Polokalama ʼo Te Fono Gāue

Vāhaʼa ʼo te ʼaho 10 ʼo Tesepeli

Katiko 205

10 min: Te ʼu logo ʼo te kokelekasio. Te ʼu Tonu. Fakaloto mālohi te kokelekasio ke nātou sioʼi te foʼi fime viteo Jusquʼaux extrémités de la terre ki te fai palalau ʼaē ka fai ʼi te Fono Gāue ʼo te vāhaʼa ʼo te ʼaho 24 ʼo Tesepeli.

15 min: Ko he akonaki ʼe ʼaoga ki te kokelekasio.

20 min: “Te ʼu Tapuakina Heʼe Kita Loto Fakafetaʼi Ki Te ʼOfa ʼo Sehova—Koga 2.”a Ka hoko anai te fai palalau ki te ʼu palakalafe 2-6, koutou kole ki te kokelekasio ke nātou fakamatala he ʼu faʼifaʼitaki neʼe hoko kia nātou ʼi tanatou fai he ʼu palalau fakaloto fīmālie pea mo he ʼamanaki ki te hahaʼi ʼaē ʼe lotomamahi peʼe maʼuli tuʼania ʼuhi ko te ʼu tuʼutāmaki ʼaē neʼe hoki hoko, pea mo tona ʼu fua kovi. Koutou fakatuʼutuʼu fakatomuʼa ke fai he faʼifaʼitaki e tahi peʼe lua ʼo ʼuhiga mo te ʼu ʼaluʼaga ʼaia.

Katiko 222 pea mo te faikole fakaʼosi.

Vāhaʼa ʼo te ʼaho 17 ʼo Tesepeli

Katiko 211

10 min: Te ʼu logo ʼo te kokelekasio. Lau ʼo te falā. Koutou talanoa ki te ʼu fakatuʼutuʼu makehe ki te gāue ʼaē ka fai ki te ʼaho 25 ʼo Tesepeli pea mo te ʼaho 1 ʼo Sanualio. Koutou fakaʼaogaʼi te ʼu tokoni ʼaē ʼe tuʼu ʼi te pasina 8, ʼo fai he ʼu faʼifaʼitaki moʼo tufa (1) Te Tule Leʼo ʼo te ʼaho 15 ʼo Tesepeli pea (2) mo te Réveillez-vous ! ʼo te ʼaho 22 ʼo Tesepeli.

20 min: “Tou Fakaʼaogaʼi Lelei Te Folafola ʼa Te ʼAtua.”b Fai he faʼifaʼitaki ʼo mulimuli ki te ʼu palalau ʼaē ʼe tuʼu ʼi te palakalafe 4. ʼOsi ʼaia pea koutou fai he faʼifaʼitaki lelei neʼe hoko ʼi tokotou telituale, moʼo fakaloto mālohiʼi peʼe fakaloto fīmālieʼi te hahaʼi ʼaē ʼe maʼuli tuʼania ʼuhi ko te ʼu meʼa ʼaē ʼe hoko ʼi te malamanei. ʼE feala ke fakamatala fakanounou he faʼifaʼitaki e tahi. Koutou fehuʼi ki te kokelekasio ke nātou fakamatala pe koʼe ʼe nātou manatu ʼe lelei age anai tanatou faka mafola mo kapau ʼe nātou fakaʼaogaʼi te Tohi-Tapu.

15 min: ‘Ko Koutou Koa Ko He Kau Kilisitiano Kua “Katoa ʼi Te ʼUhigaʼi Tagata”?’ Ko he akonaki ʼe fai e he tagata ʼāfea ʼo fakatafito ki Te Tule Leʼo ʼo te ʼaho 15 ʼo ʼAukusito 2000, ʼi te ʼu pasina 26-29.

Katiko 91 pea mo te faikole fakaʼosi.

Vāhaʼa ʼo te ʼaho 24 ʼo Tesepeli

Katiko 4

08 min: Te ʼu logo ʼo te kokelekasio. Fakamahino te tufa ʼo Sanualio pea mo te ʼu tohi ʼaē ʼe maʼu ʼi te kokelekasio.

12 min: “Te Ako ʼo Te Minisitelio Faka Teokalatike Ki Te Taʼu 2002.” Ko he akonaki ʼe fai e te tagata taupau ʼo te ako. Fakaloto mālohi te kokelekasio ke nātou faiga mālohi ʼo fai tanatou kiʼi akonaki.

25 min: “ ʼE Nātou Faka Mafola—ʼO Aʼu Ki Te ʼu Potu Taupotu ʼo Te Kele.” Ko he fai palalau mo te kokelekasio. Fakaloto mālohiʼi te kokelekasio ke nātou fakakaukauʼi lelei, peʼe koteā te tahi ʼu meʼa ʼaē ʼe feala ke nātou fai moʼo tala te logo lelei ki te hahaʼi, ʼi totatou telituale peʼe ʼi te ʼu koga meʼa ʼaē ʼe ʼaoga lahi ai he kau gāue. Vakaʼi Te Minisitelio ʼo Te Puleʼaga ʼo Sūlio 2001, pasina 6. ʼI Fepualio ʼe tou vakaʼi anai te foʼi fime viteo Noé : il marchait avec Dieu.

Katiko 24 pea mo te faikole fakaʼosi.

Vāhaʼa ʼo te ʼaho 31 ʼo Tesepeli

Katiko 140

10 min: Te ʼu logo ʼo te kokelekasio. Koutou fakamanatuʼi ke ʼaumai te ʼu kiʼi pepa tānaki gāue ʼo Tesepeli. Kapau ʼe fetogi anai te ʼu ʼaho fono ʼo tokotou kokelekasio ʼi te taʼu ka haʼu, pea koutou fakaloto mālohi ia nātou fuli ke ʼōmai tuʼumaʼu ki te ʼu ʼaho foʼou ʼaia. Koutou tokaga ʼo fakahā te ʼu fetogi ʼaia kia nātou ʼaē ʼe nātou fia ako, pea mo nātou ʼaē ʼe mole kei fai faka mafola.

15 min: Koutou Fakaʼapaʼapa Ki Te Kau Tagata ʼĀfea. Ko te ʼu tagata faifekau faka minisitelio e lua peʼe tolu ʼe nātou fai palalau ki Te Tule Leʼo ʼo te ʼaho 1 ʼo Sūnio 1999, pasina 18-19. ʼE nātou talanoa ki te ʼatu gāue ʼaē ʼe tonu ke fai e te ʼu tagata ʼāfea, ohage ko tanatou ʼu gāue faka mālama, tonatou ʼu maʼua faka famili, pea mo tanatou ʼu gāue faka teokalatike. Vakaʼi te ʼu ʼaluʼaga ʼaē ʼe feala ai ki te kokelekasio ke nātou fakaloto mālohiʼi nātou, mo fakamaʼamaʼa tanatou ʼu kavega, pea mo mulimuli ki tanatou takitaki. ʼE fakahā e te ʼu tagata faifekau ʼe maʼuhiga te gāue ʼaē ʼe fai e te ʼu tagata ʼāfea, pea ʼe maʼua “ke keheʼage [tatatou] fakamauhiga natou.”—1 Tes. 5:12, 13.

20 min: Tou Kaumeʼa Mo Sehova! Ko he akonaki ʼe fai e he tagata ʼāfea, ʼo fakatafito ki Te Tule Leʼo ʼo te ʼaho 15 ʼo Sanualio 2000, pasina 23-26.

Katiko 79 pea mo te faikole fakaʼosi.

Vāhaʼa ʼo te ʼaho 7 ʼo Sanualio

Katiko 20

10 min: Te ʼu logo ʼo te kokelekasio.

20 min: Koutou Fakaʼaogaʼi Lelei Tokotou Maʼuli. Ko he famili ʼe fai palalau ki Te Tule Leʼo ʼo te ʼaho 15 ʼo ʼAukusito 1998, pasina 8-9. ʼE loto e te tāmai ke fai e tona famili he ʼu meʼa ʼe nātou fiafia ai anai, kae mole nātou fai he ʼu meʼa ʼe nātou lotomamahi ai anai. ʼE nātou vakaʼi te ʼu tokoni faka Tohi-Tapu ʼo te alatike, ʼaē ʼe fakahā ai peʼe feafeaʼi hanatou maʼu te fiafia, ʼo faka maʼuhigaʼi te maʼua ʼaē ke nātou fakasiosio tonu, ke nātou fakamuʼamuʼa te ʼu meʼa ʼaē ʼe lelei, pea mo nātou falala kia Sehova. ʼE nātou vakaʼi te ʼu fetogi faka famili ʼaē ʼe tonu ke nātou fai.

15 min: Tou Fakaʼapaʼapa Ki Totatou Fale ʼo te Puleʼaga. Ko he akonaki ʼe fai e he tagata ʼāfea. Koutou fakahā peʼe feafeaʼi tatatou Fale Fono. Koteā te ʼu fakatuʼutuʼu ʼe fai moʼo fakamaʼa te fale fono ʼi muʼa ʼo te ʼAho Fakamanatu? Koteā te ʼu meʼa ʼaē ʼe tonu ke fakafoʼou ʼi muʼa ʼo te ʼaho ʼaia? Koutou fakamahino ki te kokelekasio te ʼu meʼa ʼaē ʼe feala ke nātou fai ʼo ʼuhiga mo te faʼahi ʼaia. Fakahā lelei ko te fale ʼa Sehova ʼaē ʼe fai ai tatatou tauhi, ʼe maʼuhiga ke matalelei pea mo maʼa.—Pes. 84:1.

Katiko 71 pea mo te faikole fakaʼosi.

[Kʼiʼi Nota]