vakaʼi te it-2 p. 43, talanoa § 15.]

9. Ohage ko tona ʼui ia Sopo 17:9, ʼe mole he meʼa ʼe feala ke ina fakatō ki tuʼa te tagata faitotonu ʼi te kautahi ʼa te ʼAtua. [Lau ʼo te Tohi-Tapu; vakaʼi te it-2 p. 44, te kiʼi talanoa.]

10. Ia Sopo 22:1-3, neʼe manukiʼi e Elifasi te ʼui ʼa Sopo ʼe tokagaʼi e te ʼAtua tana nofo agatonu. [Lau ʼo te Tohi-Tapu]

11. Ia Sopo 12:2, neʼe vikiʼi e Sopo te ʼu “tagata fakaloto fīmālie” ʼuhi ko tonatou poto. [Lau ʼo te Tohi-Tapu]

Koutou tali ki te ʼu fehuʼi ʼaenī:

12. He koʼe neʼe tapuakinaʼi te hahaʼi “ ʼaē neʼe nātou tali ke nātou ʼolo ʼo nonofo ʼi Selusalemi”? (Neh. 11:2) [Lau ʼo te Tohi-Tapu; vakaʼi te w86 15/2 p. 26 § 12.]

13. He koʼe neʼe fakatalitali ia Esitele ke ina fakahā ki te hau te meʼa ʼaē neʼe loto kiai? (Est. 5:6-8) [Lau ʼo te Tohi-Tapu; vakaʼi te w86 15/3 p. 24 § 18.]

14. Koteā te ʼu fehuʼi maʼuhiga e lua ʼaē ʼe tali kiai te tohi ʼo Sopo? [si p. 95 § 1]

15. He koʼe neʼe lotovaivai Sopo ʼi te tokoni ʼa Elifasi, kae neʼe mole lotomālohi ai? (Sopo 21:34; 22:2, 3) [Lau ʼo te Tohi-Tapu; vakaʼi te w95 15/2 p. 23 §§ 5-6.]

16. Neʼe fakahā feafeaʼi e Sopo tana tui ko te ʼAtua ʼe ina lava fakatuʼuake ia ia mai te faitoka, ʼaē neʼe ina faka ʼuhiga ʼe ko he potu ʼe lava hola ai mai tana ʼu fihifihia? (Sopo 14:7, 13-15) [Lau ʼo te Tohi-Tapu; vakaʼi te w00 15/5 p. 27 § 7–p. 28 § 1.]

17. Logola ko te fufulu e Sesu te ʼu vaʼe ʼo tana kau ʼapositolo, neʼe mole ko he toʼotoʼoga neʼe ina fakatuʼutuʼu ke tou fai, kae koteā te ako mālohi ʼaē ʼe tou maʼu ai? (Soane 13:4, 5) [w99 1/3 p. 31 § 1]

18. Koteā te ʼu meʼa ʼaē neʼe leleiʼia e te kau Iselaele ʼi te tauhi kia Paale? [w99 1/4 p. 29 §§ 3-6]

19. Koteā te ʼu ʼaluʼaga ʼaē ʼe tonu ai ke nofo tokaga te kau Kilisitiano moʼoni ʼo ʼuhiga mo te simonia? [w98 15/11 p. 28 § 5]

20. Koteā te faʼahiga faitoʼo ʼaē ʼe fia foaki tāfito e te kau Kilisitiano? (Luka 4:18) [td 10A]

21. He koʼe neʼe fakagafua kia Satana ke kau ki te fakatahi ʼa te ʼu foha ʼa te ʼAtua? (Sopo 1:6, 7; 2:1) [Lau ʼo te Tohi-Tapu; vakaʼi te w75 15/4 p. 256.]

Koutou fakakatoa te ʼu kupuʼi palalau ʼaenī:

22. ʼE ʼui ia Esitele 8:17 ko te hahaʼi “neʼe nātou lau ʼe nātou Sutea”; ʼo toe feiā pe ia ʼaho nei, ․․․․․․․․ ʼo te “tahi ʼu ōvi” ʼe nātou lagolago ki te ․․․․․․․․. (Apk. 7:9; Soa. 10:16, MN; Sakl. 8:23) [Lau ʼo te Tohi-Tapu; vakaʼi te w86 15/3 p. 25 § 14.]

23. Ka fai tokoni he tahi ki hona tēhina Kilisitiano, ʼe tonu ke tokaga ʼo fakatafito tana tokoni ʼaia ki te ․․․․․․․․ fakaʼatua, kae mole ina fakatafito ki te ʼu ․․․․․․․․ pea mo te ʼu ․․․․․․․․ fakatagata. (Kol. 2:8) [w99 15/1 p. 22 § 1]

24. Ohage pe ko te lava tāʼofi e te ʼu vao talatala te homo ake pea mo te fua ʼa te pulapula, ʼo toe feiā pe kapau ʼe mole tou lolomi totatou ․․․․․․․․ pea mo te mālohi fakahala ʼo ․․․․․․․․, pea ʼe mole tou tuputupu anai ki te fakapotopoto fakalaumālie. (Mat. 13:19, 22) [w99 15/3 p. 22 § 5]

25. Ia Nehemia 5:14, 15, neʼe mole tali e Nehemia ․․․․․․․․ ʼaē neʼe tonu ke ina maʼu. [si p. 91 § 16]

26. Neʼe ʼui e te kau Sutea ‘ ʼe nātou kaugana ʼi tonatou fenua totonu,’ he neʼe puleʼi nātou e te kau ․․․․․․․․. (Neh. 9:36, 37) [Lau ʼo te Tohi-Tapu; vakaʼi te ts p. 159 § 1.]

Koutou fakaʼiloga te ʼu tali ʼaē ʼe totonu:

27. Ko Maletokeo “neʼe heka ʼi te muʼa matapā ʼo te hau,” ko tona faka ʼuhiga neʼe (ko te tagata leʼo ʼa te hau; ko he kovana ʼo te hau ko Asuelusi; neʼe fakatalitali ke palalau mo te hau). (Est. 2:19, 20) [Lau ʼo te Tohi-Tapu; vakaʼi te w86 15/3 p. 24 § 9.]

28. Ohage ko tona tuʼu ia Sopo 19:25-27, neʼe tui ia Sopo ʼe “sio anai ki te ʼAtua,” ko tona faka ʼuhiga (ʼe ʼi ai te meʼa ʼe hā anai ki ai; ʼe fakatuʼuake anai ki te maʼuli ʼi selo; ko tona ʼu mata ʼo ʼuhiga mo te mahino, neʼe ava ke sio ki te moʼoni ʼo ʼuhiga mo Sehova). [Lau ʼo te Tohi-Tapu; vakaʼi te w94 15/11 p. 19 § 17.]

29. Neʼe ko (Helote Lahi; Sesale Aukusito; Tipele Sesale) ʼaē neʼe ina fakatotonu ke tohi te hahaʼi, koia ʼaē neʼe tupu ai ia Sesu ʼi Petelehemi kae mole ko Nasaleti. [w98 15/12 p. 7 te talanoa]

30. Ko Maletokeo neʼe ina fakatātā (te toe ʼo te kau fakanofo ʼaē neʼe nātou hāo ʼi te fakamāu ʼaē neʼe fai ki te fale lotu; te toe ʼo te kau fakanofo foʼou ʼaē neʼe ʼōmai ʼi te hili ʼo te 1919; te “tahi ʼu ōvi”). (Est. 2:11) [Lau ʼo te Tohi-Tapu; vakaʼi te w71 15/7 p. 431 § 11.]

Koutou fakatahiʼi te ʼu vaega ʼaē ʼe ʼalutahi mo te ʼu kupuʼi palalau ʼaenī:

Pes. 15:4; Taag. 25:11; Loma 12:2; 1 Ko. 8:5, 6; Kol. 3:13

31. ʼE maʼua ke tou faiga mālohi moʼo fetogi tatatou manatu, pea mo tou fakafonu totatou ʼatamai ʼaki te moʼoni fakaʼatua. [w99 1/4 p. 22 § 2]

32. Ka kita fai tokoni, ʼe maʼuhiga ke kita filifili te ʼu palalau ʼaē ʼe lelei. [w99 15/1 p. 23 § 1]

33. Ko te loto fakafetaʼi ki te manavaʼofa ʼa Sehova, ʼe ina lava uga tatou ke tou faʼa kātaki pea mo loto fakamolemole. [w98 1/11 p. 6 § 3]

34. Ko he tahi ʼe manavasiʼi ki te ʼAtua ʼe faiga mālohi ke ina fakahoko tana fakapapau, ʼaē ke huʼi tona ʼu maʼua, tatau aipe peʼe kua faigataʼa ʼaupito ʼuhi ko he ʼu meʼa neʼe hoko fakapunamaʼuli mai. [w98 15/11 p. 27 § 1]

35. Ko te hahaʼi lotu, ʼe mole nātou tauhi fuli ki he ʼAtua e tahi. [td 34D]