Polokalama ʼo Te Fono Gāue

Vāhaʼa ʼo te ʼaho 10 ʼo Sūnio

Katiko 77

15 min: Te ʼu logo ʼo te kokelekasio. Te ʼu Tonu. Koutou fakaʼaogaʼi te ʼu manatu ʼo te pasina 4, pea mo fai he ʼu faʼifaʼitaki moʼo fakahā Te Tule Leʼo ʼo te ʼaho 15 ʼo Sūnio pea mo te Réveillez-vous ! ʼo te ʼaho 22 ʼo Sūnio. ʼI te ʼu faʼifaʼitaki ʼaia e lua, fakahā he ʼu palalau kehekehe moʼo tali ki te ʼui ʼaē “ ʼE mole ʼau fia palalau ki te lotu.”—Vakaʼi te kaupepa Te ʼu Tokoni Ki Te ʼu Fai Palalau Faka Tohi-Tapu ʼi te pasina 12.

10 min: Te Tali Ki ʼAkotou ʼu Fehuʼi. Lau te alatike katoa pea mo te ʼu vaega faka Tohi-Tapu ʼaē ʼe tuʼu ai. Pea fakahā he tahi ʼu manatu, mo talanoa ki te ʼu manatu ʼo te Tali Ki ʼAkotou ʼu Fehuʼi ʼo Te Minisitelio ʼo Te Puleʼaga ʼo Malesio 1998.

20 min: “Ka Lahi Tatatou To Pea ʼe Tapuakina Lahi Anai Tatou.”a Talanoa ki te ʼu manatu ʼaē ʼe tuʼu ʼi Te Tule Leʼo ʼo te ʼaho 1 ʼo Tesepeli 1992, ʼi te pasina 15-16, palakalafe 14 ki te 17.

Katiko 220 pea mo te faikole fakaʼosi.

Vāhaʼa ʼo te ʼaho 17 ʼo Sūnio

Katiko 51

10 min: Te ʼu logo ʼo te kokelekasio. Lau ʼo te falā.

15 min: “ ʼE Feala Koa Ke Kaugamālie Age Ia Tatou ʼe Kamata He Ako Tohi-Tapu?”b ʼE tonu ke talanoa tāfito ki te ʼu tokoni ʼaoga ʼo Te Minisitelio ʼo Te Puleʼaga. Fai mo he faʼifaʼitaki e minuta nima, ʼe fakahā te fai ʼo te ʼaʼahi neʼe tuku kiai te kaupepa “Fakamaʼua” pea ke iku ki he ako Tohi-Tapu.

20 min: “Tou Fakafeauga Mo Te ʼu Meʼa ʼe Tou Maʼu.”c Fakahā lelei ko te tokoni ʼaia ʼe haʼu mai te Tohi-Tapu, ʼo lau pea mo fai palalau ki te ʼu tuʼuga vaega ʼo mulimuli ki te temi.

Katiko 4 pea mo te faikole fakaʼosi.

Vāhaʼa ʼo te ʼaho 24 ʼo Sūnio

Katiko 52

10 min: Te ʼu logo ʼo te kokelekasio. Ko he faʼifaʼitaki ʼe fai e he taumatuʼa ʼe nā gāue fakatahi ʼi te fai faka mafola, pea ʼe nā fakahā peʼe feafeaʼi te fakaʼaogaʼi ʼo te ʼu manatu ʼi te pasina 4 moʼo fakahā te ʼu nusipepa ʼo te ʼaho 1 ʼo Sūlio pea mo te ʼaho 8 ʼo Sūlio. ʼE fakahā e te tuagaʼane Te Tule Leʼo, pea ʼe fakahā e te tēhina ia te Réveillez-vous !

15 min: Fakamatala peʼe fai he ʼu faʼifaʼitaki ʼo te ʼu meʼa neʼe hoko ki te ʼu kaugā fai faka mafola (1) ʼi tanatou fai faka mafola ki he ʼu hahaʼi ʼo te tahi lanu peʼe ko he ʼu hahaʼi ʼo he tahi lea peʼe (2) ko hanatou fai faka mafola kae mole ko he fai faka mafola ʼi te ʼu ʼapi pea mo te ala. Moʼo teuteuʼi te Fono Gāue ʼo te vāhaʼa ka haʼu, fakaloto mālohi te kokelekasio ke nātou filifili he ʼu palalau moʼo fakahā he kaupepa ʼi te ʼu kaupepa ʼaē ka tufa anai ʼi Sūlio pea mo ʼAukusito—Vakaʼi te talanoa “Te Tahi ʼu Tohi,” ʼi te pepa ʼe ʼalutahi mo Te Minisitelio ʼo Te Puleʼaga ʼo Sanualio 2002.

20 min: Ko he akonaki ʼe ʼaoga ki te kokelekasio.

Katiko 66 pea mo te faikole fakaʼosi.

Vāhaʼa ʼo te ʼaho 1 ʼo Sūlio

Katiko 16

15 min: Te ʼu logo ʼo te kokelekasio. Fakamanatuʼi ki te ʼu kaugā fagona ke nātou ʼaumai tanatou ʼu kiʼi pepa tānaki gāue ʼo Sūnio. Fehuʼi ki he ʼu kau fai faka mafola pe ko te kaupepa lahi fea neʼe nātou fakatuʼutuʼu ke nātou tufa ʼi Sūlio pea ʼe feafeaʼi anai tanatou fakahā.

15 min: ʼE Koutou Lava Kaumeʼa Mo Te ʼAtua ! Ko he akonaki pea mo he fai palalau mo te kokelekasio. Talanoa tāfito ki te ʼu puani ʼo te kaupepa ʼe fakahā ai ʼe ko he tohi lelei ki te ako, moʼo tokoni ki te fānau pea mo te tahi ʼu hahaʼi neʼe mole ako fualoa ʼi te faleako peʼe mole poto lelei ʼi te lautohi, ke nātou ʼiloʼi ia Sehova. Fakahā he ʼu manatu ʼe tuʼu ʼi ai, ʼe mahino gafua kiai pea mo totonu. (Vakaʼi te ʼu kapite 2, 8 pea mo te 12.) Fakahā peʼe lava fakaʼaogaʼi feafeaʼi te ʼu paki ke malave ki te loto ʼo ia ʼe ako. Fakahā pe feafeaʼi te fakaʼaogaʼi ʼo te kaupepa ʼaia ke maʼu ai he ʼu fua lelei. ʼE tonu ke ako e te ʼu mātuʼa te kaupepa ʼaia mo tanatou fānau ʼaē ʼe kei liliki. Fakaloto mālohiʼi te hahaʼi fuli ke nātou tufa ʼi te minisitelio ʼi te ʼu ʼaluʼaga fuli pe.

15 min: “ ʼE Koutou ‘Loto’ Koa Ke Koutou Tokoni Ki Te Hahaʼi?”d Fakaloto mālohi te kokelekasio katoa ke nātou lotolelei ke nātou foaki he tokoni.

Katiko 89 pea mo te faikole fakaʼosi.

[Kiʼi Nota]