He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Sep.

“Tokolahi ʼi tanatou manatu ʼe mole feala ki te tagata agahala ke felogoi mo te ʼAtua. Koteā tau ia manatu kiai? [Tuku ke fai mai hana tali.] Lau age ia Pesalemo 65:2. ʼE fakahā ʼi te alatike ʼaenī ‘ ʼE Tou Lava Fakaōvi Feafeaʼi Kiā Ia ʼAē ʼe Fagono Ki Te Faikole,’ ia te faigamālie ʼaē ʼe tou maʼu ke tou felogoi mo tatatou Tāmai ʼe ʼi selo.”

Réveillez-vous! ʼo ʼAuk.

“ ʼI tau manatu ʼe feala koa ʼi he ʼaho ke tou toe sisio kiā nātou ʼaē neʼe tou ʼoʼofa ai kae kua mamate? [Tuku ke fai mai hana tali.] Fakatokagaʼi te fakapapau ʼaenī neʼe fai e Sesu ʼo ʼuhiga mo te kau mate. [Lau age ia Soane 5:​28, 29.] ʼE fakahā ʼi te alatike ʼaenī ia te manatu ʼaē ʼe tuʼu ʼi te Tohi-Tapu ʼo ʼuhiga mo te meʼa ʼe hoko mokā kita mate.” Fakahā age te alatike ʼaē ʼe kamata ʼi te pasina 28.

Te Tule Leʼo ʼaho 1 ʼo Sep.

“Tokolahi te hahaʼi ʼi te temi nei ʼe mole kei maʼuhiga kiā nātou ia te lotu. ʼI tau manatu, kapau ʼe tou tauhi fakalelei ʼi he lotu ʼe tokoni mai anai koa kiā tatou ke tou liliu ko ni hahaʼi ʼe lelei age? [Tuku ke fai mai hana tali.] Fakatokagaʼi te manatu neʼe fakakikite ʼi te Tohi-Tapu ʼo ʼuhiga mo te aga ʼa ʼihi hahaʼi ʼi te lotu ʼi te ʼu ʼaho fakamuli. [Lau age ia 2 Timoteo 4:​3, 4.] ʼE fakahā ʼi te nusipepa ʼaenī peʼe feafeaʼi te faka maʼuhigaʼi e te tauhi moʼoni ia te ʼAtua pea mo tona ʼu fua lelei ʼaē kiā tatou.”

Réveillez-vous! ʼo Sep.

“Tokolahi ʼe nātou feʼekeʼaki peʼe ko te tui ki te ʼAtua ʼe ʼalutahi koa mo te sivisivi fakaʼatamai. Koteā tau manatu ki te faʼahi ʼaia? [Tuku ke fai mai hana tali. Pea koutou lau age ia Hepeleo 13:4.] ʼE fakahā ʼi te Réveillez-vous ! makehe ʼaenī ia te fakamoʼoni ʼaē neʼe tupu ai leva te tui ʼa ʼihi tagata popoto ʼe ʼi ai he Tupuʼaga.”