Polokalama ʼo Te Fono Gāue

Vāhaʼa ʼo te ʼaho 11 ʼo Malesio

Katiko 2

10 min: Te ʼu logo ʼo te kokelekasio. Te ʼu Tonu.

15 min: ʼE Feafeaʼi Haku Gāue Lelei Age ʼi Te Faleako? Ko he tagata ʼāfea mo tona ʼohoana, peʼe ko he tagata faifekau faka minisitelio mo tona ʼohoana ʼe nā palalau ki tana tamasiʼi ʼaē ʼe kei ako. ʼE nā tuʼania heʼe mole haʼele lelei te ako ʼo tana tamasiʼi. ʼE nātou vakaʼi te ʼu tokoni ʼo te tohi Les jeunes sʼinterrogent, kapite 18, pea ʼe nā palalau ki te ʼu meʼa ʼaē ʼe tonu ke fai e tanā tamasiʼi ke lelei tana ako. ʼE fakahā age e te ʼu mātuʼa, ʼe maʼuhiga ke lelei tana ako ke feala hana fakaʼaogaʼi katoa tona ʼu fealagia moʼo fai tana tauhi taputapu.

20 min: “Koutou Mahu ʼi Te ʼu Gāue Lelei.”a ʼE fai anai e te tagata taupau ki te gāue. Uga te kokelekasio katoa ke kau mālohi ki te minisitelio ʼuhi ko te ʼamanaki hoko mai ʼo te Fakamanatu ʼi te ʼaho 28 ʼo Malesio. Talanoa ki te fakaʼaogaʼi lelei ʼo te ʼu kiʼi pepa fakaafe. Fakaafe te ʼu kaugā faka mafola ke nātou fakahā atu peʼe koteā ʼaē neʼe nātou fai ke feala ki tonatou ʼu kāiga, tonatou ʼu vāhaʼa fale, tonatou ʼu ako Tohi-Tapu, pea mo te tahi ʼu hahaʼi ke nātou ʼōmai ki te Fakamanatu ʼo te taʼu ʼaenī kua ʼosi, pea koteā te fiafia ʼaē neʼe nātou maʼu. Fakaloto mālohiʼi te kokelekasio ke nātou pionie vaeluaʼi temi ʼi ʼApelili pea ke nātou tohi hanatou pepa ʼi te hili ʼo te fono.

Katiko 211 pea mo te faikole fakaʼosi.

Vāhaʼa ʼo te ʼaho 18 ʼo Malesio

Katiko 7

15 min: Te ʼu logo ʼo te kokelekasio. Lau ʼo te falā. Fai palalau ki te alatike “Te ʼu Tokoni ʼo ʼUhiga Mo Te Fakamanatu.” Fakaloto mālohiʼi te kokelekasio katoa ke nātou lau te ʼu koga Tohi-Tapu ʼaē neʼe fakatuʼutuʼu ki te ʼaho 23 ʼo aʼu ki te ʼaho 28 ʼo Malesio, ʼaē ʼe tuʼu ʼi te kiʼi kaupepa Tou Vakaʼi Te Tohi-Tapu ʼi Te ʼAho Fuli—2002. ʼO mulimuli ki te ʼu manatu ʼaē ʼe tuʼu ʼi te pasina 8, koutou fai he ʼu faʼifaʼitaki e lua ki te tufa ʼo Te Tule Leʼo ʼo te ʼaho 15 ʼo Malesio pea mo te Réveillez-vous ! ʼo te ʼaho 22 ʼo Malesio. ʼI te ʼu faʼifaʼitaki ʼaia, fakahā he faʼahiga tali ʼe lava fakaʼaogaʼi ki te hahaʼi ʼaē ʼe nātou ʼui, “ ʼE mole ʼau loto ʼau kiai.”—Vakaʼi te kiʼi kaupepa Te ʼu Tokoni Ki Te ʼu Fai Palalau Faka Tohi-Tapu, pasina 11 mo te 12.

12 min: Tou Taupau Totatou ʼĀteaina Faka Kilisitiano. ʼE fai e he tagata ʼāfea faiva. Kua mafola ʼaupito te tauhi fakavale ki te puleʼaga ʼi te ʼu faleako, ʼi te fale gāue, pea mo te fenua. Ko te tokolahi ʼe nātou lagolago ki te aga ʼaia, moʼo tauʼi te tuʼania pea mo te ʼu mamahi ʼaē ʼe tupu mai te ʼu tuʼutāmaki faka puleʼaga. Logola ʼe tou lotomamahi mo tatou ʼi te ʼu meʼa ʼaē ʼe hoko ʼi te malamanei, kae ʼe tou mahino ki te fihifihia tāfito ʼo ʼuhiga mo te pule faʼitaliha ʼi te ʼatulaulau, pea ʼe tou loto fīmālie ʼaki te logo ʼo te Puleʼaga. Kapau ʼe tou fakamahino ʼaki he aga fakaʼeteʼete ki te hahaʼi pe koʼe ʼe mole tou kau ki te ʼu gāue ʼaē ʼe hikihiki ai te puleʼaga, pea ʼe toe tonu foki ke tou faka mafola te fīmālie pea mo te ʼamanaki ʼaē ʼe tou maʼu ʼi te Folafola ʼa te ʼAtua. ʼO mulimuli ki te faʼifaʼitaki ʼa Sesu ʼe mole tou kau ki te ʼu meʼa faka politike ʼa te mālama, pea mo tana ʼu fihi faka sosiale. Kae ʼe lava feafeaʼi ʼi te fale gāue, hatatou mole kau ki te ʼu faʼahi ʼaia? Koutou fakaʼaogaʼi te alatike Te Tali Ki ʼAkotou ʼu Fehuʼi ʼo Te Minisitelio Fakafalani ʼo Sepetepeli 1975 ʼi te pasina 8. Koutou fakahā ʼe maʼuhiga ke tou tauhi ʼāteaina pe kia Sehova, kae ʼe tou fakaʼapaʼapa ki te hahaʼi fuli pea mo te ʼu puleʼaga.

18 min: “Tou Logo Tahi ʼi Te Fiafia Mo Sehova Mo Tona ʼAlo.” Ko he akonaki faka Tohi-Tapu pea mo fakaloto mālohi ʼe fai e he tagata ʼāfea. Fakaloto mālohiʼi te kokelekasio katoa, ʼo mulimuli ki tonatou ʼu fealagia, ke nātou faiga mālohi ʼi te temi nei ʼo aʼu ki te ʼaho 28 ʼo Malesio, ke nātou fakaafe te tokolahi ke nātou kau mo tatou ki te Fakamanatu.

Katiko 45 pea mo te faikole fakaʼosi.

Vāhaʼa ʼo te ʼaho 25 ʼo Malesio

Katiko 12

8 min: Te ʼu logo ʼo te kokelekasio. Koutou fakahā ʼe mole heʼeki tauhala ke fakaʼui he pepa pionie vaeluaʼi temi ʼi ʼApelili. Fakahā ʼe fakatuʼutuʼu te fai faka mafola ki te ʼaho mālōlō ʼo te ʼaho 1 ʼo ʼApelili.

17 min: Tou fakaʼaogaʼi te kaupepa “Mokā Mate He Tahi ʼe Tou ʼOfa Mamahi Ai” moʼo foaki he fakaloto mālohi. Ko he fai palalau mo te kokelekasio. ʼE tonu ke tou fai he ʼu fakaloto mālohi kia nātou ʼaē kua mate he tahi neʼe nātou ʼofa mamahi ai. Koia ʼe tonu kia tatou fuli ke tou “fai he ʼu palalau fakaloto fīmālie” kia nātou ʼaia, ʼo feiā mo te hahaʼi mafasia ʼaē ʼe tou felāveʼi mo nātou ʼi te minisitelio. (1 Tes. 5:14) ʼAki te kaupepa “Mokā Mate He Tahi ʼe Tou ʼOfa Mamahi Ai,” fakaafe te kokelekasio ke nātou fakamahino te ʼu meʼa ʼaē ʼe tonu ke fai pea mo ʼaē ʼe mole tonu ke fai, ohage ko tona tuʼu ʼi te ʼu pasina 20-24, mokā tou tokoni kia nātou ʼaē ʼe nonofo ʼi te taʼi ʼaluʼaga ʼaia. Fakahā ʼe tonu kia tatou takitokotahi ke tou fakaloto mālohiʼi he tahi ʼi te ʼu temi fuli ʼaē ʼe ʼaoga ki ai te faʼahi ʼaia.—Kal. 6:10.

20 min: Ko he akonaki ʼe ʼaoga ki te kokelekasio.

Katiko 131 pea mo te faikole fakaʼosi.

Vāhaʼa ʼo te ʼaho 1 ʼo ʼApelili

Katiko 27

7 min: Te ʼu logo ʼo te kokelekasio. Fakamanatuʼi te ʼu kiʼi pepa gāue ʼo Malesio.

18 min: “ ‘Ko He ʼu Meʼa ʼOfa Ko He ʼu Tagata,’ ʼe Nātou Taupau Fakalelei Te Faga Ōvi ʼa Te ʼAtua.” Ko he akonaki ʼe fai e he tagata ʼāfea. Palalau ki te ʼu vaega ʼaē ʼe tuʼu ai. Koutou talanoa ki te ʼu fua lelei ʼaē ʼe feala ke maʼu pea ʼe tonu ke maʼu, mo kapau ʼe ʼaʼahi e te ʼu tagata tauhi ōvi ia nātou ʼaē ʼe mole kei faka mafola, pea mo tokoni kia nātou ʼe mahahaki pea mo vaivavai ke nātou fai te ʼu meʼa ʼaē ʼe nātou lavaʼi. Ko te ʼu tagata tauhi ōvi ʼofa ʼe nātou loto fakafetaʼi ki tonatou ʼu faiga fuli ʼaia moʼo gāue ʼi te tauhi kia Sehova.

20 min: “Ke Lahi Tokotou Fiafia ʼi Te Fai Faka Mafola.”b ʼI te palakalafe 5, koutou fehuʼi age ki te kokelekasio ke nātou tuku atu he ʼu tokoni moʼo gāueʼi lelei totatou telituale. ʼO mulimuli ki te ʼu faʼifaʼitaki ʼo te pasina 8, fai he ʼu faʼifaʼitaki e lua peʼe feafeaʼi hakita palalau ki he tahi ʼi te fagonogono faigamālie. ʼE fakahā e he tagata ʼāfea Te Tule Leʼo ʼo te ʼaho 1 ʼo ʼApelili pea ko he tūpulaga ʼe ina fakahā te Réveillez-vous ! ʼo te ʼaho 8 ʼo ʼApelili. ʼI te hili ʼo te ʼu faʼifaʼitaki ʼaia, koutou talanoa ki te ʼu agaaga lelei ʼo te ʼu faʼifaʼitaki. Fakaloto mālohi te kokelekasio katoa ke nātou kumi he ʼu faigamālie moʼo fagonogono ʼi te vāhaʼa ʼaenī.

Katiko 15 pea mo te faikole fakaʼosi.

[Kiʼi nota]