He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo ʼAuk.

“ ʼE au fia ʼiloʼi tau manatu ʼo ʼuhiga mo te ʼu palalau ʼaenī. [Lau age ia Luka 12:15.] ʼE ke manatu koa ko te mānumānu ʼe ko he meʼa ʼe kovi? [Tuku ke fai mai hana tali.] ʼE vakaʼi ʼi te nusipepa ʼaenī peʼe koʼē ʼe tonu ke tou ‘puipui ia tātou mai te ʼu faʼahiga mānumānu kehekehe.’ ” Fakahā age ia te ʼalatike ʼaē ʼe kamata ʼi te pāsina 23.

Réveillez-vous! ʼo ʼAuk.

Kapau ʼe kotou felāveʼi mo he tūpulaga, ʼe feala ke kotou ʼui fēnei: “Tokolahi ohagē ko koe neʼe natou lotomamahi ʼuhi he neʼe fatufatuʼi ia nātou. Neʼe kua hoko koa te faʼahi ʼaia kiā koe? [Tuku ke fai mai hana tali.] ʼE foaki mai ʼi te Tohi-Tapu ia he tokoni lelei mo kapau neʼe fatufatuʼi kita. ʼE toe fakahā ai peʼe koteā ʼaē ʼe tonu ke tou fai ke mole tou fai fatufatu.” Fakahā te ʼalatike ʼaē ʼe kamata ʼi te pāsina 12, pea lau he vaega e tahi ʼi te ʼu vaega ʼaē ʼe tuʼu ʼi te ʼalatike.

Te Tule Leʼo ʼaho 1 ʼo Sep.

“ ʼE manatu e te tokolahi ʼe tou maʼu ʼi te ‘Tauhi ʼĀfea’ he ʼu manatu ʼaoga ʼi te faʼahi ʼo te hisitolia. Kae ʼe natou lotolotolua ʼo ʼuhiga mo te kei ʼaoga ʼo tana ʼu pelesepeto iā ʼaho nei. Koteā tau manatu? [Tuku ke fai mai hana tali. Pea kotou lau age ia Loma 15:4.] ʼE fakahā ʼi te nusipepa ʼaenī te tokoni ʼaoga ʼaē ʼe tou maʼu ʼi te ‘Tauhi ʼĀfea’ ki totatou maʼuli ʼi te ʼaho fuli pea mo he ʼamanaki moʼoni ki te kā haʼu.”

Réveillez-vous! ʼo Sep.

“ ʼI tau manatu, ko te ʼu tuʼutāmaki faka nātulā ʼe fakahoko koa e te ʼAtua? [Tuku ke fai mai hana tali. Pea kotou lau age ia Teutalonome 32:4.] ʼE vakaʼi ʼi te nusipepa ʼaenī peʼe koʼē neʼe fakagafua e te ʼAtua ke hoko atu te ʼu tuʼutāmaki faka nātulā. ʼE toe fakahā lelei ai peʼe feafeaʼi hakotou puipui tokotou fāmili.”