He ʼu Manatu ʼo ʼUhiga Mo Te ʼu Nusipepa

Te Tule Leʼo aho 15 ʼo Sūlio

“ ʼI tau manatu ʼe tauteaʼi koa te kau agakovi ʼi ʼifeli? [Tuku ke fai mai hana tali.] ʼE fakahā lelei mai e te Tohi-Tapu pe koteā te tautea ki te agahala. [Lau ia Loma 6:23a.] Ko te ʼifeli ʼe ko he koga meʼa koa ʼe fakamamahiʼi ai te hahaʼi ʼi he afi kakaha? ʼE faka ʼuhiga pe koa ki te mole kei fakatahi ʼa he tahi mo te ʼAtua? ʼE tali e te nusipepa ʼaenī ki te ʼu fehuʼi ʼaia ʼaki he ʼu vaega faka Tohi-Tapu.”

Réveillez-vous ! ʼaho 22 ʼo Sūlio

“Tokolahi ʼe nātou ʼui ko te ʼu gaoʼi paʼaga ʼe mole kovi. Ko ʼihi ʼe nātou ʼui ko te ʼu gaoʼi ʼaia ʼi te agamāhani, ʼe fua kovi ki te famili pea mo te sosiete. ʼE talanoa te Réveillez-vous ! ʼaenī ki te ʼu gaoʼi paʼaga pea mo fakahā te ʼu kumi neʼe fai mole heʼeki faʼa fualoa. ʼE lagi ʼe ke fia lau anai he ʼu pelesepeto faka Tohi-Tapu ʼo ʼuhiga mo te faʼahi ʼaia.” ʼE feala hakotou lau age ia 1 Timoteo 6:10.

Te Tule Leʼo ʼaho 1 ʼo ʼAuk.

“Tokolahi te hahaʼi ʼe nātou ʼui ko te ʼu manatu pea mo te ʼu agaʼi fenua faka mataku ʼe ko he ʼu meʼa fakakata pe ia. [Fakahā age he puani e tahi peʼe lua ʼi te talanoa ʼi te pasina 5.] Kua ke fakakaukauʼi koa te tupuʼaga ʼo te ʼu manatu ʼaia? [ʼI tana ʼosi tali atu, koutou lau age ia 2 Kolonito 11:14.] ʼE fakahā e te nusipepa ʼaenī te manatu ʼa te Tohi-Tapu ʼo ʼuhiga mo te ʼu manatu fakamataku.”

Réveillez-vous ! ʼaho 8 ʼo ʼAuk.

“Tokolahi ʼe nātou tuʼania lahi ki te tuputupu vave ʼo te agamālohi pea mo te ʼu fai fakapō. ʼE lagi ʼe ke manatu tahi anai mo te palalau ʼaenī ia Tagata Tānaki 8:9. [Koutou lau age pea mo tuku ke fai mai hana tali.] ʼE talanoa te Réveillez-vous ! ʼaenī ki te ʼu ako ʼaē ʼe feala ke tou tāʼofi mai te temi muʼa pea mo ina fakahā mai peʼe pulihi feafeaʼi anai te pule ʼaia.”