ʼE Nātou Faka Mafola—ʼO Aʼu Ki Te ʼu Potu Taupotu ʼo Te Kele
Ko ai ʼaē ʼe ina fia sioʼi tuʼumaʼu anai te foʼi fime viteo Jusquʼaux extrémités de la terre ? Ko nātou ʼaē ʼe fia misionea. Koteā tona tupuʼaga? Ke nātou ʼiloʼi lelei peʼe feafeaʼi te Faleako Faka Tohi-Tapu ʼo Kalaate. Neʼe fai te foʼi fime ʼaia heʼe kua taʼu 50 te ako makehe ʼaia, ʼaē neʼe fakatuʼutuʼu moʼo faka mafola te gāue “ki te ʼu potu taupotu fuli ʼo te kele.” (Pes. 22:27) Kapau ʼe koutou sioʼi te foʼi fime ʼaia, pea ʼe koutou mahino anai ki te maʼuhiga ʼo te gāue ʼaē ko te faka mafola ʼo te logo lelei, pea ʼe ina uga anai koutou ke lahi age takotou gāue. Koutou tali ki te ʼu fehuʼi ʼaenī: (1) ʼI te ʼu taʼu 1940, koteā ʼaē neʼe tokaga tāfito kiai te kautahi ʼa Sehova? (Gaue 1:8) (2) ʼI te 1942, koteā te lea faka polofeta makehe ʼaē neʼe hoko, pea ʼo mole hage ko te malamanei, koteā ʼaē neʼe tou tokaga tāfito kiai? (Apk. 17:8; wF89 15/4 p. 14 pal. 12) (3) Koteā te ʼu fakatuʼutuʼu ʼaē neʼe fai moʼo fakaʼaogaʼi lelei te temi tokalelei ʼaē ka hoko ʼi te hili ʼo te Lua Tau Faka Malamanei? (jv p. 522 pal. 1-2) (4) Koteā te ʼu kalitate ʼaē ʼe koutou leleiʼia ʼi te kau ako ʼo te ʼuluaki kalasi ʼo te Faleako ʼo Kalaate? (5) ʼI te ʼu ʼuluaki taʼu e 50 ʼo Kalaate, neʼe ko te kau ako e fia, pea ko fenua e fia ʼaē neʼe fekauʼi nātou kiai? (6) Koteā te faʼahiga ako Tohi-Tapu ʼaē ʼe foaki ki te kau ako? (7) Koteā ʼaē ʼe ina fakaliliu he tahi ko he misionea lelei pea mo he faiako lelei ʼo te Folafola ʼa te ʼAtua? (8) ʼE feafeaʼi te maʼuli faka misionea, pea koteā te ʼu faigataʼaʼia ʼaē ʼe hoko kia nātou? (9) Koteā te ʼui ʼa te kau misionea ʼo ʼuhiga mo tonatou maʼuli, pea koteā te ʼu fiafia makehe ʼaē ʼe nātou maʼu ʼi tonatou maʼuli faka sakilifisio? (10) Koteā te ʼu gāue ʼaē kua fai talu mai ai e te toko lauʼi afe kau misionea? Koutou tuku mai he ʼu faʼifaʼitaki. (11) Koteā takotou manatu ki te ʼu tēhina mo tuagaʼane ʼaē kua ʼolo ʼo faka mafola ʼi “te ʼu potu taupotu fuli ʼo te kele”? (12) Ko te faʼifaʼitaki ʼa te kau misionea, ʼe ina uga koutou ke koutou fai teā, pea koteā tona tupuʼaga?